Populære bibelvers fra Gênesis 37

Del

Waneya rupnawatatka José waneya José hinkakna himolene; hiyáhoni wale tshinanu yohnika hahkale rixluna.

Hetanu, Israel whenene ptowruneka yohnika hamotle rixlu José klu tshinanu José rutsruhinixka hwuhenni. Hiyáhoni hkamhalu satu mkatshri howukalu hokanopnalu ptowru hix-yonhatatshri.

Waneya rexinixkaluna himolene José wanna ptowruneka yohnika hamotle rixlu ruru, rahnanutluna José hiyáhoni hike tokantshi kihleru rumukata tshinretluna José.

Waneya rupnawatatnaka José waneya runkakna himolene waneya wla htshinna: — Hiyrun-koxa nupjetlu tkatshi, ksuru hiyrunu onze katahirine yonohyehitno, — htshina.

Waneya himolene hahxatlu seyni ruru himrettokanutlu wale nanwaka.

José wane tshinatkana himolene: — Nanjithi xye nupnawle hjemyawakapa. Hitaklu wapatjekanata, wostujekanatlu campo-ya waneya nostuptaleru yopkaka hipnata, hyotunotatka seyni hixa hostuptaleru mkoje hapyehitlu nostuptaleru, hyonohiyehitluna nostuptale.

Wuya wuylateru waneya wuknokanru kapna hitokote waneya wla wtshinanu: “Satu hocha hajeru kmatsyiru nikanru.” Waneya wetanu ho rakanhewhe rupjejekanatanru ho hike.

Riknohinixkana jichanrewaklerune midianita-nerune, José molene kapna tenopnalu hkochpajyaluna José waneya ismaelita-nerune ruchanjiyatkaluna. Vinte proji prata hkayaxyaluna José wenru waneya ismaelita-nerune Egito tshijne ranikluna José.

Wane htshinkakna wannakakluko: — Tujrapatkani jipnawakleru.

Howukako retapyaluna José waneya hi rapokawa José htshanixkakatkana ruylaxyawakapluna.

Wane koxa htshinna Rúben: — Hike, hi hiylatanru seyni xye kapna kahnete hwatshri hiknokanru seyni hi hixako hiylatanru. Seyni xye tokantshi wane htshinya Rúben, hkochpajyawakaplu José wanna yehiya, ruru nwaka hsatkapyawakapa José.