Beliebte Verse in ACT 1

Teilen

यप्पुड पवित्र आत्मा मी मिंदा वच्ची, आप्पुड मिक सामर्थ्य शिक्की, इंगा यरुशलेम शहरला इंगा आंता यहुदीयाला इंगा शोमरोन प्रांतला, इंगा पृथ्वी कोपर्याल नंताक मीर ना साक्षी आय्यार.”

येशुड उत्तर इच्या, “आब्बाड स्वता अधिकारला काळ इंगा वेळ फेट्टीनाड आय ओळखाशेद मिद फनी लेद.

वाड वार जताक एकांतला उंडीनाप्पुड वाड वारकी आज्ञा इच्या की, “यरुशलेम शहर इडशी फोकुंडा तर आब्बाड इच्चीने, या अभिवचन बद्दल, मीर ना तीकेल इंटीर दानदी दावा सुडना. येनटीक की तर योहान मिद नेळाता बाप्तिस्मा शेशीनाड पण काही नाळाक मिद बाप्तिस्मा पवित्र आत्माता आय्यी.”

सच्चीनेंका पण येशुड स्वतान शेंगेम पक्का प्रमाणलाता वार मुंदार जित्ता सुप्या. इदी सुपीच्ची चाळीस दिवस नंताक वाड वारकी दर्शन इद्‍दु, इंगा परमेश्वर राज्य बद्दल माटलाडदु.

इल्ला शप्पीनेंका वार कंडला मुंदार वान फैनिक तिस्कुनेदेंक वच्या, इंगा ढगला इचांग शिष्यलाक वाड कमसाक फो.

इंगा वाड फोयेताप्पुड यप्पुड वार मोडाम तीकुड बारकाईता सुदुर, आप्पुड सुडना, तेल्लाय बट्टाल फेटकुन्नोर इद्दार मन्सुल वार देगार वच्ची नीला फडीर. इंगा वार इल्ला आनीर, “अरे गालीललोन मंदीलाला, मीर नीला फडी मोडाम तीकुड येनटीक सुस्तुनार? इडे येशुड यवान मी देगाटेल स्वर्गलोंग तिस्कुनेदेंक वच्चीनाड? यल्ला मीर वान स्वर्गलोंग फोयेताप्पुड सुस्तीर आल्ले वाड वापस वच्ची.”