JON 1
1
Sango Ka Aguñ
1 #
1 Jn 1.1; Mih 19.13; Jn 17.5. Kapyojaho aguñ hii dotii, ho aguñ Pinii agiñho dotii, ho aguñ hii Pinii tii. 2Mo kapyo jaho hokii Pinii agiñho dutii; 3#Kol 1.16; 1 Kor 8.6; Hib 1.2. kapane drih hii mohkokiila putii, ho mo nyima pa hang pumatii puto laka donii hiiniiñ heho. 4#Jn 5.26; 11.25; 14.6. Mohko sango hii dotii, ho sangohii miyu atañka hutoh. 5#Jn 9.5; 12.46. Hutoh hii kamomi byohutii, ho kamohii hiimi domiñ lamatii.
6 #
Mk 1.4; Mt 3.1; Lk 3.3; Jn 1.19-23. Miyu kone dutii Pinii kokii ka kiiniñnii, hiika armyañ Jon hiila. 7Mo pyakodupa ahtii, hutohmi haki bidupa hiila, niimpalukoda miilañjami henje kiine dupa mohkokiila. 8Mo hutoh bomatii, hojalo hutohmi haki bidupa hiila ahtii.
9 #
1 Jn 2.8. Jijeka hutoh miyu kone abi mika byohu nii hii dohadolo ho ahtii. 10Mo dohadolo ho dutii, ho dohadolo mi putii mohmi pugi nambiila, hojalo dohadolo hii mohmi chimatii. 11Mo mohka atoh ude ho ahtii, ho mohka atoh miyuatañ mohmi larii nyama tii. 12#Jn 3.18; 1 Jn 5.13. Hojalo hikha hutiina mohmi lariitiinii, hutiina mohka armyañ mi tajetiinii, mo harchichike mi bitii Pinii ka oho pa lyidopa; 13#Jn 3.5; 1 Pit 1.23; Jem 1.18; 1 Jn 3.9. hutiina buko tiinii, ai loma malo asiialyo ka henko homa malo miyu ka henko homa, hojalo Pinii kokiila.
14 #
Rom 1.3; Gel 4.4; Pil 2.7; 1 Tim 3.16; Hib 2.14; 1 Jn 4.2. Ho Aguñ hii asiialyo pa lyitii ho ngunuka punkoho duhatii, aroh-aya la jije poteje giitola; ngunu ko mohka tatukatu hii do, hiila ka tatu katu mo Aba ka hiiro kone kontii. 15#Jn 1.30. (Jon mohpa haki lyibitii, ho gyutii, “Siikasi hiike humina ngo lutonii, ‘Mo huna ngiika hiiba ho ahdonii ngiimi kaye yake, niimpalukoda mo ngiimi kapyo yatii.’”) 16#Kol 1.19; 2.9; Ipi 1.23; Rom 5.21. Ho mohka poteje doniiñ hokii ngunu miilañru lariitii, aroh-aya ka hahoho aroh-aya. 17#Jn 7.19. Niimpalukoda dapo hii Mose kokiila bitii; aroh-aya la jije hii Jisu Kristo kokiila ahtii. 18#Jn 6.26; 1 Jn 4.12; Jn 3.11. Kone hetḛr Pinii mi kapama; Oho kontiisii, huna Aba ka harbiilapyo ho dunii, mo mohmi chindopa miitii.
Jon Baptisma Binii Boka Puyu
(Mt 3.1-12; Mk 1.1-8; Lk 3.1-18)
19 #
Jn 1.6. Ho siikasi Jon ka pyakonii, Jew atañka nyibu atañ la Lebait atañ Jerusalem hokii la mohmi taka kiine dupa ka kiiniñ lyiho, “No huyape hiila?” 20#Jn 3.28. Mo khakotii, mo amuh matii, hojalo khakotii, “Ngo Kristo make.” 21#Mt 11.14; 16.14; Mk 9.13; Mt 17.13. Ho mohlu mohmi takatii, “Hokoda nii? No Elija ha?” “No nyibuhenii ha?” Mo lutii, “Ma ngoma.” “No nyibuhenii ha?” mohlu tahiitii. mo lusitii, “Ma.” 22Mohlu mohmi lutii hokoda, “Hu no? Ngunumi lukonaniiñ bipe ngunu mika kiiniñbopa. No atoh mi nii hiila lusudu?” 23#Mk 1.3; Mt 3.3; Lk 3.4. Mo lutii, “Ngo jabyo daka gyula donii kone hiike, Attoh ka lembo mi parda pa miibi to, nyibuhenii Aijaya ka lunii chulipa.”
24Siisi mohlu Parisi atañ kokii kiiniñtii. 25Mohlu mohmi takatii, “Hokoda niimpa no baptisma bidu, no matiirḛ Kristo makoda, malo Elija makoda, malo nyibuhenii makoda?” 26#Mk 1.7-8; Mt 3.11; Lk 3.16. Jon mohlumi lusitii, “Ngo yasie lo baptisma bidu; hojalo nunuka punkoho kone da humina nunu chimanii, 27hii ngiika hiiba hoka ahsabo, ngo mohka luku rappo nanii mika tapya binii patḛr lyima.” 28#Jn 3.26; 10.40. Siikasi Betany ho lyitii Jordan ka pacheho, nohna Jon baptisma bitiinii.
Pinii Ka Subuñ Atu
29 #
Jn 1.36; Miin 8.32; 1 Pit 1.19; Mih 5.6; 1 Jn 3.5. Allo lohe yaho mo Jisu mi mohkii dalyi ahla dopa kappatii, ho lutii, kato, Pinii ka subuñ atu, huna dohadolo ka ingyamiigya niimi bapa bidonii! 30#Jn 1.15. Siikasi hiike humina ngo lutonii, Ngiika hiiba ho miyu kone ahkiñdo ngiimika kaye yanii, niimpalukoda mo ngiimika kapyo yanii. 31Ngotiirḛ ya mohmi kachiñma; hojalo ngo sipa ahdu yasie lo baptisma bidupa hiila, niimpalukoda mohmi Isrel mi kakiñ kiine dupa. 32#Mk 1.10; Mt 3.16; Lk 3.22. Ho Jon haki pa lyibitii, “Ngo Yajiyallo mi yapuñ hokii pakoo chuli todo pa kapato, ho hiikahii mohko duhane. 33Ngotiirḛ mohmi chima; hojalo mo huna ngiimi kiiniñ tiinii yasie lo baptisma binii pa ngiimi lune, ‘Huko hona no Yajiyallo mi todopa kappa talyinii ho duhadopa, hiike Darii Yajiyallo lo baptisma bikiñ donii.’ 34Ho ngo kappatii ho haki pa lyilyi siikasi Pinii ka Oho ke hiila.”
Jisu Ka Kapyoja Henjeajiñ
35 #
Lk 7.18. Allo lohe yaho hiira Jon mohka henjeajiñ anye ka agiñho datii; 36ho mo Jisu mi kaditii mo ila dokele, ho lutii, “Kato, Pinii ka subuñ atu!” 37Henjeajiñ anye mohka siika luniiñ siimi tapatii, ho mo anye Jisu mi imbo montii. 38Jisu mokurtii, ho mo anye mi imbo mondo pa kappatii, ho mo anye mi lutii, “Niinyi nii miidu?” Ho mo anye mohmi lutii, “Tonsḛrbo”, “No no dudu?” 39Mo mohlumi lutii, “Ahto ho kakato.” Mohlu ahtii ho kappatii nohna mo dutiinii; ho mohlu hiika allo ho mo agiñho dubo montii, niimpalukoda hiika hii alyiñdalyi ka gunta tahepa lyitii. 40#Mt 4.18-22; Mk 1.16-20; Lk 5.2-11. Hiika anye Jon ka luniiñ mika tapabo konehii, ho mohmika imbo moniibo, Andrew tii, Saimon Pitar ka anu. 41#Jn 4.25. Mo kapyopa mohka anu Saimon mi kappatii, ho mohmi lutii, “Ngunu Masiah mi kappa tiike” (siika luniiñsi Kristo mi). 42#Jn 21.15-17; 1 Kor 15.5; Mt 16.18. Mo mohmi Jisu ko ahgii bitii. Jisu mohmi kaditii, ho lutii, “No Saimon, Jon ka oho ah? Niimi Cepas hiila myakiñ doke”
Jisu Pilip La Natanel Nyimi Gyotii
43 #
Mt 10.3; Jn 6.5; 12.21; 14.8. Allo lohe yaho Jisu Galili ho inchi hiila hentii. Ho mo Pilip mi kappatii ho mohmi lutii, “Ngiimi imbo monto.” 44Siisi Pilip Betsaida hokiitii, Andrew la Pitar nyika citi hokii. 45#Lk 24.27. Pilip Natanel mi kappatii, ho mohmi lutii, “Ngunu mohmi kappatii humina Mose ketiinii dapo ka khetaho ho nyibuhenii tiirḛ ketiinii, Nazaret daka Jisu, Josep ka oho.” 46#Jn 7.41; Mk 6.2. Natanel mohmi lutii, “Nazaret hokii hang aya drih lila kendo peha?” Pilip mohmi lutii, “Ahto ho kakato.” 47Jisu Natanel mi mohko ahla dopa kappatii, ho mohmi lutii, “Kato, jije Isrel miyu kone, hukohona gollumisu giimanii!” 48Natanel mohmi lutii, “Niihtañ pa no ngiimi kala du?” Jisu mohmi lusitii, “Philip ka niimi gyoma rampa, niika taro sannii aruñhoka daho ho, Ngo niimi kapato.” 49#Mk 15.32; Jn 12.13. Natanel mohmi lusitii, “Tonsḛrbo, no Pinii ka Oho! No Isrel ka Radde!” 50#Lk 3.21. Jisu mohmi lusitii, “Niimpa ngo niimi lutii, Ngo niimi taro sannii ka aruñho kapato hiila, no taje doha? No siika siimi kayeya drih atañmi kappa kendoke.” 51Ho mo mohmi lutii, “Jijeloda, jijeloda, ngo niimi lukoso, no dariiganda mi yako dopa kappa kendoke, ho Pinii ka miidopopi mi tola ho chala miyu ka Oho ka hahoho.”
Currently Selected:
JON 1: APATBSI
Highlight
Share
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.