Populære bibelvers fra လံာ်ပှၤစံၣ်ညီၣ်ကွီၢ် 7

Del

ဒီးယွၤစံးဘၣ်စီၤကံးဒဧိၣ်, “ပှၤအိၣ်ဒီးနၤတဖၣ်အါကဲာ်ဆိးလၢယကဟ့ၣ်အီၤ တၢ်မၤနၢၤလၢပှၤမံးဒယၣ်ဖိတဖၣ်အဖီခိၣ်န့ၣ်လီၤ. အဝဲသ့ၣ်ကဆိကမိၣ်ဘၣ်ဖုးလၢအမၤနၢၤတၢ်လၢအနီၢ်ကစၢ်ဒၣ်ဝဲဒီး တဟ့ၣ်ယၤလၢတၢ်လၤကပီၤဘၣ်န့ၣ်လီၤ.

ဒီးယွၤစံးဘၣ်စီၤကံးဒဧိၣ်, “ယကအုၣ်က့ၤခီၣ်က့ၤနၤဒီး ဟ့ၣ်နၤတၢ်မၤနၢၤလၢပှၤမံးဒယၣ်ဖိအဖီခိၣ်, ဃုာ်ဒီးပှၤသၢကယၤလၢအလ့ၣ်အီထံန့ၣ်လီၤ. တဲဘၣ်ပှၤအဂၤတဖၣ် လၢကက့ၤဆူဟံၣ်န့ၣ်တက့ၢ်.”

ဘိးဘၣ်သ့ၣ်ညါပှၤဂီၢ်မုၢ်ဒီးစံး, ပှၤတဂၤလၢ်လၢ်လၢအပျံၤတၢ်န့ၣ် ကြၢးက့ၤကဒါက့ၤဆူဟံၣ်, ဒီးပကအိၣ်တ့ၢ်ပဝဲဖဲကစၢၢ်ကံးလဧးအံၤလီၤ.” လၢတၢ်န့ၣ်အဃိပှၤအဂၤခံကလးခံကထိ က့ၤကဒါက့ၤဝဲဒီး ပှၤတကလးအိၣ်တီၢ်ဝဲဒၣ်န့ၣ်လီၤ.

တုၤနုၤတစု, ယွၤစံးဘၣ်စီၤကံးဒဧိၣ်, “နပှၤအိၣ်ဒံးဝဲအါကဲာ်ဆိးန့ၣ်လီၤ. လဲၤကိးအဝဲသ့ၣ်ဆူထံနံၤဒီးယကနီၤဖးအဝဲသ့ၣ်လၢနဂီၢ်ဖဲန့ၣ်လီၤ. ယမ့ၢ်တဲဘၣ်နၤလၢပှၤတဂၤကြၢးလဲၤဃုာ်တၢ်ဒီးနၤန့ၣ်အဝဲကလဲၤဝဲလီၤ. ယမ့ၢ်တဲလၢပှၤတဂၤတကြၢးလဲၤဃုာ်ဒီးနၤဘၣ်ဒီးတလဲၤဘၣ်ဝဲဘၣ်.”

စီၤကံးဒဧိၣ်လဲၤကိးပှၤတဖၣ်န့ၣ်ဆူထံနံၤဒီးယွၤစံးဘၣ်အီၤ, “ပာ်လီၤဆီပှၤကိးဂၤဒဲးလၢအလ့ၣ်ထီၣ်ထံလၢအပျ့ၤဒ်ထွံၣ်တဒုအသိး ဒီးပှၤအဂၤတဖၣ်လၢအတီၤလီၤလၢအခီၣ်လ့ၢ်ခိၣ် ဒ်သိးအကအီထံန့ၣ်တက့ၢ်.” ပှၤအိၣ်ဝဲအဂၤသၢကယၤလၢအဒၢၣ်ထီၣ်ထံလၢအစုပူၤဒီးလ့ၣ်အီဝဲထံန့ၣ်လီၤ. ပှၤအဂၤခဲလၢာ်တီၤလီၤလၢအခီၣ်လ့ၢ်ခိၣ်ဒ်သိးအကအီထံအဂီၢ်န့ၣ်လီၤ.