Matius Uram 1

1
Nun Du Yesus Kristus Er abwe kisok nang si yuk-yuk kerek sekeibmou deyok
1:1-17
1A kerek sekeibkun deyok ara nun Du Yesus Kristus Er abwe kisok nang si yuk-yuk kerek sekeibkun. Nun Du bira ninyi kibdandoka weik sienyi Daud deibdobanyi kuramwe. Tonda, weik sienyi Daud bira nun abwe Abraham deibdobanyi kuramwe ati, nun Du Yesus bibabyi Abraham deibdobanyi kuramwe.
2Abraham biryi er mi Ishak deibdobmou.
Ba, Ishak biryi er mi Yakub deibdobmou.
Ba, Yakub biryi er mi Yehuda ab er du weit yabwe ab deibdobmou.
3Yehuda biryi mabwe bitinyi si Peres ab Zerah ab deibdobmou.
A mabwe deibdeibmou ner si ara Tamar kuramwe.
Ba, Yehuda mi Peres biryi er mi Hezron deibdobmou.
Ba, Peres mi Hezron biryi er mi Ram deibmou.
4Ram biryi er mi Aminadab deibdobmou.
Ba, Aminadab biryi er mi Nahason deibdobmou.
Ba, Nahason biryi er mi Salmon deibdobmou.
5Salmon biryi er mi Boas deibdobmou.
Ara, ner si Rahab doboka Boas bisi deibmarei.
Ba, Boas biryi er mi Obed deibdobmou.
Ara, ner si Rut doboka Obed bisi deibmarei.
Ba, Obed biryi er mi Isai deibdobmou.
6Isai biryi er mi Daud weik sienyi deibdobmou.
Weik sienyi Daud biryi Salomo bisi deibdobmou.
Ara, Daud biryi Uria ner si Batsyeba ukula dobmou ura, Salomo bisi deibdobmarei.
7Salomo biryi er mi Rehabeam deibdobmou.
Ba, Rehabeam biryi er mi Abia deibdobmou.
Ba, Abia biryi er mi Asa deibdobmou.
8Asa biryi er mi Yosafat deibdobmou.
Ba, Yosafat biryi er mi Yoram deibdobmou.
Ba, Yoram deibdobanyi biryi er mi Uzia deibdobmou.
9Uzia biryi er mi Yotam deibdobmou.
Ba, Yotam biryi er mi Ahas deibdobmou.
Ba, Ahas biryi er mi Hizkia deibdobmou.
10Hizkia biryi er mi Manasye deibdobmou.
Ba, Manasye biryi er mi Amon deibdobmou.
Ba, Amon biryi er mi Yosia deibdobmou.
11Yosia deibdobanyi biryi er mi Yekhonya ab er weit yabwe ab deibdobmou.
A talak ara Babel mutuk nang aryi yandoka sun Yahudi yala nang atei ilinto asi daluboka dakeibmai cok, ninyi ilinto Babel mutuk sirya bobinamnyi. Ara, Babel mutuk tuba kuramiryok, Yosia deibdobanyi biryi Yekhonia ab er weit yabwe ab deibdobmou.
12Yekhonia biryi er mi Sealtiel deibdobmou.
Ara, sun Yahudi yala nang Babel mutuk kuramnyi ani, ninyi ilinto Israel mutuk sirya tamuryanmai talak aryi Yekhonya biryi Sealtiel deibdobmou.
Ba, Sealtiel biryi er mi Zerubabel deibdobmou.
13Zerubabel biryi er mi Abihud deibdobmou.
Ba, Abihud biryi er mi Elyakim deibdobmou.
Ba, Elyakim biryi er mi Azor deibdobmou.
14Azor biryi er mi Zadok deibdobmou.
Ba, Zadok biryi er mi Akhim deibdobmou.
Ba, Akhim biryi er mi Eliud deibdobmou.
15Eliud biryi er mi Eleazar deibdobmou.
Ba, Eleazar biryi er mi Matan deibdobmou.
Ba, Matan biryi er mi Yakub deibdobmou.
16Yakub biryi er mi Yusuf deibdobmou.
Ura, sirya kobdob ara Yusuf ner si Maria biryi Yesus bisi deibmou.
Ara, Yusuf ner Maria biryi ninyi lemsina ati Weik Sienyi Kristus enubnyi bisi deibmou.
17A si siboka ebmasin nang nirya ara nun Du Yesus Er abwe kisok nang kuramnyi. Nun Du Er abwe kisok nang deibdoba dika yuk-yuk ebmasin asi nuktibyi ara antaniboka deibdoba dika empat puluh dua baryi asi nuktibyi.
Ara, Abraham aryi kuboka Daud deibdoba dika ababyi nuktibyi ura, ninyi deibdoba dika empat belas baryi deibdanin yanamnyi ati nuktibyi.
Tonda, Daud deibdoba dika aryi kuboka Babel mutuk kuramnyi nang deibdoba dika ababyi nuktibyi ura, ninyi deibdoba dika empat belas baryi nuktibyi.
Tonda, Babel mutuk bobinamnyi nang deibdoba dika aryi kuboka nun Du Yesus ninyi lemsina ati Weik Sienyi Kristus deibdoba dika ababyi nuktibyi ura, ninyi deibdoba dika empat belas deibdanin yanamnyi ati nuktibyi.
Er Yesus Kristus bisi deibmou uram
1:18-25
18Er Yesus Kristus deibmou ara ato kuboka deibmou, Yesus Er kwin Maria bira, “Yusuf dobkwande,” eboka taknubdeiamnyi asi a nang bitinyi dordana kum kubmarei. Dordana kum kubmarei bok, Maria bira Er Imtamnyi Kanya Roh Kudus aryi kuboka mi mundu bobmou. 19Mi mundu bobmou ara lak kubmou bok, Maria bisi dobkwamunyi Yusuf biryi, “Er Imtamnyi Kanya Roh Kudus aryi kuboka mi mundu bobmar,” tenen kum bikmou. Eda, Yusuf biryi, “Yuknyi biryi ni ner asi talyi yobmou do?” tenebmouci, Maria biti, “Taklobkwan,” tenebmou. Ura, Yusuf bira Er Imtamnyi urasintam aryi teleb dinyi kuramunyi kuramuryi, erci Maria biti, “Ninyi urasintam aryi tatab-tatab eboka alyi benebdeibnyei,” tenebmou deyok aryi erci, “Yuk nang bingna kun kum. Iniboka abniryi a ner asi taklobkwan,” tenebmou. 20“Iniboka abniryi taklobkwan,” tenen er kanya tuba teneinmou bok, lengdera mabmou uca, Er Imtamnyi Uram eryuryangananyi biryi Yusuf bisi ato ebmou, “Se Yusuf Daud deibdobanyi, Maria mundu umbura bobmar mi ara Er Imtamnyi Kanya Roh Kudus aryi bobmar deyok aryi, kanci ilil kanya bona kum uca, kan ner Maria bisi ur dobkwandim! 21A mundu boboka mi deibkwande ara sal deibkwande. Ba, a deibkwande Mi ara nebdobci ura, Erci sun Ersi dib tenen nang asi lebdeibdiryok, sun malyi kuramingnyi dinyi asi kilibkwande. A Mi ara ninyi lebdeibkwande deyok aryi, kanci Er si ara, ‘Yesus,’ ara, ‘Ninyi Lemsinanyi,’ eboka dobkwandum!” ebmou. Ara, Yusuf lengdera mabmou bok, Er Imtamnyi Uram eryuryangananyi biryi ersi ato ebmou.
22Ura, kam ner tentok ara Er Imtamnyi Kanya Roh Kudus aryi kuboka Mi bobkwamwe ura, Ninyi Lemsinanyi deibkwamwe ara Er Imtamnyi biryi Er uram ebdeibmaci to lak etereramnyi nang deici aryi minob ebdeiamwe to kunubmou. Ara, Er Imtamnyi Uram ebdeibmaca bobaramunyi tentok aryi ato eboka minob lak eramwe.
23“Diba kobdob ati, ninyi ton er dam bardena kum ner aryi mundu boboka mi deibkwande. A mi deibci ura, ninyi aryi Ersi, ‘Imanuel,’ eboka si dobkwaming.” (Yesaya 7:14)
A minob kuramnyi talak aryi lak eramnyi si, “Imanuel,” ara nun uram deib aryi, “Er Imtamnyi nun ab tonkwa kunub,” eboka lak eramnyi.
24Ura, Yusuf mabmou ani, bukokmouci, erci Er Imtamnyi Uram eryuryangananyi biryi ebdeibmou to kunuboka er ner Maria dobdobmou. 25Dobdobmou bok, Maria mi mundu boamwe Mi deina kabul talak ara sun nang bitinyi tonkwa mana kum kurandei. Ura, a mundu boamwe Mi sirya deibmou ura, Yusuf biryi, “A Mi si Yesus,” eboka si dobmou.

Zur Zeit ausgewählt:

Matius Uram 1: MTG

Markierung

Teilen

Kopieren

None

Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.

YouVersion verwendet Cookies, um deine Erfahrung zu personalisieren. Durch die Nutzung unserer Webseite akzeptierst du unsere Verwendung von Cookies, wie in unserer Datenschutzrichtlinie beschrieben