Populære bibelvers fra Tơlơi Tơbiă 12

Del

Mlam anŭn Kâo či găn djŏp čar Êjip pơdjai abih bang ƀing ană kơčoa čar Êjip, wơ̆t mơnuih hăng hlô mơnơ̆ng. Kâo či phat kơđi abih bang ƀing yang Êjip yua kơ Kâo jing Yêhôwa. Drah pik ƀơi sang ƀing gih hlăk dŏ či jing gru kơnăl brơi kơ ƀing gih. Tơ Kâo găn pơdjai ƀing Êjip, ƀuh drah anŭn laih anŭn kâo či gao lui hĭ, laih anŭn ƀu či hmâo tơlơi răm ruă hơgĕt ôh pơluč ƀing gih.

Hrơi anŭn či jing sa phĕt pơhơdơr kơ ƀing gih. Amăng abih bang rơnŭk ƀing gih brơi djă pioh ñu kar hăng sa hrơi phĕt kơ Yêhôwa, jing sa tơlơi juăt khŏm djă pioh hlŏng lar.

Tơ ană tơčo ƀing gih tơña: ‘Phĕt anai hơgĕt tơlơi kiăng laĭ?’ Brơi ƀing gih laĭ glaĭ: ‘Anŭn jing phĕt pơyơr hlô mơnơ̆ng ngă yang Tơlơi Găn kơ Yêhôwa, yua kơ tơdang Ñu pơrai ƀing Êjip Ñu hmâo gao lui hĭ ƀing sang ană plei pla Israel laih anŭn Ñu pap brơi sang ƀing ta.’”