Populære bibelvers fra Loˇmaˆ sahˬ boꞈ 11

Del

Kʼaˇ jawˇ kʼaˇ jaˆ-eu jeˬ dawˬ tawˆ luꞈ aˬ yawꞈ neh beh taˬ-euˬ meh. Dawˬ tawˆ luꞈ aˬ yawꞈ baˬ da neh jaˆ luꞈ jawˇ luꞈ-awˇ, aˬ yawꞈ-euˬ gʼaˇ duˬ jaˆ luꞈ jawˇ luꞈ-eu tehꞈ meh. Mˬ maˬ maˬ byaˆ zaˇ ziˇ Miˬyehˇ-ahˇ ciˬ huiˬ ciˬ mahˇ kaˇ-euˇ. Aˬ miˬ.

Miˬyehˇ-euˬ guiˬ lahˬ aˇ naˆ ni huiˬ-eu nga. Aˬ yawꞈ-euˬ zaˬ siˬ nui gahˇ aˇ naˆ ni naꞈ-eu nga. Aˬ yawꞈ neh noeˬ tsehˆ-euˬ jeˬ-ahˇ tsawˇ haˬ tiˬ gʼaˬ-iˬ maˬ siˬ nya-ehˇ, aˬ yawꞈ aˬ jeˬ miˇ neh kʼoeˇ loꞈ-ehˇ mˇ-eu gaˇ kawˆ-ahˇ tsawˇ haˬ tiˬ gʼaˬ-iˬ maˬ gʼoˆ shaw nya-a.

Jaˇliꞈ laꞈ kʼoeˇ ehˇ taˬ-euˬ, “Sahˬpaˬ Miˬyehˇ-euˬ nui noeˬ-ahˇ, aˬ suˇ gʼaˬ siˬ nya-eu jawˇ ta. Aˬ yawꞈ-ahˇ ja noeˬ ja duˇ-eu, aˬ suˇ gʼaˬ mˇ nya-eu jawˇ ta.

Nymˬ-mˇ kʼawꞈ, kʼoeˇ gaˇ duˇ-eu meh. Miˬyehˇ gʼawˬ shaˬ gaˬ-awˇ tseˇ doˆ taˬ-euˬ tsawˇ haˬ ui cuiˆ dzeˇ-eu meh. Tseˇ doˆ-euˬ kʼoeˇ-aˬ, aˬ yawꞈ gʼawˬ shaˬ gaˬ-eu baˬ da neh meh. Aˬ yawꞈ maꞈ neh mˇ-euˬ gaˇ baˬ da neh maˬ ngeuˇ-a. Tsawˇ haˬ zaˬ neh mˇ-euˬ gaˇ baˬ da neh tseˇ doˆ-euˬ ngeuˇ naˇ, aˬ yawꞈ gʼawˬ shaˬ gaˬ-eu jeˬ-aˬ, maˇ maˇ ni gʼeh-eu gʼawˬ shaˬ gaˬ-eu jeˬ maˬ ngeuˇ-a.

Tsawˇ haˬ zaˬ neh ka taˬ-euˬ saˬ loˬ aˇ bawˇ-euˬ uˬ laꞈ tiˬ paˆ na deuˬ deuˆ tsehˆ dzeh-awˇ, bawˇ tsahˬ-ahˇ dehꞈ-eu saˬ loˬ aˇ bawˇ-euˬ uˬ laꞈ yuˇ-awˇ paˇ tsaꞈ nehˬ-euˬ meh. Naw maꞈ Yuˇdaˆ tsawˇ haˬ maˬ ngeuˇ-eu deuˬ-aˬ, bawˇ tsahˬ-ahˇ dehꞈ-eu saˬ loˬ aˇ bawˇ-ahˇ duˇ-eu meh. Ehˇ kʼawꞈ, Yuˇdaˆ tsawˇ haˬ-euˬ guiˬ lahˬ saꞈ laˇ paw gʼaˬ kʼaˆ dui dui-eu jeˬ-ahˇ nymˬ-mˇ naw maꞈ za luꞈ-eu meh. Kʼoeˇ loꞈ-ehˇ ngeuˇ naˇ, bi deuˆ tsehˆ dzeh-euˬ uˬ laꞈ-ahˇ duˇ-eu tsawˇ haˬ deuˬ-ahˇ naw maꞈ yehˬ bawˬ sehˇ lu-ehˇ maˬ ya ehˇ-a. Naw maꞈ a jeˬ kʼahˬ sehˇ jehˆ kʼaˇ paˇ za ta. Naw maꞈ-aˬ, uˬ laꞈ tehꞈ meh. Duˬ ciˇ kʼoeˇ naw maꞈ-ahˇ gʼoe-eu maˬ ngeuˇ-a. Naw maꞈ duˬ ciˇ-ahˇ gʼoe luꞈ-eu meh.