MATTHAÏOS Ka Jinglamphrang
Ka Jinglamphrang
Ka Gospel Kat Kum U Matthaïos ka ïathuh ïa ka khubor babha ba U Jisu u long u Nongpynim uba la kular, uta da uba U Blei u la pyndep ïa ki jingkular kiba u la ai ha ki briew jong u ha ka Testament Barim. Kane ka khubor babha kam dei tang ïa ki briew kiba dei ki Jiw, ha kaba la kha ïa U Jisu bad im hapdeng jong ki; hynrei na ka bynta ka pyrthei hi baroh kawei.
Ïa Ka Gospel Kat Kum U Matthaïos la pynbeit ryntih bha. Ka sdang da ka jingkha ïa U Jisu, ka jingbatai ïa ka jingpynbaptis ïa u bad jingshah pynshoi jong u, bad nangta ka wanrah ïa ka jingtrei jong u ha kaba ïalap, hikai, bad pynkhiah ha Galilaïa. Hadien kane, ka Gospel ka buh jingthoh ïa ka jingïaid lynti U Jisu na Galilaïa sha Jerusalem bad ïa ki jingjia jong ka taïew kaba khatduh jong U Jisu, kaba pynkut ha ka jingsahnarphna bad jingmihpat jong u.
Kane ka Gospel ka wanrah ïa U Jisu kum u Nonghikai uba khraw, uba don ka iktiar ban batai ïa ka Aiñ jong U Blei, bad uba hikai shaphang ka hima jong U Blei. Ïa kiba bun ki jinghikai jong u la lum kat kum ka phang ha ki san tylli ki jinglumthup: (1) Ka Jingïathuhkhana halor u lum, kaba ïadei bad ka jinglong jingim, ki kamram, ki hok, bad ka lawei jong ki traishnong jong ka Hima ki bneng (Lynnong 5-7); (2) Ki jingai jinghikai ïa ki khat-ar ngut ki synran ïa ka jingtrei mission jong ki (Lynnong 10); (3) Ki pharshi shaphang ka Hima ki bneng (Lynnong 13); (4) Ka jinghikai ïa ka jingmut jong ka jinglong synran (Lynnong 18); bad (5) Ka jinghikai shaphang kaba kut jong ka pateng kaba mynta bad ka jingwan ka Hima ki bneng (Lynnong 24-25).
Ka Jingkdew
Ka jinghiarpateng bad ka jingkha ïa U Jisu Khrist 1:1—2:23
Ka jingtrei u Ïoannis Nongpynbaptis 3:1-12
Ka jingpynbaptis bad ka jingshah pynshoi U Jisu 3:13—4:11
Ka jingtrei bapaw jong U Jisu ha Galilaïa 4:12—18:35
Na Galilaïa sha Jerusalem 19:1 — 20:34
Ka taïew kaba khatduh ha Jerusalem bad hajan jong ka 21:1—27:66
Ka jingmihpat bad ki jingmihpaw U Trai 28:1-20
Currently Selected:
MATTHAÏOS Ka Jinglamphrang: KHACLBSI
Highlight
Share
Copy
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.