Lyfr y Psalmau 124
124
1“Oni buasai i’r Arglwydd Rhi
Fod gyd â ni o’n mebyd,” —
Y gall, yn rhydd o’i flinder mawr,
Israel yn awr ddywedyd;
2“Oni buasai i’r Arglwydd Rhi
Fod gyd â ni ’n feunyddiol,
Pan gododd dynion creulon frad
I’n herbyn, gad elynol;
3“Yna ’n llyngcasent oll yn fyw,
Ond fel bu Duw i’w rhwystro,
Pan fflamiodd tân eu digter blin
I’n herbyn i’n distrywio.
4“Y dyfroedd aethent yn ddï‐os
Yn afon dros ein pennau,
5Ac aethai dros ein henaid blin
Ymchwydd y weilgi ’n donnau.”
6Bendigaid byth fo Enw ein Duw,
Poed dïolch i’w drugaredd,
Yn ’sglyfaeth ni roes Ef mo ’i blant
I dorri chwant eu dannedd.
7Ein henaid fel aderyn bach
O’r fagl yn iach dïangodd;
O’r fagl yn rhydd, pan dorrwyd hon,
I ffordd yn llon ehedodd.
8O Enw ’r Ion a’i rymmus law
Ein nerth a ddaw ’n oes oesoedd,
Yr Hwn a wnaeth bob peth i gyd
Sydd yn y byd a’r nefoedd.
Dewis Presennol:
Lyfr y Psalmau 124: SC1850
Uwcholeuo
Copi
Cymharu
Rhanna
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Y Psallwyr gan y Parch. Morris Williams (Nicander). Cyhoeddwyd gan H. Hughes, Llundain 1850. Cafodd y testun ei ddigideiddio gan Gymdeithas y Beibl yn 2021.