Isaiah 1
1
1Judah kumpi Uzziah, Jotham, Ahaz le Hezekiah-te hun sunga Judah le Jerusalem tawh kisai Amoz tapa Isaiah in a mangmuhna ahi hi.
A Lehdo Minam
2 Vante aw, za un! Leitung aw, ngai in!#Tp 4:26
TOPA in gen khin zo hi.
"Tate ka khoi a, khang lian khin uh hi,
ahi hangin amaute in kei hong lehdo uh hi.#Isa 24:5
3 Bawngtal in a pu thei hi,
laa in a neipa’ gan ankuang thei a#Pc 42:27
ahi hangin Israel in thei loin
ka mite in a theitel kei uh hi.#Tp 32:28
4 Ah! Amawhdim minam
khialhna netcip mite
a gilote suante#Isa 9:17
siatna-a ka piaksa tate ahi uh hi.#Ph 14:3
Amaute in TOPA taisan uh a;#Tp 32:15
Israel Siangtho Pa simmawhin
amah nungngatsan uh hi.#Pn 30:9
5 Bang hangin note hong kisat beh lailai ding ahi hiam?#Pn 20:30
Bang hangin lehdo lailai na hi uh hiam?#Isa 31:6
Na lutang buppi liam khin a,
na lungsim buppi gimlua khin hi.
6 Na khepek nuai-a kipan na sipzang dong
a damna mun om lo a -
liamna sidup le
meima naiphual bek omin#Isa 53:5
kihah lo, kitun loin
sathau lah a kinuh kei hi.#2Sa 14:2
7 Na gam uh kilawi ta a,
na khuapite uh mei-in kihaltum hi.
Gamdang mite in na muhtang un
na gam uh hong sut uh a,#Sp 26:16
khualmite in susia khin ta uh hi.#2Ku 18:13
8 Zion Tanu,
lenggui lo-a bukkhel bang,
tangmai huan a hampheng bang le#Job 27:18
a ki-umcih khuapi bangin kinusia ta hi.
9 Thahatpen TOPA in
eite tawmno khat hong sit lo hileh
Sodom tawh kibang khinin
Gomorrah tawh i kibang khin ding hi.#Pc 19:24
10 Sodom gam-ukte aw,
TOPA kammal za un;#Pc 13:13
Gomorrah mite aw,
i Pasian thukham ngai un!
11 TOPA in, "Tua zahta-a tam na biakpiakna uh -
kei adingin banga kimang ahi hiam?" ci hi.
"Tuutalte le ganhing vakthaute’ thaute tawh
meihal biaknate ka kham lua ta hi.#Ph 50:8
Bawngtalte, tuunote le keelte sisan tawh
ka lungkim kei hi.#1Sa 15:22
12 Kei tawh kimu dinga nong pai ciangun
ka inntualte hih banga tuancil dingin
kua in hong sawl hiam?
13 A khiatna nei lo biaknate hong kengkeng nawn kei un!#Pn 15:8
na gimnamtui uh ka kih hi.#1Ku 14:24
Kha det nite, Sabbath-te le kikhopna thupite -#1Kh 23:31
na gitloh kikhopnate uh ka thuakzo nawn kei hi.
14 Na Khadet pawite uh le na pawi tuamtuamte uh
ka hinna-in ka mudah hi.#Ph 11:5
Tuate kei adingin vangik suak a;#Job 7:12
tuate pua-in ka gim hi.
15 Na khut uh zakin thu na nget uh ciangin
ka mai kong selsan hi;#Tp 31:17
thu tampi na nget uh hangin
ka ngai tuan kei ding hi.#Tp 1:45
Na khutte uh sisan tawh kidim hi;
16 sil unla no le no kisiangsak un!#Mt 27:24
Na gamtatsiate uh
ka muhna ah sem nawn kei un!
Na bawlbawl uh khialhnate tawpsan unla,
17 thumaan sin un!#Ph 34:14
Thutang zong un,
a kinengniamte a#1.17 Ahikeh / a nuainette na tai uh a hanthawn un.
Pa nei lote hu unla,
meigongte thu gensak un.#Pk 22:22
18 "Tu-in hong pai un, kikumkhawm dih ni,"
TOPA in ci hi.#1Sa 2:25
"Na mawhnate uh ausan bangin a san hangin
vuk bangin a pak ding hi;#Ph 51:7
kheisan bangin a san hangin
tuumul bangin ngo ding hi.#Isa 55:7
19 Note in utin thu na man uh leh
na gamsungua piang a hoih pen na ne ding uh a;#Tp 30:15-16
20 ahi hangin hong langpanga nong lehdo uh leh
namsau in hong nawmvalh ding hi,"#Job 15:22
Ahang in, TOPA kam in a gensa ahi hi.
21 En dih un, bangci banga a muanhuaisa khuapi
numei kizuak suak zawzen ahi hiam!#Jer 2:20
Khatvei lai-in thutang tawh kidim hi;
ama sungah thumaanna teng a,
tu-in lah tualthatte bekbek teng ta!#Pn 6:17
22 Na ngunte sumngo-ek suaka,
na zucil pente tui kihelin peeng ta hi.#Ph 119:119
23 Na gam-ukte a lehdote suakin
gutate tawh kipawl uh hi;
amaute in golhsum iplah uh a,
a mawk piak dingte nungzuih uh hi.#Pk 23:8
Amaute in pa nei lote panpih lo uh a,
meigongte thu a sang kei uh hi.#Isa 10:2
24 Tua ahi ciangin Topa, Thahatpen TOPA ,
Israel-te Thahatpen Pa in:#Pc 49:24
"Ah, ka galte panin ka honkhia dinga
kei mahmah in ka galte phu ka la ding hi.#Tp 32:43
25 Note langkhatah ka khut liik-in#Tp 28:63
na saam-ek teng uh ka siaksiang mang dinga,
na siantholohnate uh ka hemkhia mang ding hi.#2Kh 29:15
26 Hunlui lai bangin na thukhente uh omsakin
na thudotte uh a tunglai ka bangsak ding hi.
Tua teng khit ciangin nang
Thumaanna Khuapi,
A Muanhuai Khuapi hong kici ding hi," cikhia hi.#Isa 4:3
27 Thutangin Zion kitankhia dinga,
ama sunga kisikkik mite thumaanin kitankhia ding uh hi.#Isa 30:15
28 Ahi hangin a lehdote le mawh neite kisia khawm ding uh a,
TOPA a taisante a mangthang ding uh hi.#Ph 9:5
29 "Nuam na sak mahmah uh tawsaw kung siangthote hangin
na maizum ding uh hi;#Isa 57:5
na deihtel uh huante hangin
na zahlak ding uh hi.#Isa 65:3
30 Note tui a om lo huan bangin,
a tehpulhsa tawsaw na bang ding uh hi.#Ph 1:3
31 Mi thahatpa lee suak dinga
ama nasep mei-ek suakin
a nihin kangtum khawm dinga
tua mei kuamah in a phelh zo kei ding hi," a ci hi.#Isa 4:4
Currently Selected:
Isaiah 1: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission