Adnodau Beiblaidd Poblogaidd o Slg 2

Rhanna

Ka Piyer nda həŋ mantsa: « Mbəɗanafwa mbəɗa ta tva nzakwa ghuni, ka magafta inda kaghuni ta batem ma hga *Yesu *Kristi, ŋa plighunista Lazglafta ta dmakuha ghuni, ŋa vlaghunata ni ta Sulkum nda ghuɓa.

Inda tsa mnduha ya ná, ta gɗata ta ŋavata ka sna skwi ta tagh gwal ghunay həŋ. Ta ŋava ŋa həŋ ka guya vgha nda zwana ma. Ta ŋava ŋa həŋ guli ka guya ghəŋ ta ghəŋa skwa zay, nda ya ma vla maga duʼa.

Ka ndaghaftá həŋ demdem nda Sulkum nda ghuɓa. Ka gi gwaɗ həŋ ta gwaɗa nda sanlaha ma gwaɗaha manda ya vlaŋ Sulkum ta həŋ ŋa gwaɗay.

Gi ka saha skwi ta luwa manda ghudzaga falak ta vyaku dididida ya, ka ndəghamtá vgha ma tsa həga nzamə həŋ ya. Ka zlagaptá skwi manda ghanika vu, ka dagavapta, ka nzanzafta ta ghəŋa taŋ turtuk turtuk. Ka ndaghaftá həŋ demdem nda Sulkum nda ghuɓa. Ka gi gwaɗ həŋ ta gwaɗa nda sanlaha ma gwaɗaha manda ya vlaŋ Sulkum ta həŋ ŋa gwaɗay.

Inda fitik həŋ ta tskavata ma həga Lazglafta. Ka skwa turtuk ta nzata həŋ ka za skwa zay ma wa tgha taŋ. Nda rfu nda rfu, nda ŋuɗuf turtuk ta za həŋ. Ta zləzlvay həŋ ta Lazglafta, ta mamay inda mnduha ta həŋ. Inda fitik Mgham Lazglafta ta sganaghatá gwal ta mbanafta tsi ta ghəŋa ghuɓa taŋ.

“Ma kɗavakta fitik ná, wya skwi dzaʼa magaku, ka Lazglafta: Dzaʼa pghada pgha yu ta Sulkuma ɗa ta ghəŋa inda mnda səla, ŋa nuta zwana zgwana ghuni nda kwagha ghuni ka anabiha. Ka mazəmzəm dzaʼa gwaɗa yu ta gwaɗa ŋa duhwalha ghuni. Nda ma suni dzaʼa gwaɗa yu ta gwaɗa ŋa la halata mnduha ghuni.

Inda gwal zlghay nda ŋuɗuf ná, tets ka skwa turtuk guyatá ghəŋa taŋ. Inda skwa taŋ guli ná, ka skwa turtuk ta dguvusta həŋ ta vgha taŋ. Ta dzawap dzawa həŋ ta skwiha taŋ ŋa daguvusta taŋ ta tseda ni, taɓta ɗaŋwa dər wa mataba taŋ.

Mantsa tama, inda mndu ta hga hga Mgham Yesu nda fatá ghəŋ tida ná, dzaʼa mbaku,” » kaʼa.

tɗik dzaʼa mbəɗavafta fitik. Ma kɗaku fitik dagala ta nzakway ka fitika Mgham Yesu ka sagha, ghəw manda us dzaʼa mbəɗavafta tili.