Populære bibelvers fra ROM 12

Del

इंगा इ दुन्यामलोन मंदी लेका काकुंडा पण मी मनुद पुर्णपणे रुपांतर का निंडा; आंटे परमेश्वरदी शिंगार इंगा वानकी आवडाशेद परिपुर्ण इच्छा येम उंडाद आदी मीर गुरतु फट्टाला.

दिनिचांग आक्का तम्मुळ्ळालाला परमेश्वर दयाद ध्यानाम तिशी निन मिक विनंती शेस्तान की, मीर मी शरीरलु पवित्र इंगा जिवंत यज्ञ आंका परमेश्वरकी समर्पित शेयना; इद्दे परमेश्वरदी सेवा शेशेद खरेम मार्ग उंडाद.

आशाला आनंद शेशेतोर, संकटला दम्मु फेटेतोर इंगा प्रार्थना शेस्केन उंडेतोर कांडा

वाईटता हारायाक; पण शिंगारता वाईटनी झिकाय.

वगामेगार मिंदा परिवार लेका प्रेम शेयना इंगा स्वता काना जास्त इंगोगोरदी आदर शेयना

प्रेम निष्कपट उंडाला. वाईटकेल धुराम उंडा, शिंगार शेस्का उंडा.

आय्यी शकास्ते तर आंता मंदी जताक शांतीता निलना.

हे ना प्रिय मंदी, मीर स्वता बदला तिस्कुनाकुंडा, परमेश्वरनी मिद बदला तिस्कुना निंडा, येनटीक की पवित्र शास्त्रला इल्ला राशीनेद उंडाद की, “बदला तिस्कुनेद नाद फनी उंडाद, बदला निन तिस्कुन्यान, इल्ला परमेश्वर आंटाड.”

फनी शेशेदेंक आळशी कावांदे, पुर्ण मनता प्रभुनदी सेवा शेशेतोर कांडा.

येनटीक की निन नाक इच्चीने कृपा इचांग, निन मी दिंटल्योन्केल प्रत्येक मनशीक इल्ला शपतान की, स्वतान मी योग्यता काना जास्त समजायाकुंडा, पण प्रत्येक मनशीक यल्ला परमेश्वर विश्वास फंची इच्चीनाड, दान लेका स्वतान नम्र समजायना.

वाईट बद्दल यवारदी वाईट शेयाकुंडा. आंता मंदी इचांग येम शिंगार उंडाद आदी शेशेद प्रयत्न शेयना.

वगामेगार जताक वगामन कांडा, घमंडी कावांदे गरजवंत मंदीद मदत शेयना, स्वतान बुद्धिमान समजायाकुंडा.

पण नी शत्रुक आकाल आइंटे तर वानकी तिनेदेंक इ; वानकी दुपाक आइंटे तर वानकी तागेदेंक इ; येनटीक की इल्ला शेशी नु वान शिग्गुना केडप्याव.

यवार मिद छळ शेस्तार वारकी आशिर्वाद इंडा; आशिर्वादे इंडा, श्राप इयाकुंडा. आनंद शेशेतोर जताक आनंद शेयना इंगा येडशेटोर जताक येडना.

परमेश्वर मंदी गरज इचांग मदत शेयना, अतिथी-सत्कार शेशेदेंक तैयार उंडना.

येनटीक की यल्ला मना शरीरला शेंगेम अवयवलु उंडाय इंगा आन्नी अवयवलाद फनी वक्काटे लेद, आल्ले मनाम शेंगेम मंदी उंडी ख्रिस्तला वगा फय उंडाम; इंगा मनाम वगामेगारी अवयवलु उंडाम.