MATTHAI 1
HMARMBBSI

MATTHAI 1

1
Isu Thlatu chanchin
(Lk 3.23-28)
1Abraham naupa, David naupa, Isu Krista thlatuhai inthlazie chanchin chu:
2Abrahamin Isak a thla a; Isakin Jakob a thla a; Jakobin Juda le a unauhai a thla a;
3 # Ruth 4.18-22; 1 Chr 2.1-15 Judain Tamar leh, Perez le Zera a thla a; Perezin Esrom a thla a; Esromin Aram a thla a;
4Aramin Amminadab a thla a; Amminadabin Nason a thla a; Nasonin Salmon a thla a;
5Salmonin Rahab leh, Boaz a thla a; Boazin Ruth leh, Obed a thla a; Obedin Jessai a thla a;
6Jessaiin lal David a thla a; chun Davidin Uria nuhmei leh, Solomon a thla a;
7Solomonin Rehoboam a thla a; Rehoboamin Abia a thla a; Abiain Asa a thla a;
8Asain Jehosaphat a thla a; Jehosaphatin Jehoram a thla a; Jehoramin Uzzia a thla a;
9Uzziain Jotham a thla a; Jothamin Ahaz a thla a; Ahazin Hezekia a thla a;
10Hezekiain Manasse a thla a; Manassein Amos a thla a; Amosin Josia a thla a;
11 # 2 Lal 24.14-15; 2 Chr 36.10; Jer 27.20 Babulon tienga sala an ṭhuoi lai vel khan, Josiain Jekonia le a unauhai a thla a;
12Chun, Babulon tienga sala an ṭhuoi hnungin Jekoniain Salathiel a thla a; Salathielin Zerubbabel a thla a;
13Zerubbabelin Abiud a thla a; Abiudin Eliakim a thla a; Eliakimin Azor a thla a;
14Azorin Sadok a thla a; Sadokin Akim a thla a; Akimin Eliud a thla a;
15Eliudin Eleazar a thla a; Eleazarin Matthan a thla a; Matthanin Jakob a thla a;
16Jakobin Josef Mari pasal chu a thla a; chu Maria chun Isu Krista an ti hi a hung insieng ta a.
17Chuongchun, suon po po chu Abrahama inthawk David chenin suon sâwmpali, Davida inthawka Babulon tienga sala an ṭhuoi chenin suon sâwmpali, Babulon tienga sala an ṭhuoia inthawka Krista chenin suon sâwmpali an nih.
Isu pieng thu
(Lk 2.1-7)
18 # Lk 1.27 Chun, Isu Krista hung insiengzie chu hieng ang hi a nih: A nu Mari chu Josef le an inhuol laiin, an inpâwl hmain Thlarau Inthiengin ân raitir ti an lo hriet ta a.
19Chun, a pasal Josef chu mi feltak a na; tlâng ihriet a nuom naw a; arûka mâk el a nuom a.
20Nisienlakhawm, chuong thu chu a ngaituo laiin, ngai ta, a mangah Lalpa vântirko a kuomah a hung inlâr a, “Josef, nang David naupa, Mari chu nuhmeia nei ṭi naw rawh; a nau vawn chu Thlarau Inthienga inthawk a nih i sawnnaw.
21 # Lk 1.31 Naupasal nei a ta, a hmingah Isu sak i tih; ama chun a mihai an thil suksuolnaa inthawkin a sandam ding a ni si a”, a ta.
22Lalpain zâwlnei baua,
23 # Is 7.14 “Ngai ta, nunghâk inthieng chu inrâi a ta,
Naupasal nei a ta;
A hming dingin Immanuel sak an tih,”
tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).
24Chuongchun, Josef chu a in a tho a; Lalpa vântirkoin a kuoma thu a pêk ang chun a thaw a; Mari chu a nei ta a;
25 # Lk 2.21 nisienlakhawm, naupasal a nei hmakhat chu a pâwl naw a; chun, a hming chu ISU a sak ta a.

Hmar Bible Millennium Edition Re-edited © Bible Society of India, 2016.


Learn more about Pathien Lekhabu Inthieng - BSI