Beliebte Verse in Римвийриз 4

Teilen

Аллагьди гайи гафунихъ Ибрагьиман иманди ян ганач, аксина, ам иман себеб яз къуватдив ацӀана ва ада Аллагьдиз шукур ийизвай. Аллагьди гайи гаф Ада кьилиз акъуддай къуват Адахъ авайдахъ Ибрагьима кӀевелай иман ийизвай.

Каламда кхьенвайвал: «За вакай гзаф халкьарин бан-буба авунва». Ам вичи иман авур Аллагьдин вилик чи буба я – кьейибурал чан хкизвай ва гьеле авачирди авачирнай гъана авайди ийизвай Аллагьдин вилик.

Иса Месигь чи тахсирар себеб яз ажалдин хура тунай ва чун гьахъ-михьивилиз акъудун патал Адал чан хтанай.

Са умудни амачирла, Ибрагьим умуд кутуна агъуна, гьавиляй «Ви несилни кьадардиз гьа икьванди жеда!» лагьанвайвал, адакай гзаф халкьарин буба хьана.

Гьавиляй и гаф, берекатдив кьурди хьун патал, иманидаз ганва. Гьа икӀ, ам Ибрагьиман вири эвледар патал гьакъикъиди я: неинки чпин умудар Къанундал амал авуник кутунвайбур патал, гьакӀни чпихъ Ибрагьимахъ хьтин иман авайбур патални. Ам чи виридан буба я.

«Нин писвилерилай къахчунватӀа гъил, нин гунагьар кӀевнаватӀа, гьам бахтавар я! Аллагьди нин хиве твазвачтӀа гунагьар, гьам бахтавар я».

Каламди вуч лугьузва бес? «Ибрагьима Аллагьдихъ иман авуна – им адан гьахъ-михьивал яз кьабулна».