Luglaa Moosis hɔna anue
Moosis hɔna anue
Kɔraawiizi Hɔŋ lugli hɔna anue labuu ba ra yir Moosis hɔna. Guŋ waa ɛɛwɛ lugɔ Moosis himmaanii sɛbi a maa, ka gunna bagluu lugɔ Moosisii lɛɛ Gbɔgni la lii Kɔraawiizi be, di kaa ɛɛ nɛr la n luglɛɛ du Kɔraawiizi ni u nɛra baaŋ, di ra kuari ba wia.
Kummaa Luglaa Hɔŋ
Hɔnnaa biini wia
Kummaa Luglaa Hɔŋ ra ŋɔ yaa benii gunla wiimaa n luglɛɛ du de. U ra ŋɔ yaa benii gunla Kɔraawiizi n ta hɛri ni chine ani kunnyinee maa, di kpa newea jaa. U ra ŋɔ yaa benii gunla kummaa n chɔkkɛ dikuu wichɔgaa wia ani gunla Kɔraawiizi n ta jinazi, ú dau wichɔgaa ni tɔɔrɔɔzi. Luglaa Hɔŋ bɔra 1—11 ra ŋɔ yaa benii Andama, Haawa, Keen, Abɛl, Noowa ni u muugbera ani Babilɔn#1:0 Babilɔn sɔŋ bɛllɛ Babɛl. Diijaŋ wia. Luglaa Hɔŋ bɔra 12—50 ge ra ŋɔ yaa be Kɔraawiizi nuuŋɔɔlaa wia, gunla un niŋ kissi Abraham ni u naanna ani gunla uŋ hummɛ Izrɛl hina de dui saŋazi, Aizik, Jekɔb ani Joosɛf. A hɔnna ŋɔ yaa benii gunla Kɔraawiizi n na hiŋ u nuuŋɔɔlaa, haali di a waa ŋmɛnɛɛ wa dɔɔwɛ di du kpol lugɔ a ɛɛ wibii gba.
Zur Zeit ausgewählt:
Luglaa Moosis hɔna anue: vag
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.