MADIU 1
PNGKIR

MADIU 1

1
Yesu Keriso liliula
(Lk 3.23-38)
1Baisa liliusi tubula Yesu Keriso dalela Debida matauna dalela Eberaam.
2-6aMetoya Eberaam bilokaia Guyau Debida eigini tubula igasi baisa makawala. Eberaam; Aisake; Yekobe; Yuda toyo budala; Peresi toyo Sera,#Matausina nupoyu, tumasi Yuda; kugisi Vit 38.27-30. e inasi Tamara; Esironi; Ram; Aminadaba; Nasoni; Salimoni; Bwasa, e inala Raabi; Obedi, e inala Ruti; Yese; e guyau Debida.
6b-11Metoya Debida bilokaia tuta matutona ilauwaisi mina Isireli ilosi Babiloni,#Baisa taitu makwaina 598 BC Nebukadinesa guyoula Babilonia eikatupipi ilau mina Isireli ilosi Babiloni. eigini tubula igasi baisa makawala. Debida; Solomoni, e inala Uraia kubuyala;#Minana Batiseba; kugisi 2 Sml 12.24. Rioboam; Abia; Asa; Yeosepata; Yeoram; Usaia; Yotam; Eyasi; Esekaia; Manasa; Amona; Yosaia; Yekonaia toyo budala. #2 Gwe 24.14-15; 2 Lil 36.10; Yer 27.20
12-16E bogwa ilauwaisi mina Isireli#Igau oluvi wa taitu makwaina 538 BC Sairusa guyoula Pesia itagwala mina Isireli bigalasi bikaimilavausi osi valu tatousi. ilosi Babiloni ilokaia tutala Yesu ikaloubusi, eigini tubula igasi baisa makawala. Yekonaia; Sealitieli; Serubabela; Abiuda; Eliakim; Asori; Sadoki; Akim; Eliuda; Eleasa; Matani; Yekobe; Yosepa, matauna Meri la mwala, e baisa Meri ivilulu Yesu, matauna idokaisi Mesaia.
17Mapaila liliusi komwaidona metoya baisa Eberaam meitobu baisa Debida kala bawa tubwa tubuluwotala tubovasi; e metoya baisa Debida meitobu okala tuta ilauwaisi mina Isireli ilosi Babiloni kala bawa tubwa tubuluwotala tubovasi; e metoya okala tuta ilauwaisi mina Isireli ilosi Babiloni meitobu baisa Mesaia#Kugisi makasana Biga Kala Katumiki. kala bawa tubwa tubuluwotala tubovasi.
La kaloubusi Yesu Keriso
(Lk 2.1-7)
18E, la kaloubusi Yesu Keriso makawala baisa. Tutala inala Meri ipakusi sola Yosepa,#Mina Yudia kasi karaiwaga kidamwa tau sola vivila bipakusi makawala, gala igagabila bikotuni si biga katotila paila veivai mesinaku wala kidamwa tau bivaipaki minana. igau gala bivaisi kasitaiyu, minana kala lumkola eisuma metoya baisa Baloma Tobumaboma. #Lk 1.27 19E Yosepa Meri la mwala, tomitukwaibwaila#tomitukwaibwaila. gagabila bitagini “la bubunela bwaina wala”, kaina, “matauna tuta tuta tovagi duwosisia.” matauna e gala magila biyomsili minana, idoki bikium bipaiki minana; 20ininanamsa makawala, e la anelosi Guyau iyoumatila baisa matauna wa mimi, ikaibiga, kawala, “Yosepa, yoku dalem Debida, taga kukokola bukuvakouli Meri m kwava; paila leisuma minana uula Baloma Tobumaboma. 21E minana bivilulu tau, e bukudoki yagala Yesu,#Yesu. Maigana kala katumiki “bikatumova” kaina “Guyau matauna tokatumova”. paila bikatumovi la tomota metoya osi mitugaga.” #Lk 1.31
22Baisa komwaidona ikaloubusi, kidamwa avaka Guyau bogwa ilivala metoya ola tovitoubobuta gala bisala, kawala, 23“Ka, vilakapugula bisuma, biuni tau, e bukudokaisi yagala Emanueli.” (Yagala bitakatumikaisi, “Yaubada deli yakidasi.”) #Ais 7.14
24E tutala Yosepa imamata, ivagi makawala la anelosi Guyau leiluki matauna; ivaiya minana, 25mitaga gala bisividuli minana igau iunibogwi tau; e Yosepa idoki magudina yagala Yesu. #Lk 2.21

Kiriwina Bible (Buki Pilabumaboma) © Bible Society of Papua New Guinea, 2011.


Learn more about Buki Pilabumaboma

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.