2 Timothy 1
1
1Christ Jesu sunga om nuntakna kamciamsa tawh kizui-a Pasian deihna hanga Christ Jesu sawltakpi Paul in.#1Co 1:1
2 Ka tapa it Timothy tungah:
Pa Pasian le i Topa Christ Jesu tung pana hehpihna, lainatna le lemna om ta hen.
Muanhuai ding Hanthawnna
3 Ka thungetnate ah sun le zanin nang kong phawk tawntung a, ka pu ka pa-te hihsa bangin lungsim kitheihna siang tawh a na ka sep Pasian tungah lungdam ka ko hi. 4 Lungnopna tawh ka kidim theih nadingin na khituite phawk kikin nang kong muh ding ka lunggulh mahmah hi. 5 Na up taktakna ka phawka, tua thu-upna, na pi Lois sungah nungta masa-in, tua khitteh na nu Eunic sungah nungta a, tu-in nang sungah zong nungta hi cih teltakin ka taksang hi. 6 Hih thu hangin nang tunga ka khut kong ngakna tungtawna, nang sunga om Pasian letsong pen na zapkuang den ding kong phawksak kik hi. 7 Ahang in, Pasian in eite, zahkaina kha hong pia loin, vangliatna, itna le ei le ei ki-ukzawhna kha hong piazaw hi.#Isa 11:2
8 Tua ahi ciangin i Topa thu na genkhiat ding maizum kei inla, ama thongkia ka hina zong maizumpih tuan kei in. Ahi hangin Pasian vangliatna tawh lungdamna-thu hanga ka thuak, hong thuakpih in. 9 Eite sepsa khatpeuh hang hi loin ama ngimna le hehpihna hangin hong honkhia a, nuntakna siangtho-a nungta dingin hong sam hi. Hun kipat ma-in hih hehpihna Christ Jesu sungah eite hong kipia zo hi. 10 Ahi hangin tua hehpihna, eite’ Honpa Christ Jesu hong kilatna tungtawnin tu-in hong kilaakkhia hi. Amah in sihna susia a, lungdamna-thu tung tawnin nuntakna le sih theihlohna hong puak hi. 11 Tua hi-a hih lungdamna-thu tawh kisai-in a tangkopa sawltakpipa le siapa dingin kei hong kiseh hi. 12 Tua thu hangin hih banga a thuak ka hi hi. Tua hi napi ka maizum kei hi; bang hang hiam cih leh ken ka up pa ka thei a, amah ka kepsakte tua ni adingin kem zo ding cih teltakin ka thei hi.#Mk 8:38
13 Kei tung pana na zaksate, Christ Jesu sunga om upna le itna tawh, hilhna kician lahna-in lenkip in. 14 Nang hong kikemsak na hoih kemin, eite sunga teng a Khasiangtho huhna tawh na cing in.
15 Phygelus le Hermogenes-te zong kihel in, Asia gama omte khempeuh in kei hong taihsat lam na thei hi.
16 Topa in Onesiphorus-te innkuan tungah a lainatna na lak ta hen. Bang hang hiam cih leh amah in ka kolbulh maizumpih loin thathak hong ngahsak ngitnget hi. 17 Hong maizumpih gen loh Rome ah a om lai-in kei hong muh matengin haksapi in hong zong hi. 18 Tua ni teh Topa kiang pana lainatna mu dingin Topa in seh ta hen! Amah in Ephesus ah lam tampi in kei hong huh lam teltakin na thei hi.#Heb 6:10
Currently Selected:
2 Timothy 1: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission