Htû̌sò̌htò̌ 13
13
Kwihtò̌ ta̤ma̤jè̌ dǒ Cǒmara tûjû̌pwa̤ aô̌
Khwǐdawi̤ ata̤sǎwǐ htû̌sû̌htò̌. Ta̤sǎwǐ mî̌ pwa̤sǎwǐ ta̤ tokhlǒ aikǒ dǒ ta̤lṳhtò̌hôkû nutôpwa̤ aya.
1Ǒ Cǒmara tûjû̌pwa̤, na glè̌ shôpe̤ yî̤ he pwî̌tè? Tûjû̌pwa̤ pěya?
Na glè̌ htû̌tiwǐ yî̤kè he pwǐtè?#Yṳ̂bǎ 13:24
2He bǎ khòjî̌khòjû̌ gènè̤ gû̌gè̌yî̤ pe pwǐtè?
Pṳ̂̌ni̤pṳ̂̌sa꤮ he bǎ sǎpla̤nǎbǎ, he bǎ khòbǎ yî̤ pe pwî̌꤮ tè?
Pwa̤khû̌khwè he tokhlǒ ma̤pè̤̌ yî̤ pô̤̌ he pwǐ꤮ tè?
3Ǒ꤮ he Cǒmara tûjû̌pwa̤, he Běcǎdû̌, htû̌tiwǐkè̌tô he, ganǎ̤de he ta̤kwigwèbǎǐ na hǒo.
Ǐshohtò̌shû̌htò̌ ge sô̌ hekhû̌heǎ, tô̤̌mî̌ he si hǒ.
4Na kè̌ ma̤ bǎ hetô̤̌ hî̌mî̌, pwa̤khû̌khwè he tokhlǒ gǔ hî̌ kû̌, “Pa pè̤̌ a hǒ” hǐnu pě.
Bǎ he gònò̤̌gèglè akha asî sǎle̤sǎlò̤ mî̌ca pě.
5He yṳ̌ǎnǎla̤ǐ mî̌ca na ta̤mô̤ǐ dǒ ahǎbòjò tô̤̌.
Na ma̤hǎplǎge he akhû̌akhî, he sǎlě̤sǎlò̤ mî̌ca.
6Cǒmara tûjû̌pwa̤ wô̌ mî̌ca dǒ heya akhû̌akhî, he gǔ sǎwǐhtû̌sò̌htò̌ Cǒmara tûjû̌pwa̤.
Zur Zeit ausgewählt:
Htû̌sò̌htò̌ 13: KXF
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Wycliffe USA