YouVersion Logo
Search Icon

Ezra 1

1
Cyrus in Saltangte Ciah Nading Huh
1Persia kumpipa Cyrus kumpi a suah zawh a kum khatna kumin, Jeremiah tunga TOPA thugen a tangtun nadingin TOPA in Persia kumpipa Cyrus lungsim ah suaksak a, a kumpi gamsung khempeuh ah tangkosak in lai-a gelhsa-in a koihsak hi:#Jer 25:12
2 "Persia kumpipa Cyrus gen hih ahi hi:
"‘TOPA vantung Pasian in leitunga kumpi-gam khempeuh kei hong pia a, Judah gam Jerusalem ah ama adingin biakinnpi khat lam dingin kei hong seh hi. 3 Note laka om ama mi peuhmah - a Pasian in ompih henla, Judah gama Jerusalem ah paito-in, TOPA, Israel Pasian - Jerusalem a om Pasian biakinnpi lam hen. 4 Tuateh a suakta lai-te in tuhuna a tenna munmun panun amah huh uh henla, ngun tawh, kham tawh, nate le ganhingte tawh, le utthu-a biaknate tawh Jerusalem a Pasian biakinnpi lampih uh hen,’ ci in," a ci hi.#Ms 15:3; Isa 44:28
5 Tua ciangin Judah le Benjamin innkuan makaite, siampite le Levi-te - Pasian in a lungsima a phawksak peuhmah - paito in Jerusalem a TOPA inn lam dingin a kithawi uh hi. 6 A vengte khempeuh un ngun le kham tawh kibawl vanzatte, nate le ganhing le utthu-a biaknate khempeuh banah letsong manphate tawh a huh uh hi. 7 Tua tham loin Nebuchadnezzar in Jerusalem panin puakhia-a ama pasian a#1.7 Ahikeh pasiante biakinn a, a koih, TOPA biakinnpi tawh kisai vanzatte Kumpi Cyrus in a pusuahkhia hi. 8 Persia kumpipa Cyrus-in sumkempa Mithredath puaksak a Judah ukpa Sheshbazzar kiangah a simsak hi.#Php 2:13
9 Tua nate hih teng ahi hi:
kham kuang 30
ngun kuang 1,000
ngun kuangdai b#1.9 Hih kammal Hebrew ah kician lo 29
10 kham kuang-uk 30
ngun kuang-uk tuamtuam 410
vanzat dangte 1,000
11 Ngun le kham vanzat khempeuh a vekin 5,400 ahi hi. Sheshbazzar in, saltangte Babylon pan Jerusalem ah a paitoh ciangin hihte khempeuh a puakto hi.#1Ku 7:50

Currently Selected:

Ezra 1: ZIV

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy