Teḛ-Raga 16:3-4

Israɛlje d’ula dee pana: Kar sí j’wəije ji Njesigənea̰’g mee ɓee gə́ Ejiptə lé ɓa maji, loo gə́ j’isi ta ŋgoro naḭ da’g ləm, j’o̰je muru j’ar meḛ sí ndan ne tub-tub ləm tɔ. Mbata seḭ lé ɔr síje teḛje sə sí dɔdilaloo’g neelé mba kar koso-dəwje neelé d’wəi yoo-ɓoo ya. Njesigənea̰ ula Moyis pana: Aa oo, m’a kar muru ḭ dara gə́ tar gəḭ naŋg mbata lə sí. Dəwje lé d’a teḛ raga gə ndɔ dee ndɔ dee mba kodo né gə́ d’aw ndée gə mba kam m’aḭ ne meḛ dee m’oo see d’a njaa gə goo godndum əsé d’a njaa ne el wa.