Populære bibelvers fra Genesis 41

Del

Si Jose nagsabat, “Indi ako makasarang, kon sa akon lang Mahal nga Hari, kundi ang Dios amo ang magahatag sing panaysayon para sa kaayuhan sang hari.”

kag nagsiling sia sa ila, “Wala na kita sing may makita nga tawo nga maglabaw pa kay Jose nga may Espiritu sang Dios.”

Gani ang hari nagsiling kay Jose, “Tungod nga ang Dios nagpahayag sa imo sini tanan, maathag nga wala na sing isa nga mas maalam kag may paghangop nga labaw pa sang sa imo. Himuon ko ikaw nga manugdumala sang akon pungsod, kag ang tanan ko nga mga tinawo magatuman sang imo mga sugo. Mangin-ikaduha lamang ikaw sa gahom tungod sang akon pagkahari.”

Nagsiling man sia, “Ang Dios naghatag sa akon sing mga anak sa duta sa diin nakaagi ako sing mga kabudlayan.” Gani ginhingalanan niya ang iya ikaduha nga anak kay Efraim.

Si Jose nagsiling, “Ginbuot sang Dios nga kalimtan ko ang tanan ko nga mga pag-antos kag ang bug-os nga panimalay sang akon amay.” Gani ginhingalanan niya ang panganay niya nga anak kay Manases.