Populære bibelvers fra IBUKU RĨA DANIELI 2

Del

akiuga atĩrĩ, Rĩĩtwa rĩa Ngai rĩrotũũra rĩkumagio tene na tene, Tondũ ũũgĩ na ũhoti nĩ ciake. Nĩwe ũkũũranagia mahinda o na imera, Na akaruta athamaki itĩ-inĩ ciao cia ũnene, akanenehia athamaki angĩ. Nĩwe wongagĩrĩra andũ arĩa ogĩ ũũgĩ, o nao arĩa akuũku akamongerera ũhoti wa kũmenya wega maũndũ. Nĩwe ũguũranagĩria maũndũ maritũ o na marĩa me hitho-inĩ; Namo maũndũ marĩa me nduma-inĩ nĩamoĩ mothe; Nakuo kũrĩa atũire-rĩ, gũtũũraga kũrĩ ũtheri hingo ciothe.

Nake Danieli agĩcokeria mũthamaki ũhoro, akĩmwĩra atĩrĩ, Ũhoro ũcio wa hitho mũthamaki arahoyaga ataũrĩrũo-rĩ, hatirĩ mũndũ o na ũmwe wa arĩa ogĩ, na aragũri, na ago, na arathi-a-mohoro, ũngĩhota kuumbũrĩra mũthamaki ũrĩa ũtariĩ. No kũrĩa matu-inĩ igũrũ kwĩ Ngai ũguũranagĩria maũndũ ma hitho, na nĩwe ũmenyithĩtie mũthamaki ti Nebukadinezaru maũndũ marĩa makoneka thutha-inĩ. Atĩrĩrĩ, kĩroto gĩaku na cioneki iria wonire ũrĩ ũrĩrĩ nĩ ici.

Na rĩrĩ, hĩndĩ ya athamaki acio-rĩ, nĩguo Ngai-wa-Igũrũ akahanda ũthamaki ũrĩa ũtagacoka gũthario o rĩ, o rĩ, o na kana wathani waguo ũneanwo moko-inĩ ma andũ angĩ, no nĩ kũmemenda ũkamemenda mothamaki macio mangĩ, ũmanine biũ, naguo ũtũũre wĩhandĩte tene na tene