Beliebte Verse in Luk 12

Teilen

Ha hwi, bedhewgh parys, rag Mab an den a dheu yn eur ma na'n gwaytyowgh.’

Mes hwilewgh gwlaskor Duw, hag y fydh res dhywgh oll an taklow ma.

Hag yn-medh ev dhedha, ‘Bedhewgh war, hag omwithewgh a bithneth oll, rag kyn fo palster dhe dhen, ny dheu y vewnans a'y bythow.’

Rag le may ma agas tresor, ena ynwedh y fydh agas kolonn.

Ha piw ahanowgh, hag ev ow prederi, a yll keworra pols vyth dhe dhydhyow y vewnans?

Hag ev a leveris dh'y dhyskyblon, ‘Rakhenna yn-medhav dhywgh, na wrewgh mos yn prederow a-dro dh'agas bewnans pandr'a dhebrowgh, na byth moy, a-dro dh'agas korf pandr'a wiskowgh.

Mes ynwedh blewennow agas penn yw oll niverys. Na berthewgh own; hwi a dal moy ages lies golvan.

‘Na berthewgh own, A flokk byghan, rag bodh agas Tas yw, ev dhe ri dhywgh an wlaskor.

Mirewgh orth an brini bras: rag ny wonedhons has na ny vysons; nyns eus dhedha na gwithva na skiber, mes Duw a's mag. Pygemmys moy a bris owgh hwi ages an ydhyn!

Ha hwi, na hwilewgh pandr'a dhebrowgh na pandr'a evowgh, ha na vedhewgh gyllys yn prederow.

Ytho Duw, mar kweth yndella an gwels y'n gwel, yw bew hedhyw ha tewlys y'n forn a-vorow, pygemmys moy y hwra ev agas kwetha hwi, A hwi a voghes fydh?

Rag nyns eus travyth kudhys na vydh diskudhys, po kel na vydh aswonnys.