Paikhiatna 1
1
Israel-te Kinengcip
1Hihte in, Jacob tawh Egypt ah a lutkhawm Israel tapate a innkuan zui-a minte ahi hi: 2 Reuben, Simeon, Levi le Judah; 3 Issachar, Zebulun le Benjamin; 4 Dan le Naphtali; Gad le Asher. 5 Jacob suan-le-khak a vekpi in sawm sagih a#1.5 Masoretic Bu (Pc. 46:27 zong en in); Si Tuipi Laizial le Septuagint (Ns. 7:14 zong en in ) ah sawm sagih le nga ahi hi; Joseph pen Egypt a, a na om kholsa ahi hi.
6 Tu-in Joseph le a sanggamte khempeuh le amau khanga mite khempeuh a si khin uh hi. 7 Ahi hangin Israel mite pungin khang mahmah in tampi pha uh a, tua gam leitang dimin a kibehlap uh hi.#Pc 46:3 8 Tua ciangin Joseph thu a thei kha lo kumpi thak khat in Egypt uk hi. 9 Amah in a gam mite kiangah, "En un, Israel mite eite sangin tamzaw lua mahmah ta uh hi. 10 Hong pai un pilvangtakin amau tungah i hih kei leh tu-a sangin tamzaw semsem le uh, gal kidona khat piang leh i galte pawlin hong lehdo ding uh a, i gam a nusia kha ding uh hi," a ci hi.#Ph 105:24-25; Ns 7:17-19
11 Tua ahi manin amaute in nengcipin gimpi-a na a semsak dingin sila ukte amau tungah seh uh a, Pithom le Rameses, te Pharaoh’ van kholna khuapi dingin a lam uh hi. 12 Ahi hangin a kinak netcip zawk ciangin nak khanzaw uh a, a kizelzaw uh hi; tua ciangin Israel-te hangin Egypt mite patau uh a, 13 gimpi-in na a semsak uh hi. 14 Amaute in leisek le kultar nasep ah amaute nasep haksa semsak uha, lei nasep namcin zong semsakin, Egypt mite in amaute hehpih loin nasep haksate semsak uh hi.#Pk 3:7; 2:23
15 Egypt kumpipa in Hebrew naudomte, Shiphrah le Puah kiangah, 16 "Hebrew numeite nau na suahsak uh ciang le nausuahna tutphahah na huh uh ciangin encian unla pasal ahileh that un; numei ahileh hingkhawi un," a ci hi. 17 Ahi hangin naudomte in Pasian kihta uh a, Egypt kumpipa in hih ding a cihte hih loin pasalnote a hingkhawi uh hi. 18 Tua ciangin Egypt kumpipa in naudomte sama, amaute kiangah, "Bang hanga hici gamtat na hi uh hiam? Bang hanga pasalnote hingkhawi na hi uh hiam?" ci-in a dong hi.#tg 21; Pn 16:6
19 Naudomte in Pharaoh kiangah, "Hebrew numeite, Egypt numeite tawh kibang lo uh hi; amaute cidamin thahat uh a, naudomte a tun ma-in suakkhia khin uh hi," a ci uh hi.#Jos 2:4-6
20 Tua bangin naudomte tungah Pasian migi-a, mite khangin a tam semsem uh hi. 21 Naudomte in Pasian a kihtakna uh hangin amaute innkuanpihte ding zong amah in pia hi.#1Sa 2:35
22 Tua ciangin Pharaoh in a mite khempeuh tungah hih thupiakna a pia hi: "Nausuak b#1.22 Masoretic Bupi; Samaritan Pentateuch; Septuagint le Targum-te ah a suak Hebrew mi peuhmah pasalno peuhmah pel loin Nile gun sungah na pai ding uh a, ahi hangin numei peuhmah na hingkhawi ding uh hi," a ci hi.
Currently Selected:
Paikhiatna 1: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission