Δημοφιλή Βιβλικά εδάφια από Mat 24

Κοινοποίηση

Ɔkpɛ gi kuzimizi yo kwiasrɛ onu i, banɔ glegle ba kunɔdimɛnɔɔ onu kwiayɔ. Pɔ̀ ɔniliɛ gi aalɛ kɔzɛna ni lɛ ɔgù klɔ ɛ, Aya aabu ye.

Lɛ Liboe Gbã nɛ ní Aya yɛ kaʋaŋaa gi kɛtraba su i, biapani lɛ klanɔ ní kelea mɛ petee gi liaki kudeonu si ɔnɔ kakaa aanu le e, xe ableke kelea kia gu u.

Mlaanu bigu ʋɛ ni agutaboe la onu ní idzage ne, pɔ̀ mledi lɛ aʋa si lifu likíku mlo, eboa la elu aaba la mɛ, pɔ̀ kelea lidupoe le liʋína a.

Kese kiayɔ kedu ní kese su, lɛ kukusi kwiata kigũ ni kukusi, kuʋɛ kwiadɔ lɛ kese kiahwa ni ikɔ glegle e. Bɛya elue biaze ŋwisi kuyeʋiyeʋi ní kubipɔ mɛ.

Lifunu ne nì kesea biaza, pɔ̀ me eboe la atráza liwewe e.

Banɔ glegle biaba ní mɛ linyi ne me si, ba benu Kristo ye gi biameni banɔ glegle e.

Lɛ biabu mlo kɔ si tɔ behe kutu aki mlɔ nì tɔ beye mlo, lɛ kelea pɔ kiatrɔ mlɔ ahwafi kɔkpɛ mɛ loso o. Ní lipoe lɛ klɔ mɛ ɛ, banɔ glegle biayurɔ ba kuziŋaa. Lɛ biatrɔ ba ahanuglɔ ba ahwafi, biabu ba ahanuglɔ ba kukɔ. Niteme si asia na beboedoplɛ ba biaŋwi gi biameni banɔ glegle e.

Yesu ebu le onu si, “Mleze ní aŋu plɛplɛ mɛ, tɔ mlakíki ɔnɔnɔ omeni mlo.

Lɛ loso e, mlɔ fɛ mlabla aplɛ, lɛ ese linu si Ɔnɔɛ Yebi ye aaba ní ɔnyɔsasa lɔ klɔ aʋa gi mlaʋídi yɛ kudeo onu i.

“Lɛ loso e, mleze ní aŋu plɛplɛ mɛ, lɛ ese linu si mléte liwe lɛ klɔ gi mlɔ Ɔkaɛ aaba a.

“Ɔnɔnɔ ote, liwe le loo ɔnyɔsasa nɔ, Aya yɛ baxwɛdzɛ ba ní lifunu ne loo Ɔnɔɛ Yebi ye kyɛ béte e, Ɔka Aya tete ko ete.

Nite si basia nɛ ba gi biaba ní mɛ linyi ne me si ba benu Kristo ye ni banama gi biayɔ ɔlɛɛ si benu beboedoplɛ; xe biabitɛ enugutseboe ni eboe gi banɔ bámɔedii tɔ bɛkɔ emeni Aya yɛ banɔxwaxwa ba, xe liasɔnɔ ɛ.

Ɔnɔɛ Yebi ye kubaba ɛ, kwiaze ko ŋwisi nite gi lize ní Noa lipoe le me e. Kpɛ ɔtɔ kí kuni yiyio e, banima bɛzɛŋa, lɛ bɛzɛŋwɛ kyɛ, benyime nì badzɛ bɛzɛgbani baglɔ ʋa, kɔzɛna nani liwe gɔgɔ lɛ aʋa gi Noa emu eku ní onitsahu lo me e. Pɔ̀ bamɔ liboe lɛ gi lizɛba egyesi kɔzɛna nani lipoe lɛ gi kuni yiyio kwiba ɛgba ba ɛsɛ nɔ ɛ. Nite ké litraze xe Ɔnɔɛ Yebi ye aaba a.