Beliebte Verse in Kɔc pan Roma 7

Teilen

Lecku Nhialic rin cï yen Bänyda Jethu raan cï lɔc ku dɔc, cɔl akony ɣa. Këya, kënë yen ë tɛ̈diɛ̈, ɣɛn nhom piändiɛ̈ yic alony löŋ Nhialic, ku cït tɛ̈ cï ɣa cak thïn alony adumuɔ̈ɔ̈m.

Aŋiɛc, acïn këpuɔth rɛ̈ɛ̈r ke ɣa, rin cït tɛ̈ cï ɣa cak thïn kek adumuɔ̈ɔ̈m. Rin na cɔk alɔn wïc ɣɛn ye ba këpath looi, ka cä ë lëu ba looi.

Rin kë ya looi acie këpuɔth ya wïc ba looi, ku këya kë cïï path cä ë wïc ba looi, yen aya looi.

Ëmën na ya looi kë cä wïc ba looi, ka cie ɣɛn ye looi, adumuɔ̈ɔ̈m rɛ̈ɛ̈r ke ɣɛn yen ë ye looi.

Këya, aya yök lɔn luui löŋ kënë. Tɛ̈ wïc ɣɛn ye ba këpath looi, ke kë cïï path yen ë rot tɛ̈ɛ̈m thïn. Ku piändiɛ̈ guɔ̈p anhiar löŋ Nhialic

Ku na luɔɔi kë cä wïc ba looi, ka ya gam lɔn löŋ apath.