Beliebte Verse in Nkanee 13

Teilen

Na Kaleb dwedwee ɔman no wɔ Moses enyim, na ɔsee dɛ, Hom mma yɛnkɔfow nkɔ prɛko, na yɛnkɛfa, na yebotum edzi hɔn do nyim.

Na hɔ na yehun abran akɛse no, Anak ne mbabanyin no a wofi Nefilfo mu no: na yɛyɛɛ dɛ mbɛbɛw wɔ hɛnankasa hɛn enyi do, na dɛmara na yɛyɛe wɔ hɔn enyi do.

Na mbanyin a wɔnye no kɔree no dze see dɛ, Yerunntum nnkɔfow nnkɔ nnkɛhyɛ ɔman no do; osiandɛ wɔyɛ dzen sen hɛn.

Na wɔdze asaase a wɔkɛserae no ho atsenka bɔn brɛɛ Israelmba no dɛ, Asaase a yɛakɛfa mu akɛsera no, ɔyɛ asaase a odzi no do atsefo no; na nkorɔfo a yehun hɔn wɔ do no nyinara wɔyɛ nyimpa a wɔyɛ akraban.

Na wɔkaa kyerɛɛ no, na wɔsee dɛ, Yɛkɔr asaase a esomaa hɛn do no do, na numfonsu nye ewo pem wɔ do ampa; na no do aba nye yi.

Naaso ɔman a wɔtse asaase no do no na wɔyɛ dzen, na nkurow no wɔabɔ ho ban, ɔsoso dodow: na nkyii so yehun Anakmba wɔ hɔ.

Amalek tse Pomu afamu asaase no do: na Hitifo, nye Jebusfo, nye Amorifo, tsetse mbepɔw no do: na Keenanfo tse po no ho, nye Jordan nkyɛn.

Na wosii mu na wɔbaa Moses, nye Aaron, nye Israelmba mboanofo no nyinara nkyɛn, wɔ Paran sar do, wɔ Kades; na wɔbɔɔ hɔn amandzɛɛ kyerɛɛ hɔn, nye mboanofo no nyinara, na wɔdze asaase no do aba no kyerɛɛ hɔn.