Éxodo 15
15
Salvashqanpita Israel runakuna Tayta Diosta alabayashqan
1Sayno salvaykuptinmi Moiséswan lapan Israel runakuna Tayta Diosta kayno alabayarqan#Apoc. 15.3.:
Tayta Diostami alabashaq.
Paymi Egipto runakunata, cawallunkunata y loqaraqkunatapis#15.1 Wakin runakunaqa muntaraqkunatapis niyan. lamarcho ushakärasish.
Sayta musyarmi pïmaypis tantiyakuyanqa munayyuq kashqanta.
2 Tayta Diosmi imaypis valorta qoman.
Paytami imaypis alabä.#Éxo. 14.13-14; Sal. 118.14; Isa. 12.2.
Diosnï kaptinmi payta alabashaq.
Paymi awilükunapa Diosnin.
Imaypis paylatami adorashaq.
3 Tayta Diosqa munayyuq soldädumi.#Sal. 24.8.
Jutinpis Yahwehmi kaykan.
4 Tayta Diosmi carrëtantinta Faraónpa soldädunkunata lamar rurinman talpukäsish.
Ali chölunnin capitankunatapis Puka Lamarchömi shenqasiypa wanusish.
5Yanawyaykaq lamarmi ultakurkush.
Ruminömi ruriyaq talpukäyash.
6 Tayta Dios, munayyuq karmi aluq kaq makikiwan chikimaqnïkunata elaqäsishkanki.
7Lapanpaq munayyuq kashpaykimi contraykikunata ushakäsishkanki.
Fiyupa rabyakuptikimi saki oqsha rupaqnöpis paykuna ushakäyash.
8Rabyash pükariptikimi ishkayman yaku rakikash.
Yakupa pulchaqyayninpis tapianöraqmi ichirarqan.
Lamar rurin yakupis sururunömi ritikäkush.
9Conträ runakunami niyarqan:
<<Taripäyashqäyaqmi qatipäyäshaq.
Imaykantapis qechurkamurmi rakipänakuyäshaq.
Sayno rurarkur seqaypami kushikuyäshaq.
Espädäwanmi wanusir ushayäshaq>>.
10Jina kaqta pükariptikimi lamar ultakurkush.
Bunyaypa bunyaykaq yaku rurinmanmi plömunöraq talpukäyash.
11 Tayta Dios, ima diospis manami qamno kansu.
Qamnöqa manami pipis santu kansu.
Espantaypaq kaqkunatami rurashkanki.
12Podernikiwan castigaptikimi Egipto runakunata pasa ultakurkush.
13Salvashqayki runakunatami isanqa kuyapaylapa pushaykanki.
Tashqayki sagrädu wayikimanmi munaynikiwan pushaykanki.
14Sayta wiyarmi maysay nacioncho taq runakuna mansarir suksukyäyanqa.
Filisteo runakunapis#Gén. 21.32-34; Éxo. 13.17. mansariylawanmi pasaypa almatäyanqa.
15Edomcho taq capitankunapis mansariywanmi kalpaynaq rikakuyanqa.
Moabcho taq mandaqkunapis mansariywanmi suksukyäyanqa.
Canaáncho taq runakunapis manami ima ruraytapis kamäpakuyanqasu.
16Paykuna pasaypa mansariyäsun.
Imatapis rurayta mana kamäpakur chiyakash rikakäkuyäsun.
Sayno kaykuyäläsun salvashqayki runakuna päsayashqanyaq.
17 Tayta Dios, tänaykipaq akrashqayki jirkaman pushakayälämay.
Saycho tänaykipaq kikikimi kamarishkanki.
18 Tayta Diosmi imayyaqpis rey kaykan.
María cantashqan
19Carrëtankunawan cawallunkunawan lamar chawpinpa Faraón aywaykäyämuptinmi lamar yakuta kashqanman kutisir Tayta Dios lapanta saparkurqan. Israel runakunami isanqa sakilapana päsayarqan. 20Saypitanami Aarónpa panin profetïsa María panderëtata tukar qalaykurqan. Saymi lapan warmikunapis panderëtankunata tukar kushikuyashpan paywan juntu danzaraykar aywayarqan. 21Saychömi María cantarqan:
<<Tayta Diosta alabashun.
Paymi lapantapis mansariypaq ushakäsish.
Cawalluntintami loqaraqkunatapis#15.21 Wakin runakunaqa muntaraqkunatapis niyanmi. lamarman talpukäsish>>.
Maracho iwjiq yaku kashqan
22Saypitanami Israel runakunata Moisés pusharqan Puka Lamarpita Shur nishqan sunyaq jirkapa. Kimsa junaq aywarpis yakuta manami tariyarqansu. 23Mara partiman chaykur yakuta tarirpis iwjiptinmi#15.23a Wakin runakunaqa asqaptin niyanmi. upuyarqansu. Yaku iwjishqanpitami say partita jutisirqan Mara#15.23b Mara ninanqa iwjiq o asqaq ninanmi. jutin kananpaq.
24Saymi runakuna rabyanäyashpan Moiséspa contran sharkur niyarqan: <<Kanan ¿ima yakutataq upushun?>>
25Saymi Tayta Diosta Moisés manakurqan yanapänanpaq. Manakuptinmi Tayta Dios jachata rikasirqan. Say jachapa rämanta yakuman winarpuptinmi iwjirqannasu.
Israel runakunata sayno pruëbaman churarkurmi leykunata y estatütukunata tantiyasishpan 26Tayta Dios nirqan: <<Nishqäkunata cäsukayämaptiki, munashqäno kawayaptiki, mandamientükunatapis cäsukur lapan estatütükunatapis cumpliyaptikiqa Egipto runakunata castigashqänöqa manami qeshyawan castigayäshaykisu. Noqami qamkunata kachakäsiq Tayta Dios kaykä>>.
27Saypita aywakurnami Israel runakuna Elim partiman chäyarqan. Saychömi chunka ishkay pukyukuna y qanchis chunka (70) palmërakuna karqan. Say pukyukuna lädunchömi toldunkunata ichisir posädakuyarqan.
Právě zvoleno:
Éxodo 15: qvhB
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2003, Wycliffe Bible Translators, Inc. All rights reserved.