Nimlivolivon 15
15
Makdeng a nikazyak da do Yelosaleng
1Amyan so tao a apo do Yotay a nimai do Antia a omnanao so sinjya do dang. Maniring sira am, “No si ji nyo mangozai o iwawalam na ni Moyse a amyongkad do kataotao nyo a meyngongyod a Isedi am ji na patazadanga inyo ni Ama ta do to do teyngato.” 2Si Pawlo a kani Parnapo am nimakdeng sira nimacigalagal jira do akman sang a malas a nanao. Am ori o nipamnekan da ji Pawlo a kani Parnapo a kano tatasa ka sinjya a mangay do Yelosaleng a macisirsiring nya do nipamnekan ni Yeso a omlivolivon no ciriciring na kano panipanirsirngen do kyokay.
3Meyratateng am tovoin da rana sira no akma dey kakteh do cinai a mangay. So nyangay da tomazogaw no sinjya do Vongnise a kado Samadiya. Maniring sira jira am, “Yaro rana o beken a tao do Yotay a yarana omanoyong ji Yeso.” Mamizing da ori am masaray sira.
4Makaranes rana sira do Yelosaleng am taotawwen da sira no akma dey kakteh do cinai a kano panipanirsirngen da do kyokay a kano nipamnekan ni Yeso a omlivolivon no ciriciring na. So niononongan da jya da Pawlo a kani Parnapo so nisidongan na sira ni Ama ta do to do vazay da.
5Maniring o tatasa ka amraralay ni Yeso a tao a macyagom do Vadisay am, “Jyabo kaji da yongkadan do kataotao da no beken a tao do Yotay a mangozay do iwawalam ni Moyse a.”
6Meyratateng am peysirisiring da no nipamnekan ni Yeso a omlivolivon no ciriciring na kano panipanirsirngen da do kyokay o ciring da no tao a macyagom do Vadisay. 7So nikownay da nimeysirisiring. Meyratateng am meytatanek si Pite. Maniring jira am, “Manga kakteh, nyo katenngan yaken a na nipamnekan ni Ama ta do to a mangay a mapamizing so beken a tao do Yotay no Mapasaray a Ciriciring. 8Si Ama ta do to rana am katenngan na o onowned no tao. So nitorwan na no Seyzi do beken a tao do Yotay, akman jyaten a nitorwan na nya, 9pacittan na no kapeyyangangay na jyaten a patazadangen do teyngato. Na nivonas o raraten da no beken a tao do Yotay, do da kanoyong rana ji Yeso. 10Nyo ileylamdamen si Ama ta do to? Nyo pancyan no kamimin no iwawalam ta tao do Yotay a ahapen da no yamraralay ni Yeso a beken a tao do Yotay? To ko na macitangain jinyo am ji da nimataptap no ineynapo ta o iwawalam ni Moyse a pangozayan. 11Yaten rana am meyyangay ta kano beken a tao do Yotay a patazadangen ni Ama ta do to do teyngato, do ta kapeyhanhan no pangangarilawan na ni Yeso a Panirsirngen ta.”
12So ikabo no meykazyazyak a tao a omamizing so ononongan ni Parnapo a kani Pawlo, do kapeyzokab da no vazay da do beken a tao do Yotay, ta nisidong na sira ni Ama ta do to.
13Mateyka sira a mangononong am meyzezyak si Yake. Maniring am, “Manga kakteh, amizngen nyo an. 14O nipanci ni Simong Pite no kacitai ori am na nipanci o kanimamnek na ni Ama ta do to do beken a tao do Yotay a omanoyong jya. 15O akman sang a vazay am mina todey mangononong do nivatvatkan da no panoyonoywan na so ciring ni Ama ta do to no kakwa. Maniring am,
16‘No makwa am meysinaoli ko pa a mapatnek so yakma raney nimazkem a vahay ni Tawey.
17Ta ori o ikamimin da omanop jyaken no nipamnekan ko a beken a tao do Yotay.
18Ori rana am ciring na ni Ama ta do to a nipamizing na jira no kakwa pa.’ ”#15:18 Yamose 9:11-12.
19Maniring pa si Yake am, “O nakenakem ko am taosya o kapeyparo ta so vazay da no yarana amraralay ni Ama ta do to a beken a tao do Yotay. 20Apyapya pa o kapeyteygami ta nira a manci no kaji da nganan so nipazos da. Taosya o kapangzakza da so icyatatao da. Taosya o kakan da so rala no vinyay a kano nivitkeh da vinyay a nimazakat a jya nimvoyog so rala. 21Ta nimakalapo no kakwa do ipeywalam no tao o keyyan no tao do peyneynozyan amvilang do iwawalam ni Moyse. So na icyakman sang do peycyeylilyan na a yada ipeylimwang do tao.”
Teygami da do beken a tao do Yotay a amraralay ni Yeso
22No kanang am mamnek sira o nipamnekan ni Yeso a omlivolivon no ciriciring na kano panipanirsirngen do kyokay a kano amraralay ni Yeso a tao so pahanhanen da macihza ji Pawlo a kani Parnapo a mangay do Antia. So nipamnekan da ji Sila kani Yota. O kasaing no ngaran ni Yota am si Pasapa. Ikanig da sira ori no akma dey kakteh do cinai. 23O peypeypangayan no domket a ciring do teygami ori am:
“Kokay kamo akma nameney kakteh do cinai a beken a tao do Yotay a yamyan do Antia ka ninyo a yamyan do Sidiya ka ninyo a yamyan do Cidicya. Yamen a kakteh nyo a nipamnekan ni Yeso a omlivolivon no ciriciring na kano panipanirsirngen do kyokay am namen meyteygami jinyo. 24Namen nimamizing sira o yatatasa ka tao a mangononong so malas a yanyo ikarahet so onowned. Am yabo o asa ka tao a namen nitovoy. 25Am ori o namen nipeysirsirngan nya no kapanovoy namen so mangay jinyo do dang. So da ipacihza ji Parnapo a kani Pawlo a akma tey kakteh do cinai, 26ta sira rana am da ji hawan o inawan da a mahap so vazay ni Yeso Kizisto a Panirsirngen ta. 27O namen nipamnekan rana am si Yota kani Sila. Sira o namen hanhan a manci no ciring namen do teygami eya. 28Ta namen ipeyhanhan o Seyzi a macyanoyong jyamen a ji mapeyparo so vazay nyo. O makekdeng rana a ciring o itoro namen jinyo a pangozayan nyo. 29Taosya o kakan nyo so nipazos da. Taosya o kakan nyo so rala no vinyay a kano nivitkeh da vinyay a nimazakat a jya nimvoyog so rala. Taosya o kapangzakza nyo so icyatatao nyo. Si pangozayan nyo ori am ipeypapya nyo ori. Inaoy si apzatan na inyo ni Ama ta do to.”
30Mangay rana sira o nipamnekan da do Antia am lovoten da rana sira o yamraralay ni Yeso a katoro da no teygami da jira. 31Vilangan da rana o teygami da jira am masasaray sira, ta apiya o ciring da ipait da sira. 32Si Yota kani Sila am mateneng sira mangononong so ciriciring na ni Ama ta do to. Am ori o ikaro no ciriciring da ipowyat da so onowned da no akma dey kakteh do cinai. 33So nikownay da dang a nimiseysan. Mangay rana sira am taitaiden da sira no akma dey kakteh do cinai a meysinaoli rana do Yelosaleng. 34[Am si Sila am mina todavezed do dang.]
35Si Pawlo a kani Parnapo am amyan pa sira do Antia amnanao so tao a meylimwang ni Yeso. So nikaro no mina kararay da somidong sira do vazay da.
No kapeysyay da Pawlo a kani Parnapo
36Kadadayan na rana do araraw am ipanci na ni Pawlo ji Parnapo o kapeysinaoli da do aro a ili a nipeylimwangan da rana no ciriciring na ni Ama ta do to a tomita so akma dey kakteh do cinai. 37Naknakmen na ni Parnapo si Yowani Make a palolwen da macihza jira. 38Am ji na mya ni Pawlo. Ta no keypisa am jya nimakey a macihza jira si Yowani Make. Am ori o nipacisyay na jira do Pangveydiya. 39Am ori o ji da nimacipasovoi do vazay da. Karahan am to sira meysyay rana. Si Parnapo rana am nipalolo na si Make a mavang do avang a mangay do Saypolose a pongso. 40Si Pawlo rana am nipamnekan na si Sila a macihza jya. Karwan da sira o akma dey kakteh do cinai am ipeynozi da sira ji Ama ta do to a omzat jira. 41So nilivonan da so peycyeylilyan na do Sidiya kado Cidicya a mapait so onowned da no akma dey kakteh do cinai.
Valgt i Øjeblikket:
Nimlivolivon 15: snt
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
The Bible Society in Taiwan
Nimlivolivon 15
15
Makdeng a nikazyak da do Yelosaleng
1Amyan so tao a apo do Yotay a nimai do Antia a omnanao so sinjya do dang. Maniring sira am, “No si ji nyo mangozai o iwawalam na ni Moyse a amyongkad do kataotao nyo a meyngongyod a Isedi am ji na patazadanga inyo ni Ama ta do to do teyngato.” 2Si Pawlo a kani Parnapo am nimakdeng sira nimacigalagal jira do akman sang a malas a nanao. Am ori o nipamnekan da ji Pawlo a kani Parnapo a kano tatasa ka sinjya a mangay do Yelosaleng a macisirsiring nya do nipamnekan ni Yeso a omlivolivon no ciriciring na kano panipanirsirngen do kyokay.
3Meyratateng am tovoin da rana sira no akma dey kakteh do cinai a mangay. So nyangay da tomazogaw no sinjya do Vongnise a kado Samadiya. Maniring sira jira am, “Yaro rana o beken a tao do Yotay a yarana omanoyong ji Yeso.” Mamizing da ori am masaray sira.
4Makaranes rana sira do Yelosaleng am taotawwen da sira no akma dey kakteh do cinai a kano panipanirsirngen da do kyokay a kano nipamnekan ni Yeso a omlivolivon no ciriciring na. So niononongan da jya da Pawlo a kani Parnapo so nisidongan na sira ni Ama ta do to do vazay da.
5Maniring o tatasa ka amraralay ni Yeso a tao a macyagom do Vadisay am, “Jyabo kaji da yongkadan do kataotao da no beken a tao do Yotay a mangozay do iwawalam ni Moyse a.”
6Meyratateng am peysirisiring da no nipamnekan ni Yeso a omlivolivon no ciriciring na kano panipanirsirngen da do kyokay o ciring da no tao a macyagom do Vadisay. 7So nikownay da nimeysirisiring. Meyratateng am meytatanek si Pite. Maniring jira am, “Manga kakteh, nyo katenngan yaken a na nipamnekan ni Ama ta do to a mangay a mapamizing so beken a tao do Yotay no Mapasaray a Ciriciring. 8Si Ama ta do to rana am katenngan na o onowned no tao. So nitorwan na no Seyzi do beken a tao do Yotay, akman jyaten a nitorwan na nya, 9pacittan na no kapeyyangangay na jyaten a patazadangen do teyngato. Na nivonas o raraten da no beken a tao do Yotay, do da kanoyong rana ji Yeso. 10Nyo ileylamdamen si Ama ta do to? Nyo pancyan no kamimin no iwawalam ta tao do Yotay a ahapen da no yamraralay ni Yeso a beken a tao do Yotay? To ko na macitangain jinyo am ji da nimataptap no ineynapo ta o iwawalam ni Moyse a pangozayan. 11Yaten rana am meyyangay ta kano beken a tao do Yotay a patazadangen ni Ama ta do to do teyngato, do ta kapeyhanhan no pangangarilawan na ni Yeso a Panirsirngen ta.”
12So ikabo no meykazyazyak a tao a omamizing so ononongan ni Parnapo a kani Pawlo, do kapeyzokab da no vazay da do beken a tao do Yotay, ta nisidong na sira ni Ama ta do to.
13Mateyka sira a mangononong am meyzezyak si Yake. Maniring am, “Manga kakteh, amizngen nyo an. 14O nipanci ni Simong Pite no kacitai ori am na nipanci o kanimamnek na ni Ama ta do to do beken a tao do Yotay a omanoyong jya. 15O akman sang a vazay am mina todey mangononong do nivatvatkan da no panoyonoywan na so ciring ni Ama ta do to no kakwa. Maniring am,
16‘No makwa am meysinaoli ko pa a mapatnek so yakma raney nimazkem a vahay ni Tawey.
17Ta ori o ikamimin da omanop jyaken no nipamnekan ko a beken a tao do Yotay.
18Ori rana am ciring na ni Ama ta do to a nipamizing na jira no kakwa pa.’ ”#15:18 Yamose 9:11-12.
19Maniring pa si Yake am, “O nakenakem ko am taosya o kapeyparo ta so vazay da no yarana amraralay ni Ama ta do to a beken a tao do Yotay. 20Apyapya pa o kapeyteygami ta nira a manci no kaji da nganan so nipazos da. Taosya o kapangzakza da so icyatatao da. Taosya o kakan da so rala no vinyay a kano nivitkeh da vinyay a nimazakat a jya nimvoyog so rala. 21Ta nimakalapo no kakwa do ipeywalam no tao o keyyan no tao do peyneynozyan amvilang do iwawalam ni Moyse. So na icyakman sang do peycyeylilyan na a yada ipeylimwang do tao.”
Teygami da do beken a tao do Yotay a amraralay ni Yeso
22No kanang am mamnek sira o nipamnekan ni Yeso a omlivolivon no ciriciring na kano panipanirsirngen do kyokay a kano amraralay ni Yeso a tao so pahanhanen da macihza ji Pawlo a kani Parnapo a mangay do Antia. So nipamnekan da ji Sila kani Yota. O kasaing no ngaran ni Yota am si Pasapa. Ikanig da sira ori no akma dey kakteh do cinai. 23O peypeypangayan no domket a ciring do teygami ori am:
“Kokay kamo akma nameney kakteh do cinai a beken a tao do Yotay a yamyan do Antia ka ninyo a yamyan do Sidiya ka ninyo a yamyan do Cidicya. Yamen a kakteh nyo a nipamnekan ni Yeso a omlivolivon no ciriciring na kano panipanirsirngen do kyokay am namen meyteygami jinyo. 24Namen nimamizing sira o yatatasa ka tao a mangononong so malas a yanyo ikarahet so onowned. Am yabo o asa ka tao a namen nitovoy. 25Am ori o namen nipeysirsirngan nya no kapanovoy namen so mangay jinyo do dang. So da ipacihza ji Parnapo a kani Pawlo a akma tey kakteh do cinai, 26ta sira rana am da ji hawan o inawan da a mahap so vazay ni Yeso Kizisto a Panirsirngen ta. 27O namen nipamnekan rana am si Yota kani Sila. Sira o namen hanhan a manci no ciring namen do teygami eya. 28Ta namen ipeyhanhan o Seyzi a macyanoyong jyamen a ji mapeyparo so vazay nyo. O makekdeng rana a ciring o itoro namen jinyo a pangozayan nyo. 29Taosya o kakan nyo so nipazos da. Taosya o kakan nyo so rala no vinyay a kano nivitkeh da vinyay a nimazakat a jya nimvoyog so rala. Taosya o kapangzakza nyo so icyatatao nyo. Si pangozayan nyo ori am ipeypapya nyo ori. Inaoy si apzatan na inyo ni Ama ta do to.”
30Mangay rana sira o nipamnekan da do Antia am lovoten da rana sira o yamraralay ni Yeso a katoro da no teygami da jira. 31Vilangan da rana o teygami da jira am masasaray sira, ta apiya o ciring da ipait da sira. 32Si Yota kani Sila am mateneng sira mangononong so ciriciring na ni Ama ta do to. Am ori o ikaro no ciriciring da ipowyat da so onowned da no akma dey kakteh do cinai. 33So nikownay da dang a nimiseysan. Mangay rana sira am taitaiden da sira no akma dey kakteh do cinai a meysinaoli rana do Yelosaleng. 34[Am si Sila am mina todavezed do dang.]
35Si Pawlo a kani Parnapo am amyan pa sira do Antia amnanao so tao a meylimwang ni Yeso. So nikaro no mina kararay da somidong sira do vazay da.
No kapeysyay da Pawlo a kani Parnapo
36Kadadayan na rana do araraw am ipanci na ni Pawlo ji Parnapo o kapeysinaoli da do aro a ili a nipeylimwangan da rana no ciriciring na ni Ama ta do to a tomita so akma dey kakteh do cinai. 37Naknakmen na ni Parnapo si Yowani Make a palolwen da macihza jira. 38Am ji na mya ni Pawlo. Ta no keypisa am jya nimakey a macihza jira si Yowani Make. Am ori o nipacisyay na jira do Pangveydiya. 39Am ori o ji da nimacipasovoi do vazay da. Karahan am to sira meysyay rana. Si Parnapo rana am nipalolo na si Make a mavang do avang a mangay do Saypolose a pongso. 40Si Pawlo rana am nipamnekan na si Sila a macihza jya. Karwan da sira o akma dey kakteh do cinai am ipeynozi da sira ji Ama ta do to a omzat jira. 41So nilivonan da so peycyeylilyan na do Sidiya kado Cidicya a mapait so onowned da no akma dey kakteh do cinai.
Valgt i Øjeblikket:
:
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
The Bible Society in Taiwan