Isaiah 14
14
1TOPA in Jacob khuatuah dinga,
Israel khatvei teeltuam lai-in#Zec 1:17; 2:12
amau neihsa gamah a tengsak kik ding hi.
Pemtate in amaute pawl ding uh a,#Eph 2:12-19
Jacob innkuan tawh kigawm ding uh hi.
2 Minamte in amau gamah
amaute a puak ding uh hi.#Isa 60:9
Israel innkuante in minamte tang ding uh a,
TOPA gam ah sila-numei le sila-pasal in a khawi ding uh hi.
Amau a mante salin khawi ding uh a,#Isa 45:14
amau a nengniamte a uk ding uh hi.#Isa 60:14
3 Note thuakna, buaigawpna le khelbawlgawpna panin TOPA in hong suahtaksak ni-in 4 Babylon kumpi tungah hih bangin na khelcih ding uh hi:#Hab 2:6; Isa 11:10
Mi nenniampa bangci bei mawk a hia!#Isa 9:4
A hehna b#14.4 Si Tuipi Laizial; Septuagint le Syriac; Masoretic Bupi ah a khiatna kician lo hi. a bangci bei ai tam!
5 TOPA in mitatsiate ciangkhut le
gam ukte ciangkhut -#Ph 125:3
6 a heh uh cianga mite a satsatna uh#Isa 10:14
a haksatna a khiap hetlohna uh sutan khina,
hehsa-in minamte nasiatakin
thuzawh khin hi.
7 Gam khempeuh kilemin tawlnga a,#Ph 98:1; 126:1-3
la sasa ta uh hi.
8 Lebanon a taksingte le tam taksingte nangawn in,
"Tu-in nang hong kiphukpai zo a,
kote phuk dingin kuamah hong kuan nawn kei ding hi,"
ci-in lungdam hong ko uh hi.
9 Nuai-a hankhukte c#14.9 Hebrew in Sheol; tg. 11 le 15 ah zong khempeuh
nang vaitun a dawn dingin a kising kheukhou uh hi;
nang hong muak dingin
a paisa leitung makaite khate kiphong a,#Zec 10:3
a kumpi tokhom ciat panun a kithosak hi -
amaute a vekun minamte kumpite vive ahi uh hi.#Job 3:14
10 Amaute in nang hong hopih in,
"Ko mah bangin nang zong na thakia ta hi;
ko tawh na kibang ta hi,"
hong ci ding uh hi.
11 Na harp awte tawh na galkap honpi khempeuh
hankhuk ah kipuaksukte;
na nuai-ah tangtel kiphah a,
than in hong pumtuam hi.#Isa 51:8
12 Phalvak tapa zingsol aw,#2Pe 1:19; Kil 2:28; 8:10
van pan bangci kiatsuk na hiam,#Isa 34:4; Lk 10:18
khat vei lai-a minamte a niamkhiatpa
lei ah hong kikhiasuk mawk hi lo maw!
13 Na lungsim ah,
"Van ah ka kahto ding hi;
Pasian aksite tunglam ah
ka tokhom ka sangkhan ding hi;#Eze 28:2
mual siangtho d#14.13 Ahikeh leilu-lam ah Hebrew in Zaphon sanpenna mun mihonpi kikhopna vum tungah
ka kumpi tokhomin ka tu ding hi.
14 Meiite tunglam pekah ka kahto ding hi;
kei le kei Sangpen Pa in ka kibawl ding hi," na ci hi.#Isa 47:8; 2Th 2:4
15 Ahi hangin hankhuk sung,
gum thukpi sungah nang hong kipuaksuk ding hi.
16 Nang hong mute in hong sal gega kawmin
na pianzia ngaihsunsunin,
"Leitung a lokgawppa,
kumpi-gamte a lingsakpa,
17 leitung sehnel-gam suaksak a,#Joel 2:3
a khuapite a lawnthalpa le a saltangte inn a,
a ciahsak nuam lopa hihpa hi lo ahi hiam?" ci ding uh hi.
18 Minamte kumpite khempeuh
amau han sung ciatah a lum hithiat uh hi.
19 Ahi hangin nang na hankhuk pua lamah
a kideih lo singhiang bangin hong kilawnkhia-in;#Isa 22:16-18
namsau-a kisunlet suang dum sunga
a tuaksuksa misi luangte in#Jer 41:7-9
nang hong khuhcip uh hi.
Khe a kituancil mi siluang bangin
20 amaute tawh na kivui khawm kei ding hi,
ahang in, na gam na susia a,
na mite na that hi.
A tatsiate suan-lekhakte
a kilo kha nawn kei ding hi.#Ph 21:10
21 A pute uh mawhna hangin
a tapate uh kigawh nading mun bawlkhol in;#Pk 20:5; Sp 26:39
a leitang uh a luah ding le a khuapite un
leitung a tuam dingin amaute a tho kei ding uh hi.
22 "Amaute langkhatah ka pang ding hi,"
Thahatpen TOPA in cikhia hi.
"Tuanu min le a omlaite, a ci a nam le a suan a khakte,
Babylon panin a kikhenkhia ding hi,"#1Ku 14:10
TOPA in a cikhia hi.
23 "Tuanu, simbute giahna mun le
nawngpi lak ka suaksak dinga,#Isa 34:11-15; Zep 2:14
siatna tawh ka phiatsiang ding hi,"
Thahatpen TOPA in cikhia hi.
Assyria Langah Genkholhna
24 Thahatpen TOPA kiciam khin a,
"Ka gensa bangin piang dinga
ka sehsa bangin a kho takpi ding hi.#Ns 4:8
25 Ka gam sungah Assyria mite ka gawizan dinga,#Isa 10:5,12
ka mualte tungah ka tuancilgawp ding hi.
Ka mite panin ama hakkol kilakhia dinga,#Isa 9:4
amau liangko panin a van a kihemkhia ding hi," a ci hi.
26 Hih in leitung buppi ading ngimna ahi hi;#Isa 23:9
hih in minam khempeuh tunga kizankhia khut ahi hi.
27 Thahatpen TOPA sehsa ahi manin kua in khaktan thei ding ahi hiam?
A khut zankhia khin hi, kua in dok kik thei ding ahi hiam?#2Kh 20:6; Isa 43:13
Philistia-te Langah Genkholhna
28 Hih in Kumpi Ahaz sih kuma thusuak ahi hi:#2Ku 16:20; Isa 13:1
29 Philistia-te khempeuh aw,
no hong kisatna ciangkhut a kitan manin lung nuam kei un;#2Kh 26:6
tua gul zung panin ngan hong mengto dinga,
agah a lengthei gulpi gupha hong hi ding hi.
30 A zawngte lak pana a zawngpente in lonona mu ding uh a,
a tasamte lungmuangin a lum hithiat ding uh hi.#Isa 3:15; 7:21-22
Ahi hangin kialpi tawh na zung ka susia dinga#Isa 8:21; 9:20
tua in na suahtaksakte a that ding hi.
31 Kongpi aw, kap vangvang in!
Khuapi aw, ku vangvang in!
No Philistia-te khempeuh aw tuisuakmang un!
Leilu panin meikhu meii-in kai-a a gualguala tangkai a om kei hi.#Jer 1:14
32 Tua minam kamtaite tungah
bang a kici dawn ding hiam?
"TOPA in Zion kipsak khin a,#Ph 87:2,5; Isa 44:28
gimna thuak a mite in a sungah bukna a mu ding uh hi," a ci hi.
Currently Selected:
Isaiah 14: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission