Obadja 1
1
Domen over Edom
1Dette er synene åt Obadja. #Jer 49,14ff
Så seier Herren Gud om Edom:
Ei tidend har vi høyrt ¬frå Herren,
eit bod er sendt ut ¬mellom folka:
«Stå opp, lat oss reisa oss ¬til strid mot Edom!»
2Sjå, liten gjer eg deg ¬mellom folka,
djupt vanvørd skal du vera.
3Ditt hjartans hovmod ¬har narra deg,
du som bur i bergrivner
og har ditt tilhald i høgdene,
du som tenkjer med deg sjølv:
Kven kan støyta meg til jorda?
4Om du byggjer høgt som ørna,
ja, legg ditt reir ¬mellom stjernene,
så vil eg støyta deg ned derifrå,
lyder ordet frå Herren. #Jer 51,53
5Om det kom tjuvar til deg
eller røvarar om natta
– å, kor du vert herja –
ville dei då stela meir ¬enn dei trong?
Om du hadde folk ¬til å hausta din vingard,
så leivde dei vel ¬til ei ettersanking.
6Å, kor dei har ransaka Esau,
leita opp hans løynde skattar! #0,6 Esau Edom. Esau vart rekna for ættefar til edomittane. Sjå 1 Mos 36,8f.
7Dei du var i pakt med,
driv deg heilt til grensa.
Folk du hadde fred med, ¬har svikta deg;
dei har fått overtaket på deg.
Dei som åt av ditt brød,
har sett snarer for deg og seier:
«Det finst ikkje vit i han.» #Sal 41,10; Jer 38,22; Dan 11,26
8Den dagen vil eg sanneleg
rydja ut dei vise or Edom
og dei kloke frå Esaus fjell,
lyder ordet frå Herren. #Jes 29,14; Jer 49,7
9Dine krigarar, Teman, ¬skal lamast av redsle,
kvar einaste mann skal drepast
og rydjast bort frå Esaus fjell. #0,9 Teman[Am 1,12]
10For ditt valdsverk mot Jakob, ¬bror din,
skal du sveipast i skam.
Du skal rydjast ut for alltid. #0,10 Jakob her brorfolket til edomittane, i Juda. Sml. Joel 3,24.#Joel 3,24; Am 1,11f
11Den dagen du heldt deg borte,
den dagen framande ¬røva hans gods,
då utlendingar gjekk inn ¬i hans port
og kasta lodd om Jerusalem,
då var du òg som ein av dei.
# 0,11 heldt deg borte Edom ville ikkje hjelpa Juda då babylonarane hærtok Jerusalem i år 587 f.Kr.
12Du skulle ikkje ha sett ¬med glede på bror din
då ulukka råka han,
ikkje gledt deg over judearane
den dagen dei gjekk til grunne,
og ikkje bruka så store ord
den tid dei var i naud. #Mi 4,11
13Du skulle ikkje ha trengt inn
i porten åt mitt folk ¬på ulukkedagen.
Du skulle slett ikkje ¬ha gledt deg
over det dei leid den dagen,
og ikkje rett handa ut
etter rikdomen deira
den usæle dagen.
14Du skulle ikkje ha stått ¬ved vegskila
og hogge ned dei som prøvde ¬å koma unna,
og ikkje gjeve i fiendehand
dei som slapp frå det
den dagen folket var i naud.
15For Herrens dag er nær
over alle folkeslag;
som du har gjort,
skal det gjerast med deg.
Di åtferd kjem att ¬på ditt eige hovud. #Joel 1,15+; 3,9.12; Hab 2,8.17
Israels atterreising
16Som de drakk ¬på mitt heilage fjell,
skal kvart folkeslag ¬alltid drikka.
Dei skal drikka i fulle drag
og verta som om ¬dei aldri hadde vore til.
# 0,16 drikka av Guds vreidevin. Sml. Jer 25,15; Sak 12,2. # Sal 75,9; Jer 25,15ff
17Men på Sion-fjellet ¬skal dei halda til,
dei som har sloppe unna,
og det skal vera ein heilagdom.
Jakobs ætt skal ta att ¬sin eigedom. #Joel 3,5
18Jakobs ætt skal verta ein eld
og Josefs ætt ein loge.
Men Esaus ætt ¬skal verta til halm,
som vert sett i brann og øydd.
Av Esaus ætt vert ingen att.
Herren har tala. #Jes 10,17; Mal 4,1
19Dei som bur i Negev, skal ta Esaus fjell til eige; og dei som bur i Sjefela, skal ta Filistarlandet. Dei skal leggja under seg Efraims-bygdene og Samaria-bygdene, og Benjamin skal ta Gilead. 20Dei bortførte av Israels-hæren skal ta landet åt kanaanearane i eige heilt til Sarepta, og dei landlyste frå Jerusalem, som er i Sefarad, skal ta byane i Negev. #0,20 Sarepta[1 Kong 17,9.]#0,20 Sefarad i Spania, eller Sardes i Vesleasia. 21Dei som er berga, skal stiga opp på Sion-fjellet og halda dom over Esaus fjell-land. Og riket skal høyra Herren til.#Mi 4,6f; Sak 14,9
Currently Selected:
Obadja 1: N78NN
Highlight
Share
Copy
Want to have your highlights saved across all your devices? Sign up or sign in
© 1978, 1985 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).
© 1978, 1985 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).