Beliebte Verse in Zaburi 103

Teilen

Mutima wanjye himbaza Uwiteka, Ntiwibagirwe ibyiza yakugiriye byose.

Ni we ubabarira ibyo wakiraniwe byose, Agakiza indwara zawe zose, Agacungura ubugingo bwawe ngo butajya muri rwa rwobo, Akakwambika imbabazi no kugirirwa neza nk'ikamba, Agahaza ubusaza bwawe ibyiza, Agatuma usubira mu busore bushya, Bumeze nk'ubw'ikizu.

Zaburi ya Dawidi. Mutima wanjye himbaza Uwiteka, Mwa bindimo byose mwe, muhimbaze izina rye ryera.

Nk'uko se w'abana abagirira ibambe, Ni ko Uwiteka arigirira abamwubaha.

Nk'uko aho izuba rirasira hitaruye aho rirengera, Uko ni ko yajyanye kure yacu ibicumuro byacu.

Uwiteka ni umunyebambe n'umunyambabazi, Atinda kurakara, afite kugira neza kwinshi.

Ntiyatugiriye ibihwanye n'ibyaha byacu, Ntiyatwituye ibihwanye no gukiranirwa kwacu. Nk'uko ijuru ryitaruye isi, Ni ko imbabazi agirira abamwubaha zingana.

Uwiteka yakomeje intebe ye mu ijuru, Ubwami bwe butegeka byose.