Adnodau Beiblaidd Poblogaidd o Umatiu 10

Rhanna

“Mi sọm amen le ma te le kwu na itia i kwu he liwu betang a. Ma bilishi na ishii, ma kwu le kuhwo ambwole na lilulu.

Undi angwu u kaa le u kpan lishi lima, ha a nim le kuhwo-ma; undi angwu u bọng lihwu he kuhwo kugi na u be kwu le likpan.”

Ma shel bendi abe be gwu agwo, be gwu kunyọng mbee ye a ye. Ma shel Unim angwu u gwu agwo ọ, kunyọng ọ, u kung abi fe he kinde a.

Undi angwu a bọng lihwu, kung kikpakpa kima ashi be be maa he bee so pwọm mi ye, ha a kpe le u kwa undi-utung ugi ye.

“Undi uyang-yang angwu a kọng de bendi gboo le u yi ke-m mi a, mi ba sha he na he ashi Atyagi angwu he lifung-atabe. Ukpọ undi angwu a swan gboo le u yi ke-m mi a ye, mi ba swan he he ashi Atyagi angwu he lifung-atabe.”

Ma mbee bendi-angbam, ma wum bendi le he lihwu, ma shi abe akpaa be taa, ma ndo ikeb ibibi le ha bendi. Ma kpe kisọm kinunung faale kugia akele, men ọ ma le bun kisọm kinunung faale kugia akpele.

Ma shi shel ye, undi-gye ken u yi Unim he kukpo hwo lipelpel gbam.”

“Ma shi gim le mi be le ikwun a he igye i ye, mi be le kukye a.