Populære bibelvers fra Madiyu 21

Del

Gio꞉ tilidabuwo꞉ dowalega, gililo꞉ Godemo꞉lo꞉ dulugu sa꞉lakilo꞉ dabu ba꞉dab a꞉no꞉, Gode eyo꞉ dimidama꞉ib.”

Ya꞉su eyo꞉ imo꞉wo꞉ a꞉ma꞉la꞉ a꞉la꞉sio꞉, “Niyo꞉ gimo꞉wo꞉ to hendele sa꞉ma꞉nigo꞉l. Gio꞉ asulo꞉ a꞉la꞉yo꞉ mo꞉dowaki, tilidabuwo꞉ hendele dowalega, nilo꞉ alona꞉ i amilo꞉ dimido꞉l we aumbo꞉, giliyo꞉lo꞉ a꞉la꞉ka dimidama꞉ib. Ko꞉sega imilise a꞉no꞉ ko꞉mba. Giliyo꞉ misio꞉ wemo꞉ sa꞉lakiyo꞉, ‘Ge go꞉no꞉na꞉ma꞉la꞉yo꞉ duda꞉sa꞉ga꞉, so꞉lu ho꞉na ti hamana’ a꞉la꞉sa꞉lalikiyo꞉, gililo꞉ sa꞉lab a꞉no꞉ a꞉la꞉ka fa꞉la꞉doma꞉ib.

Kaluka꞉isale modo꞉ Ya꞉su o꞉lia꞉lo꞉ ha꞉nab a꞉no꞉, nolo꞉ tamina a꞉la꞉ta꞉ga꞉, nolo꞉ tifa ha꞉nakiyo꞉, iliyo꞉ Ya꞉suwo꞉ wabudaki, a꞉la꞉ ho꞉le sio꞉, “Da꞉ibida꞉ inso꞉mo꞉wo꞉ mada sagalema꞉niki. Kalu we, Gode Alana꞉ wiya a꞉la꞉ta꞉ga꞉ mio꞉ ko꞉lo꞉, niliyo꞉ sagala꞉liki, Godemo꞉ mada o꞉m a꞉la꞉so꞉lo꞉l. Gode Iwalulo꞉ A꞉lab a꞉no꞉ wabuluma꞉niki.”

Ya꞉su eyo꞉ imo꞉wo꞉ a꞉la꞉sio꞉, “Tamin amio꞉ Godeya꞉ bugo꞉ amio꞉ a꞉la꞉sa꞉sa꞉lo꞉ ko꞉lo꞉ da꞉lab, ‘Ni a we nemo꞉lo꞉ dulugu sa꞉la꞉mela꞉no꞉ a a꞉la꞉sa꞉ma꞉ib.’ Ko꞉sega giliyo꞉ a we afalo꞉ dian kaluwa꞉ a o꞉ngo꞉ dimidakigab,” a꞉la꞉sio꞉.

“Saion amisa꞉n kaluka꞉isalemo꞉wo꞉ to we a꞉la꞉sama. ‘Bo꞉ba, misa꞉ kalu ginido꞉wo꞉ o꞉go꞉ gilo꞉wa yab. E enena꞉ma꞉la꞉yo꞉ ha꞉ga dowaki, donki wa꞉la asita꞉ga꞉ a꞉na yab. E donki kalofo wa꞉la asita꞉ga꞉ yab.’ ”

Iliyo꞉ a꞉la꞉sa꞉labiki, Ya꞉su eyo꞉ imo꞉wo꞉ a꞉la꞉sio꞉, “Gio꞉ Godeya꞉ ene bugo꞉ amilo꞉ to da꞉lab a꞉no꞉ mo꞉agela꞉sena꞉le? To we o꞉leo꞉ngo꞉, “ ‘ U ko꞉lo꞉ alo꞉ dian ililo꞉ mo꞉beakilo꞉ sandifo꞉ a꞉no꞉, o꞉go꞉ ayo꞉ halaido꞉ dofo꞉melea꞉kilo꞉ u wa꞉la꞉b ko꞉lo꞉ fa꞉la꞉dowo꞉wo꞉ o꞉m. Alana꞉ ene dimida꞉sa꞉ga꞉ fa꞉la꞉do alifa꞉ ko꞉lo꞉, niliyo꞉ a꞉no꞉ mada nafale ba꞉ba꞉.’

A꞉la꞉fo꞉ko꞉lo꞉ niyo꞉ gimo꞉wo꞉ a꞉la꞉so꞉lo꞉l. Gode eyo꞉ enedo꞉ bo꞉fo꞉mela꞉no꞉ hen ko꞉lo꞉ gili dagi amilo꞉ da꞉lab a꞉no꞉ dila꞉sa꞉ga꞉yo꞉, kaluka꞉isale fo nafalo꞉ hele alita꞉sen imo꞉ dimea꞉ib.