Exodus 17
17
Imiq Uyaġagmiñ
(Numbers 20.1-13)
1 #
Nu 20.2-13. Iluqaġmiŋ Israel-gum kiŋuvaaŋich aullaŋarut nunagluktuaŋaniñ Sin-gum, nuktaqłutiŋ inimiŋniñ piraksriutaatun Atanġum. Nullaŋarut Rephidim-mun, aglaan imiksraiñŋarut. 2Uqaviḷuutiŋagaat Moses uqaqhutiŋ, “Imiksritchigut.”
Moses kiugai, “Summan uvva uqaviḷukpisi? Summan Ataniq uuktuqpisiuŋ?”
3Aglaan iñuich imiġuliqpaiñŋavlutiŋ uqaviḷuutiŋaiḷḷaiŋagaat Moses. Uqaqhutiŋ, “Summan aullautiŋavisigut Egypt-miñ? Tuqutchukłuta miqłiqtuvullu pamiqsaavullu imiġuksiuluta?”
4Moses aŋaiyyuruq katchuŋaił̣ł̣uni Ataniġmun uqaqhuni, “Qanuġlagich makua iñuich? Tuqutchumaalliġaanŋa uvva uyaġagnik miḷḷuuġluŋa.”
5Atanġum uqallautigaa Moses, “Piqatigilugich iḷaŋich Israel umialignaŋich, sivuatigun iñuit ayusitchi tigumiaġlugu ayauppiaq atuŋaran anaukapku Nile. 6Makinniaqtuŋa sivuġaġnun uyaġagmun Mount Sinai-mi. Anauyumagiñ uyaġak, aasii imaq maqiniaqtuq tavraŋŋa iñuich imiġviksraŋat.” Moses tainna piŋaruq takkuanni umialignaŋisa Israel.
7Ini atchiŋagaat Massah-miglu Meribah-miglu,#17.7 Massah-m sivuniŋa “uuktuqtittuni,” aasii Meribah-m sivuniŋa “uqaviḷuktuni.” qanukkii Israel-gum kiŋuvaaŋich uqaviḷuŋarut suli uuktuqługu Ataniq apiqsrikamiŋ, “Atanġum imña itqatigivatigut naakka itqatigiŋitpatigut?”
Aŋuyagmata Amalek-miullu
8Amalek-miut qaivḷutiŋ aŋuyaŋagaich Israel-gum kiŋuvaaŋich Rephidim-mi. 9Moses-gum uqallautigaa Joshua, “Naliġakkumautin aŋuyagiaqtiksranik Amalek-miunun uvlaaku. Makitaniaqtuŋa qaaŋani qimiqqam tigummiḷugu ayauppiaq God-im tigumiaquraŋa.” 10Joshua-m kamagivlugu Moses piraksriutaa aŋuyagiaġai Amalek-miut, qimiqqam qaaŋanuktillugich Moses-lu, Aaron-lu, Hur-lu. 11Moses isaaŋapkaqługu, Israel-gum kiŋuvaaŋich akimaraqtut, aglaan talligñi anmugmagik, Amalek-miut akimaaqsiraqtut. 12Moses tallik piḷaiġmagnik, Aaron-guvlu Hur-vlu uyaġagmik aquppiviksraġniġaak, aasii iliŋiksa makitavlutik tallik tiguvlugik isaaŋapkaġniġaak, aulayaiqsimavlugik tallik siqiñiq nipilġataqtillugu. 13Tainnaqłutiŋ Joshua-m akiisiñŋagai iluqaisa Amalek-miut.
14 #
Dt 25.17-19; 1 S 15.2-9. Tavraasii Atanġum uqallautigaa Moses, “Agliuttuuŋ qanuqłusi akimatilaavsiññik, itqaumasuuyumagaat. Uqallauttuuŋ Joshua tamatkiġḷugiyguuq suksraunġiġñiaġitka Amalek-miut.” 15Moses aitchuiviḷiuŋaruq aasii atchiqł̣ugu “Ataniq Akimmatiga.” 16Uqallaktuq, “Qutchiksiḷugu tigumiaqsiuŋ takuyaŋa Atanġum, akimaniŋa! Atanġum aŋuyaksimaaġniaġai akiḷḷiġilugich Amalek-miut taimuŋa!”
Currently Selected:
Exodus 17: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)