YouVersion Logo
Search Icon

Galatia-te 2

2
Sawltakpite in Paul Sang
1Tua nung kum sawm-le-li ciangin Jerusalem ah ka paito kik hi; tua tungin Barnabas tawh ka hi hi. Titus zong ka tonpih hi. 2 Kilaakna thu manga pai ka hi-a, Gentile-te laka ka gen lungdamna-thu mah amaute mai-ah ka lui hi. Ahi hangin ka kitaitehna uh ahi zongin ka tainasa ah ahi zongin, a mawkna a suah ding ka lau manin makai hileh a kilawmte kiangah ka hilh sim hi. 3 Tua hi napi ka tonpih Titus nangawn Greek mi ahi hangin vunat dingin a kisawl teitei kei hi. 4 Christ Jesu sunga i suahtakna hong ensimin sila hong suaksak dingin eite lakah sanggam zuau pawlkhat hong lutsim ahi manin hih thu hong piang ahi hi. 5 Note sungah lungdamna-thu, thutak a om theih nadingin tawmvei sung zong amaute thu ka mang kei uh hi.
6 Bangzahta in mi thupi hi le uh kilawm ta leh kei adingin amaute kilamdanna a om tuan kei hi. Pasian in a pualam kilatna in thu a khen kei hi—tua mite in ka thupuak bangmah a behlap kei uh hi. 7 Tua tawh kilehbulh in, Jew-te a#2.7 Greek ah zeksumte tg. 8 le 9 ah zong tungah lungdamna-thu hilh dingin Peter a kipiak bang tektek in, kei zong Gentile-te b#2.7 Greek ah zeksumlote tungah a hilh dingin hong kipia hi, cih a mu uh hi. 8 Ahang in, Jew-te tunga sawltakpi Peter nasepna-a a sempa Pasian mah in Gentile-te tunga sawltakpi keima nasepna ah zong na a sem hi. Khuampite dinga a minthang 9 James, Peter c#2.9 Greek ah Cephas; tg. 11 le 14 ah zong le John-te in kei tungah hehpihna hong kipia cih a theih uh ciangin kei le Barnabas kilawmtakna khut taklam hong khak uh hi. Amaute in kote Gentile-te tungah pai-a, amaute Jew-te tungah a pai ding uh a thukim uh hi. 10 Amaute khempeuh in mizawngte phawk gige ding hong deih uh, kei zong ka lawp penpen mah ahi hi.#Ns 10:34,35
Paul in Peter Sel
11 Antioch ah Peter hong pai ciangin amah khial khin ta ahi manin a mai-tangah amah ka sel hi. 12 James kiang pan kuate hiam a pai ma-in, amah in Gentile-te tawh an a ne khawmkhawm hi. Ahi hangin amaute hong tun uh ciangin vunatte pawl-a pangte a kihtak manun Gentile-te panin kikang koihin amah le amah a kituam koih hi. 13 Jew dangte in zong ama kineihsiamna zui uh a, tua ama kineihsiamna in Barnabas nangawn a pialmangsak hi.#Ns 10:45; 11:2,3
14 Lungdamna-thu amaan bangin amaute in sem lo uh cih ka muh ciangin amaute khempeuh mai-ah Peter kiangah, "Nang Jew mi hi napi, Jew mi bang loin Gentile mi bangin na nungta hi. Tua hi napi Jew ngeina zui dinga Gentile-te na kalh teitei bangci bang hiam?#Ns 10:28
15 "Mawh nei Gentile-te bang hi lo pianpih a Jew mi ahi eite in 16 thukham zuihzawhna hang hi lo, Jesu Christ upna hangin mi in diktansakna ngah hi cih i thei hi. Tua ahi ciangin eite in zong thukham zuihna hang hi lo, Christ upna hangin dik tansak-a i om theih nadingin Christ Jesu sungah i upna i nga hi; bang hang hiam cih leh thukham zuihna hangin kuamah dik a kitangsak kei ding hi.
17 "Eite in Christ sungah dik kitansak ding i zon laitakin eite mahmah mawh neite i hina hong kilang ahi ciangin Christ in mawhna khangsak cihna ahi hiam? Hi peuhmah lo hi: 18 Ka suksiat gawpsa ka lam kik leh thukham palsat mi ka hilam ka kitelsak hi. 19 Ahang in, Pasian adinga ka nuntak theih nadingin thukham tungtawnin thukham ka sihsan hi. 20 Jesu tawh ka kikilhlum zo a, kei ka nungta nawn kei hi; ahi hangin ka sungah Christ a nungta hi. Ka pumpi sunga ka nuntakna pen, kei hong it-in, kei ading amahmah a kipia pa Pasian Tapa upna-in a nungta ka hi hi. 21 Thukham tungtawnin thumaanna kingah thei hileh Christ a mawkna-a si hi ding ahi manin, Pasian hehpihna ka pampaih kei hi!" d#2.21 Kamphen pawlkhat in kamkhakna tg.14 khit teh koih hi ka ci hi.#Ro 8:10

Currently Selected:

Galatia-te 2: ZIV

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy