Populære bibelvers fra Tơlơi Tơbiă 10

Del

Yêhôwa pơhiăp hăng Môis: “Nao bưp Pharaôn bĕ, yua kơ kâo hmâo pơkhăng pran jua ñu laih anŭn pran jua ƀing ding kơna ñu kiăng kơ kâo dưi pơrơđah khul gru mơsêh mơyang tơ̆ng krah gơñu, laih anŭn kiăng kơ ih ruai glaĭ kơ ană tơčo ih hơdôm bruă Kâo hmâo ngă kơ ană plei pla Êjip, wơ̆t kơ khul gru mơsêh mơyang Kâo hmâo ngă laih tơ̆ng krah ƀing gơñu, yua mơ̆ng anŭn ƀing gih thâo Kâo jing Yêhôwa.”

Yêhôwa pơhiăp hăng Môis: “Yơr đĭ bĕ tơngan ih pơ adai kiăng kơ tơlơi kơnăm mơmŏt gom hĭ čar Êjip, tơlơi kơnăm mơmŏt tơl arăng dưi ruaih.” Tui anŭn Môis yơr đĭ tơngan pơ adai, tơlơi kơnăm mơmŏt gom hĭ abih bang čar Êjip amăng klâo hrơi. Amăng klâo hrơi anŭn arăng ƀu thâo ƀuh tơdruă ôh, ƀu hmâo hlơi dưi đuaĭ mơ̆ng anih ñu. Samơ̆ pơpă anih ană plei pla Israel dŏ, pơ anŭn hmâo tơlơi bơngač.

Tui anŭn Môis yơr đĭ gai jra ƀơi Êjip. Yêhôwa ba angĭn mơ̆ng ngŏ thut amăng čar Êjip hrơi hăng mlam amăng hrơi anŭn; mơguah hrơi tơdơi, angĭn mơ̆ng gah ngŏ ba rai kơtop truh. Kơtop bă blai djŏp čar Êjip laih anŭn gơñu plĕ trŭn amăng abih čar anŭn. Gơñu lu biă mă ƀu thâo yap ôh; hlâo dih aka hmâo djơ̆ ôh laih anŭn tơdơi kŏn hmâo lơi hrup hăng anŭn.