Matiyu 1

Yeisu Kirisiti əbye ofye

1Dəye nu zhni Yeisu əbye Masifu, Dawuda nugwnu, Ibrahim nugwnu:

2Ibrahim nu ɓə zhni Ishakwu dada,

Ishakwu nu ɓə zhni Yakwuɓwu dada,

Yakwuɓwu nu ɓə zhni Yahuda dada n əwo azajei,

3Yahuda nu ɓə zhni Perez dada n Zerai, n a ɓə zhni ai yi əwo əya nge Tamari nyi,

Perez nu ɓə zhni Hezron dada,

Hezron nu ɓə zhni Ram dada,

4Ram nu ɓə zhni Aminadab dada,

Aminadab nu ɓə zhni Nahshon dada,

Nashon nu ɓə zhni Salmon dada,

5Salmon nu ɓə zhni Bowaz dada, n a ɓə zhni ai yi əwo əya nge Raham nyi,

Bowaz nu ɓə zhni Obedi dada əwo əya ai yi nge Rutu,

Obedi nu ɓə zhni Jesse dada,

6jesnu Jesse nu ɓə zhni Əsu Dawuda dada.

Dawuda nu ɓə zhni Sulemanu dada, ń əwo əya ɓə zhni Uriya nyikwo nyi,

7Sulemanu nu ɓə zhni Rehobwowam dada,

Rehobwowam nu ɓə zhni Abyija dada,

Abyija nu ɓə zhni Asa dada,

8Asa nu ɓə zhni Jehoshafat dada,

Jehoshafat nu ɓə zhni Jehoram dada,

Johoram nu ɓə zhni Uziya dada. 9Uziya nu ɓə zhni Jotam dada,

Jotam nu ɓə zhni Ahaz dada,

Ahaz nu ɓə zhni Hezekiya dada,

10Hezekiya nu ɓə zhni Manase dada,

Manase nu ɓə zhni Amon dada,

Amon nu ɓə zhni Josiya dada,

11jesnu Josiya nu ɓə zhni Jekwoninya dada n əwo azajei əsa ń ɓa ɓə lo okwnula ń Babyila nyi.

12Ń Babyila okwnula avnu:

Jekwoninya nu ɓə zhni Shetiya dada,

Shetiya nu ɓə zhni Zerubabel dada,

13Zerubabel nu ɓə zhni Abyihud dada,

Abyihud nu ɓə zhni Eliyakim dada,

Eliyakim nu ɓə zhni Azor dada,

14Azor nu ɓə zhni Zadok dada,

Zadok nu ɓə zhni Akim dada,

Akim nu ɓə zhni Elihud dada,

15Elihud nu ɓə zhni Eliyaza dada,

Eliyaza nu ɓə zhni Mattan dada,

Mattan nu ɓə zhni Yakwuɓwu dada,

16jesnu Yakwuɓwu nu ɓə zhni Yusufu dada, Mariyamwu əɓa, jesnu Mariyamwu nu ɓə zhni Yeisu əya n a yi Kirisiti nyi.

17Nlonu acala ɓə nyi awoceanyi nu vnyanya ń kwo laka n Ibrahim kwoi lo Dawuda, awoceanyi n kwo laka n Dawuda kwoi lo okwnula lo Babyila, jesnu awoceanyi ənya ń kwo laka n okwnula kwoi lo Kirisiti əsa.

Yeisu Masifu mama

18Yeisu Kirisiti mama əɓo ɓə wu nlanyi nu: Yusufu ɓəə la Mariyamwu, Yeisu əya, dù, ama to ɓai yeɓədo m, a gye wo gnyi ń nubwoi Zafnu Gyigyiyi nya. 19Ntuge Yusufu, əwo əɓa, ɓə zhni gbenuyi nu ń owa vyi, dudulonu, to wa ye wa dna wo vnyinkwo ń bəgyé m, wo ɓə ncei dna n bwugba wa ya wo fyaa nu.

20Ama woi kwu nubwozhni nlonu, maləka Dagayi nya wa kpəya da wo dna n ənanu wa gna, “Yusufu Dawuda nugwnu, to wodna ha la Mariyamwu lo apyi ncei waa zè əho nyikwo m, ntuge nubwo ń wo gnyi ń əkwoi nyi, kwo gbmi n Zafnu Gyigyiyi nu. 21Wo ɓə ma nugwnu, hoi tu wo əye ge Yeisu, ntuge wo ɓə gnyi əwo aza ń əɓa leifyi.”

22Aɓo ye vnyanya ɓə zhni nabai kwa nu ənya nu ń Dagayi ɓə kwu da ń sheɓəgwognayi əgbe: 23“Ɓyinyikwoyi kwului ɓə la nubwo woi ma əɓyinugbai, a ɓə yi wo əye Immanuwe” (n kwo nu gyi, “Shekwoyi kwnusnu lo n yii”).

24She Yusufu ɓə kwnu-agyewyi, wa zhni shi maləka Dagayi nya ɓə tu wo əgbe, wa la Mariyamwu lo ncei ń apyi n zhni əwo nyikwo. 25Ama to wa wnagye n woi m, nya əsa n wo ɓə la əɓyinugbai ma, wa tu wo əye ge Yeisu.

Zur Zeit ausgewählt:

Matiyu 1: OGNB

Markierung

Kopieren

Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.

Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi

Biblica® Open Gbagyi Contemporary Bible™, New Testament

‌

“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.

“Biblica” is a trademark registered in the United States Patent and Trademark Office by Biblica, Inc. Used with permission.

‌

See promoVersionInfo in metadata.xml for Creative Commons license.

Mehr über die Biblica® Open Gbagyi Nyizeyenya Baibwulu: Shekwoyi Ɓədagbma erfahren