HEBRUTE 5
5
I siempu lien uh
1Siempu Lien mihingte lah a kipat a kiteldoh pouma khelnate zieha kithoina leh silpiehte lan dinga Pasian lam silte mihingte sihleh taanga lan dinga guot ahi uhi. 2Ama zong hatlouna nei ahi ziehin bangma theiloute leh lampielte tungah khotuona anei thei hi. 3#Siempu. 9.7Tamizieh main mipite khelnate kithoina alat chiengin, ama khelnate thoina zong alat akiphamaw hi. 4#Pawt. 28.1Koiman tam pahtawina dinmun ama a dingin akimawh la thei sih a, Aaron banga Pasian hatte ahi loungal u’leh.
Melkizedek siempu lien bang Khrist
5 #
Late. 2.7
Tuamabangin Khrist in zong Siempu Lienpen a bawl dingin Amaleh Ama, kipahtawi ahi sih a, Ama kunga. “Nangpen ka Tapa na hia, tuni’n ka hing hingkhie hi,”
chi a gen pa’n atawisang ahizaw hi.
6 #
Late. 110.4
Aman mun tuom khat a,
“Nangpen Melkizedek umdan banga,
kumtawn a siempu na hi.”
Chi a gen bangin.
7 #
Mat. 26.36-46; Mak. 14.32-42; Luk. 22.39-46 Jesu tahsa a aumlai nitein shina akipat hundoh theipa kung ah nahpitah a kikou leh hitui luong pumin thungetnate leh thumnate alat nuain, Pasian zaudan asiem ziehin ngaikhieh in aum hi. 8Tapa ahivangin athuohnate haw in thuman dan azilsahta hi. 9Tualeh suhbukim a hing umin, Athumangte zousie a dingin kumtawn a hundamna siempa ahing hita hi. 10Melkizedek umdan banga Siempu Lien, Pasian chiin a umta hi.
Ginna taisan lou ding a kithuhilna
11Ama tungtang gen ding tampi ka nei ua, na ngaikhiet thasiet zieh un ahilchien zong ahasa hi. 12#1 Kor. 3.2Ahun lam ngaituoin, noute thuhil siete na hi taah ding uh ahi a, hinanleh Pasian thubulte hinghil tha kia dingin mi na poimaw nalai lai uhi. Ann gum hilou in nawitui na kiphamaw nalai uhi. 13Nawitui ne poumate pen naungeh ahi nahlai ziehun, dihtatna thu ah theina bangma anei nai sih uhi. 14Hinanleh ann gum pen mi pichingte a ding ahia, angaituona uh zanga, sie leh pha khenthei dinga atheitheina uh sawizoite ading ahibou hi.
Currently Selected:
HEBRUTE 5: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.