Beliebte Verse in MATHAYO 21

Teilen

O na maũndũ marĩa mothe mũkahoya mwĩtĩkĩtie, nĩmũkamona.

Nake Jesu agĩcoka akĩmera, Ngũmwĩra atĩrĩ na ma, Mũngĩkorũo mwĩtĩkĩtie mũkaaga gũthangania-rĩ, to ũhoro ũcio wĩkĩtwo mũkũyũ mũgeka, no rĩrĩ, o na mũngĩkera kĩrĩma gĩkĩ, Ũrogũũka ũikio iria-inĩ, ũguo nĩũgekĩka.

Na kĩrĩndĩ kĩrĩa kĩamũtongoretie, na kĩrĩa kĩamuumĩte thutha, gĩkĩanĩrĩra, gĩkiuga, Hosana, Mũrũ wa Daudi: Kũrathimwo-rĩ, nĩ ũrĩa ũgũũka na rĩĩtwa rĩa Mwathani: Hosana igũrũ o igũrũ.

agĩkĩmera, Ũhoro nĩwandĩkĩtwo, Nyũmba yakwa ĩgetagwo nyũmba ya kũhoyagĩrũo: no inyuĩ nĩmũtũmĩte ĩtuĩke ngurunga ya atunyani.

Ĩrai mwarĩ wa Sayuni, Atĩrĩrĩ, Mũthamaki waku nĩaroka kũrĩ wee, Nĩ mũhoreri, na nĩahaicĩte ndigiri, Agagĩikarĩra njaũ ya ndigiri.

Nake Jesu akĩmoria atĩrĩ, Kaĩ mũtarĩ mwathoma Maandĩko-inĩ ũũ: Ihiga rĩrĩa rĩaregirũo nĩ aaki Nĩrĩo rĩtuĩkĩte o rĩrĩa inene rĩa koine: Ũndũ ũcio woimire kwĩ Mwathani, Na nĩũtũgegagia tũkĩwona?

Nĩ ũndũ ũcio ngũmwĩra atĩrĩ, Ũthamaki wa Ngai nĩũkarutwo kũrĩ inyuĩ, ũheo rũrĩrĩ rũrĩa rũgaciaraga maciaro maguo.