Beliebte Verse in যোহননা 14

Teilen

“আংআ না·সংনা থম·থমাখো দন্নাংইংজক, আংনি থম·থমাখোন আংআ না·সংনা হ·ন্নিংজক; হা·গিলসাকনি হ·ন্না গিত্তা আংআ হন·জা। জেদাক্কে না·সংনি খা·থং জাজ্রেংজা আরো গিসিকো খেনজা।

যীশু থোমানা আগানজক, “আংআন রামা, বিবি আরো জাংগি। আংগিত্তা রি·য়াংজাওদে দারাংবা আপফাওনা রি·য়াংনা মান·জা।

“না·সংনি গিসিক জেদাক্কে জাজ্রেংজা। ইসলও বিবিরা·বো, আংওবা বিবিরা·বো।

উয়া দাকচাকগিবা, আগানস্খাওদে গিসিক রংথালগিবাখো জেখো আপফা আংনি বিমুংও ওয়াত্তেতনুয়া, বিয়ান না·সংনা গিম্মিকখো স্খিয়ে হ·ন্নুয়া, আরো না·সংনা আংনি আগানগিবারাংখো গিসিক রা·এতনুয়া।

আংনি গি·য়েতারাংখো হা·আইগিবা আরো মানিগিবান আংনা খা·সাআ। জে আংনা খা·সাআ আপফাবান বিনা খা·সানুয়া। আংআবা বিনা খা·সানুয়া আরো বিচা আন·থাংখো ফারাকনুয়া।”

আংআ আপফাচা হাম·নুয়া, আরো বিয়া না·সংমুং ফাংনাজলনি গিম্মিন দংনা দা·আও সাকসা দাকচাকগিবাখো ওয়াত্তেতনুয়া। উয়া দাকচাকগিবান বিবিনি গিসিক হং·আ। হা·গিলসাকনি মান্দিরাং বিখো রা·চাকনা মান·জা, মুয়ানা বিসং বিখো নিকজা আরো বিখো হা·আইয়াবা হা·আইজা। ইন্দিবা না·সং বিখো হা·আইয়া, মুয়ানা বিয়া না·সংমুং দংআ আরো না·সংনি খা·থংও দংনুয়া।

না·সং আংনি বিমুংচা জেখো হাম·নুয়া উখো আংআ দাকনুয়া, জেদাক্কে দেফান্থিচা আপফানি রাসং ফারাকানি হং·আ। আংনি বিমুংও আংচা মামুংখো হা·ম্মোদে আংআ উখো দাকনুয়া।

“না·সং আংনা খা·সাওদে আংনি গি·য়েতা গিম্মিকখো মানিবো।

আপফানি নক্কো দংআনি হা·দাম বাং·এ দংআ। দংজাওদে আংআ না·সংনা আগান্নুয়ামিং, মুয়ানা আংআ না·সংনা হা·দাম থারিনা রি·য়াংইংজক।

আংআ রি·য়াংএ না·সংনা হা·দাম থারিয়ে দা·আবা রি·বাফিলনুয়া আরো না·সংখো আংচানা রিম্মাংনুয়া, জেদাক্কে আংআ জেও দংআ না·সংবা উয়োন দংনা মা·ন্না।

থোমা যীশুনা আগানজক, “গিত্তেল, না·আ বাওনা রি·য়াংআ উখোন চিংআ হা·আইজা, ইন্দিদে রামাখো বাদিকে দাক্কে হা·আইনুয়া?”