Popular Bible Verses from 2 कुरिन्थि 4

Share

अने आमू देखल्यू वस्तूऊ नाहा पण न देखानारो वस्तु पालीत रोतलू काहाके पालो वस्तु कोम दिहोकोअता होय, पोन न देखानारो वस्तु कायम बोणीत रोत्ले.

त्यापोत आमाहा हिमंत सोडीत नाहा म्हणजे आमाआ बारथे माहुमे नाश उवनारा जात्लू तेबी पोन आमाआ मायतो माहुमे हर एक तेदीही नवो उवनारा जात्लू. काहाके आमाआ छळ भारातला फोवरोजे संकट आमा कोअता जास्तीज महत्व पुरो अने सार्वकालिक गौरव उत्पन्न कोईत जात्लू

आमू चारही दिशांनी संकट ताहा सहन कोअत्लू पोन संकटाम पोडीत नाहा आमाहा घोटाळा पडिलो पण नाराज उवनारा नाहा, छळ कोअयु जात्लू पोन आमाआ त्याग कोअयु जात नाहा, पाडिलो ताहा जात्लू पण नाश उवनारा नाहा.

पोन आमू जागे ते धन कादूवो बासनाम मेक्ल्ये होय का ओ असीमित सामर्थ्य आमापोरोत नाहा पण परमेश्वरोहो देखुहू रोंहु जोवे.

अने तिया अविश्वासी कोअता ज्याआ बुद्धी आव जुगाआ ईश्वर आंदले कोईत आप्यी होय म्हणजे ख्रिस्त जो परमेश्वर प्रतिरूप होय तिया तेजाचा सुवार्तेए प्रकाश तियापो सोमकूहु नाहा.

त्यापोत का परमेश्वरोओ होय जीआ कोयु, अंधरा मेहे प्रकाश चमकाडी, अने तोज आमा मोनामेहे चमकाडी का परमेश्वरोओ गौरवाच्या प्रकाश येशु ख्रिस्ताच्या सोबेपो ओवे.