Populære bibelvers fra Pemansut 16

Del

Ku sida bejaku enggau seduai iya, “Manah agi enti TUHAN udah munuh kami di menua Ejip. Din kami ulih duduk lalu makai dagin, enggau ni pemayuh pemakai bukai ti dikedekaka kami. Tang seduai udah mai kami pansut ngagai menua puang tu, ngambika semua kami mati lapar.” TUHAN lalu bejaku ngagai Moses, “Diatu Aku deka ngasuh pemakai labuh ari langit baka ujan ke semua kita. Orang mayuh enda tau enda bejalai tiap hari, lalu ngumpul pemakai chukup ke sehari nya. Nya chara Aku nguji ati sida, kena Aku nemu enti sida deka nitihka atur Aku tauka enggai.

Lebuh sida di menua puang nya, semua sida mutap ngelaban Moses seduai Aron.

Ku Moses, “TUHAN Empu ti deka meri kita dagin lebuh lemai hari, enggau sepemayuh roti ti dikedekaka kita lebuh pagi hari, laban Iya udah ninga kita balat amat mutap ngelaban Iya, laban lebuh kita mutap ngelaban kami duai, iya ti bendar, kita mutap ngelaban TUHAN.”

“Aku udah ninga jaku putap orang Israel. Padahka ngagai sida, lebuh lemai hari, sida deka makai dagin, lalu lebuh pagi hari, sida deka makai roti ngemayuh ti dikedekaka sida. Nya baru sida deka nemu Aku tu TUHAN Allah Taala sida.”