ܣܶܦܪܳܐ ܕ݄ܒܪܺܝܬ̥ܳܐ 35
35
1ܘܐܡ݄ܪ ܠܶܗ ܐܰܠܳܗܳܐ ܠܝܰܥܩܽܘܒ: ”ܩܘ̇ܡ ܣܠܰܩ ܠܒܶܝܬ̥ ܐܺܝܠ ܘܺܝܬܰܒ̥ ܬܰܡܳܐ ܘܣܘ̇ܡ ܬܰܡܳܐ ܡܰܕ̥݄ܒܚܳܐ ܠܐܺܝܠ ܕ݄ܓܠܶܐ ܐܰܥܠܳܟ̥ ܗ̄ܺܝ ܢܰܩܠܐ ܕܥܰܪܺܝܩܰܬ ܡܶܢ̱ ܩܽܘܕ̱ܡܶܗ ܕܥܺܝܣܽܘ ܐܰܚܽܘܢܳܟ̥.“ 2ܘܐܡ݄ܪ ܠܶܗ ܝܰܥܩܽܘܒ ܠܰܗ̄ܢ ܐܰܒܢ̈ܶܐ ܕܽܗ̄ܘ ܒܰܝܬܰܝܕ̥ܶܗ ܘ݄ܠܟܽܘܠّܶܗ ܕܰܐܥܡܶܗ: ”ܡܰܪܚܶܩܽܘ ܗ̄ܰܢ ܐܰܠܳܗ̈ܶܐ ܢܽܘܟ̥ܪ̈ܳܝܶܐ ܡܶܢ̱ ܒܰܝܢܳܬ̥ܰܝܟ̥ܽܘ، ܘܡܺܝܕܰܟܶܝܽܘ (ܗܘܰܝܽܘ ܕܰܟ̥ܝ̈ܶܐ) ܘ݄ܡܚܰܠܶܦܽܘ ܗ̄ܰܠܒܽܘܫ̈ܰܬ̥ܟ̥ܽܘ. 3ܘܩܽܘܡܽܘ ܕܣܳܠܩܺܝܢܰܐ ܠܒܶܝܬ̥ ܐܺܝܠ، ܘܬܰܡܳܐ ܓܣܳܝܰܡ ܐ̱ܢܳܐ ܡܰܕ̥݄ܒܚܳܐ ܠܰܐܠܳܗܳܐ ܕܡܰܕܥܰܪ ܠܶܗ ܐܰܥܠܺܝ ܒܽܗ̄ܘ ܝܰܘܡܳܐ ܕܺܗ̄ܝ ܥܺܝܩܽܘܬ̥ܰܝܕ̥ܺܝ، ܘܗܰܘܺܝ ܐܰܥܡܺܝ ܒܽܗ̄ܘ ܕܰܪܒܳܐ ܕܰܐܙّܺܝ ܐ̱ܢܳܐ.“ 4ܘܗܽܒّ̥ܶܗ ܠܝܰܥܩܽܘܒ ܟܽܘܠّܶܗ ܗ̄ܰܢ ܐܰܠܳܗ̈ܶܐ ܢܽܘܟ̥ܪ̈ܳܝܶܐ ܕܒܺܐܝܕ̥̈ܳܬ̥ܰܝّܶܗ ܘܰܡّܰܪ̈ܘܳܕ̥ܶܐ ܕܒܰܐܕ̥̈ܢܰܝّܶܗ. ܘ݄ܛܡܺܝܪܺܝ ܠܶܗ ܝܰܥܩܽܘܒ ܬܰܚܬ ܗ̄ܺܝ ܒܰܛܡܳܐ ܕܟ݄ܬ ܝܳܐ ܓܰܒ ܫܟܺܝܡ.
5ܘܡܰܛܥܰܢّܶܗ ܘܰܐܙّ݄ܢ. ܘܗܰܘܝܳܐ ܗ̄ܺܝ ܙܽܘܥܬ̥ܳܐ ܕܰܐܠܳܗܳܐ ܥܰܠ ܡܕ̥̈ܺܝܢܳܬ̥ܳܐ ܕܚܶܕ̥ܳܪܰܝّܶܗ، ܘܠܳܐ ܫܕܰܠّܶܗ ܒ݄ܬ̥ܪܶܗ ܕܝܰܥܩܽܘܒ ܘܒ݄ܬ̥ܪܶܗ ܗ̄ܰܢ ܐܰܒܢ̈ܰܝܕ̥ܶܗ. 6ܘܰܐܬ̥ܺܝ ܝܰܥܩܽܘܒ ܠܠܽܘܙ ܕܟ݄ܬ ܝܳܐ ܒܺܗ̄ܝ ܐܰܪܥܳܐ ܕ݄ܟܢܰܥܢ ܕܗܺܝّܰܗ ܝܳܐ ܒܶܝܬ̥ ܐܺܝܠ، ܗܺܝّܶܗ ܘܟܽܘܠܶܗ ܗ̄ܽܘ ܥܰܡܳܐ ܕܰܐܥܡܶܗ. 7ܘ݄ܒܢܶܐ ܠܶܗ ܬܰܡܳܐ ܡܰܕ̥݄ܒܚܳܐ ܘ݄ܩܪܶܐ ܠܶܗ ܐ݄ܫܡܶܗ ܕܽܗ̄ܘ ܐܰܬ̥ܪܰܘܳܐ ܒܶܝܬ̥ ܐܺܝܠ ܥܰܠ ܕܬܰܡܳܐ ܓܠܶܐ ܐܰܥܠܶܗ ܐܰܠܳܗܳܐ ܗ̄ܺܝ ܢܰܩܠܐ ܕܥܳܪܰܩ ܗ̄ܘܰܐ ܡܶܢ̱ ܩܽܘܕ̱ܡܶܗ ܕܥܺܝܣܽܘ ܗ̄ܽܘ ܐܰܚܽܘܢܳܐ. 8ܘܡܰܝܺܝܬ̥ܳܐ ܕܶܒܽܘܪܳܐ ܗ̄ܺܝ ܡܰܘܢܩܳܢܺܝܬ̥ܳܐ ܕܪܰܦܩܳܐ ܘ݄ܩܒ̥ܺܝܪܳܐ ܠܰܠܬܰܚ ܕܒܶܝܬ̥ ܐܺܝܠ ܬܰܚܬ ܗ̄ܺܝ ܒܰܛܡܳܐ. ܘ݄ܩܪܶܐ ܠܶܗ ܐ݄ܫܡܰܗ ܒܰܛܡܳܐ ܕܒܰܟ̥ܝܳܐ.
9ܘܢܰܩܠܐ ܚܪܶܬܳܐ ܓܠܶܐ ܐܰܠܳܗܳܐ ܥܰܠ ܝܰܥܩܽܘܒ ܒ݄ܬ̥݄ܪ ܕܰܐܬ̥ܺܝ ܡܶܢ̱ ܦܳܕܳܢ ܕܳܐܪܳܡ ܘ݄ܡܒܰܪܰܟ̥ ܠܶܗ. 10ܘܐܡ݄ܪ ܠܶܗ ܠܶܗ ܐܰܠܳܗܳܐ: ”ܠ݄ܐ ܓܡ݄ܩܪܶܐ ܐ݄ܫܡܳܟ̥ ܝܰܥܩܽܘܒ ܢܰܩܠܐ ܚܪܶܬܳܐ ܐܶܠܳܐ ܓܕܳܗ̄ܘܶܐ ܐ݄ܫܡܳܟ̥ ܐܺܝܣܪܳܐܶܝܠ. ܘ݄ܩܪܶܐ ܠܶܗ ܐ݄ܫܡܶܗ ܐܺܝܣܪܳܐܶܝܠ.“ 11ܘܐܡ݄ܪ ܠܶܗ ܠܶܗ ܐܰܠܳܗܳܐ: ”ܐܳܢܳܐ ܐ̱ܢܳܐ ܐܰܠܳܗܳܐ ܐܺܝܠܫܰܕܰܝ، ܝܺܪܰܒ̥ ܘܙܘ̇ܕ. ܥܰܡܳܐ ܘܥܰܡ̈ܶܐ ܓ̥ܰܠܰܒܶܐ ܡܶܢܳܟ̥ ܓܕܳܗ̄ܘ݄ܢ. ܘܡܰܠܟ̈ܶܐ ܡܶܢ̱ ܚܰܨܳܟ̥ ܓܢܳܦܩܺܝ. 12ܘܺܗ̄ܝ ܐܰܪܥܳܐ ܕܺܝܡܶܐ ܠܺܝ ܠܰܐܒܪܳܗܳܡ ܘܠܺܐܝܣܚܳܩ ܐܶܠܳܟ̥ ܓܕܳܗ̄ܒܶܢܰܗ، ܘܒ݄ܬ̥݄ܪ ܡܶܢܳܟ̥ ܠܽܗ̄ܘ ܙܰܪܥܰܝܕ̥ܳܟ̥ ܓܕܳܗ̄ܒܶܐ ܐ̱ܢܳܐ ܗ̄ܺܝ ܐܰܪܥܳܐ.“ 13ܘܥܰܠܺܝ ܡܶܢܶܗ ܐܰܠܳܗܳܐ ܒܽܗ̄ܘ ܐܰܬ̥ܪܳܐ ܕ݄ܫܓ̥ܺܝܠ ܐܰܥܡܶܗ. 14ܘܡܰܩ݄ܡ ܠܶܗ ܝܰܥܩܽܘܒ ܩܳܝܶܡܬܳܐ ܒܽܗ̄ܘ ܐܰܬ̥ܪܳܐ ܕ݄ܫܓ̥ܺܝܠ ܐܰܥܡܶܗ، ܩܳܝܶܡܬܳܐ ܕܟܶܐܦ̈ܶܐ، ܘܪ݄ܣ ܠܶܗ ܐܰܥܠܰܗ ܬܶܪܺܝܣܳܐ (ܕܚܰܡܪܳܐ)، ܘܒ݄ܙ ܠܶܗ ܐܰܥܠܰܗ ܙܰܝܬܳܐ. 15ܘ݄ܩܪܶܐ ܠܶܗ ܝܰܥܩܽܘܒ ܐ݄ܫܡܶܗ ܕܽܗ̄ܘ ܐܰܬ̥ܪܰܘܳܐ ܕ݄ܫܓ̥ܺܝܠ ܐܰܥܡܶܗ ܐܰܠܳܗܳܐ ܬܰܡܳܐ ܒܶܝܬ̥ ܐܺܝܠ.
16ܘܡܰܛܥܰܢ ܠܶܗ ܡܶܢ̱ ܒܶܝܬ̥ ܐܺܝܠ، ܘ݄ܡܗܰܠܰܟ̥ ܠܶܗ ܠܰܐܦܪܰܬ̥، ܘܡܶܩ݄ܕ̱ܡ ܕܡܳܛܶܐ ܒܗܰܠܟ̥ܳܐ ܕܫܳܥܬܳܐ، ܡܰܘܠܰܕ ܠܰܗ ܪܳܚܶܝܠ، ܘܡܰܥܺܝܩܳܐ ܗ̄ܺܝ ܢܰܩܠܐ ܕܡܰܘܠܕܳܐ ܗ̄ܘܰܐ. 17ܘܗܰܘܺܝ ܗ̄ܺܝ ܢܰܩܠܐ ܕܡܰܥܺܝܩܳܐ، ܐܡ݄ܪ ܠܰܗ ܠܰܗ ܗ̄ܺܝ ܩܰܫܬ݄ܢܬܳܐ: ”ܠܳܐ ܙܰܝܥܰܬ ܥܰܠ ܕܗܰܢܳܐ ܣܬܶܝ ܐܰܒܪܳܐ ܝܳܐ ܐܶܠܰܟ̥.“ 18ܘܗܰܘܺܝ ܘܗܺܝّܰܗ ܥܰܠ ܗ̄ܽܘ ܡܰܘܬܳܐ ܘܢܰܦܫܰܗ ܟܢܳܦܩܳܐ، ܩܪܶܐ ܠܰܗ ܐ݄ܫܡܶܗ ”ܗ̄ܽܘ ܐܰܒܪܳܐ ܕܰܟّܶܐܒ̥ܰܝܕ̥ܺܝ.“ ܘܽܗ̄ܘ ܒܰܒܳܐ ܩܪܶܐ ܠܶܗ ”ܒܶܢܝܳܡܶܝܢ.“ 19ܘܡܰܝܺܝܬ̥ܳܐ ܪܳܚܶܝܠ ܘ݄ܩܒ̥ܺܝܪܳܐ ܒܽܗ̄ܘ ܕܰܪܒܳܐ ܕܳܐܦܪܰܬ̥ ܕܟ݄ܬ ܝܳܐ ܒܶܝܬ̥ ܠܚܶܡ 20ܘܡܰܩ݄ܡ ܠܶܗ ܝܰܥܩܽܘܒ ܩܳܝܶܡܬܳܐ ܥܰܠ ܗ̄ܽܘ ܩܰܒ̥ܪܳܐ ܕܪܳܚܶܝܠ، ܘܗܺܝّܰܗ ܝܳܐ ܗ̄ܺܝ ܩܳܝܶܡܬܳܐ ܕܪܳܚܶܝܠ ܗ݄ܠ ܠܰܐܕܝܰܘܡܰܐ.
21ܘܡܰܛܥܰܢ ܠܶܗ ܐܺܝܣܪܳܐܶܝܠ ܘܰܐܙّܶܗ ܡܶܢ̱ ܬܰܡܳܐ ܘ݄ܢܨܽܒ̥ ܠܶܗ ܗ̄ܽܘ ܡܰܫܟܢܰܝܕ̥ܶܗ ܒܽܗ̄ܘ ܡܰܓ̥݄ܕܠܳܐ ܕܓܳܕܳܪ. 22ܘܗܰܘܺܝ ܗ̄ܺܝ ܢܰܩܠܐ ܕܡܰܚ݄ܬ ܠܶܗ ܐܺܝܣܪܳܐܶܝܠ ܒܺܗ̄ܝ ܐܰܪܥܰܝܳܐ، ܐܰܙّܶܗ ܪܽܘܒܶܝܠ ܘܕܰܡ݄ܟ̥ ܥܰܡ ܒܰܠܗܳܐ ܗ̄ܺܝ ܓܪܰܥܬܳܐ ܕܽܗ̄ܘ ܒܰܒܳܐ. ܘܫܰܡ݄ܥ ܐܺܝܣܪܳܐܶܝܠ. ܘܗܰܘ݄ܢ ܐܰܒܢ̈ܶܐ ܕܝܰܥܩܽܘܒ ܬܪܰܥܣܰܪ ܗ̄ܘܰܝܢܶܝ. 23ܗ̄ܰܢ ܐܰܒܢ̈ܶܐ ܕܠܶܝܳܐ: ܗ̄ܽܘ ܒܽܘܟ̥ܪܳܐ ܕܝܰܥܩܽܘܒ ܪܽܘܒܶܝܠ ܘܫܶܡܥܽܘܢ ܘܠܶܘܺܝ ܘܺܝܗܽܘܕ̥ܳܐ ܘܺܐܝܣܳܟܳܪ ܘ݄ܙܒܳܘܠܽܘܢ. 24ܘܰܗ̄ܢ ܐܰܒܢ̈ܶܐ ܕܪܳܚܶܝܠ: ܝܰܘܣܶܦ ܘܒܶܢܝܳܡܶܝܢ. 25ܘܰܗ̄ܢ ܐܰܒܢ̈ܶܐ ܕܒܰܠܗܳܐ ܗ̄ܺܝ ܓܪܰܥܬܳܐ ܕܪܳܚܶܝܠ: ܕܳܢ ܘܢܰܦܬܳܠܺܝ. 26ܘܰܗ̄ܢ ܐܰܒܢ̈ܶܐ ܕܙܶܠܦܳܐ ܗ̄ܺܝ ܓܪܰܥܬܳܐ ܕܠܶܝܳܐ ܓܳܕ ܘܳܐܫܺܝܪ. ܗܰܢܺܝ ܢܶܝ ܗ̄ܰܢ ܐܰܒܢ̈ܶܐ ܕܝܰܥܩܽܘܒ ܕܗܰܘ݄ܢ ܠܶܗ ܒܦܳܕܳܢ ܕܳܐܪܳܡ.
27ܘܰܐܬ̥ܺܝ ܝܰܥܩܽܘܒ ܠܓܰܒ ܐܺܝܣܚܳܩ ܗ̄ܽܘ ܒܰܒܳܐ ܠܡܰܡܪܶܐ ܗ̄ܺܝ ܩܪܺܝܬ̥ܳܐ ܕܰܓّܰܒܳܪ̈ܶܐ ܕܟ݄ܬ ܝܳܐ ܚܶܒܪܽܘܢ ܕܒܺܗ̄ܝ ܐܰܪܥܳܐ ܕ݄ܟܢܰܥܢ ܕܥܰܡܺܝܪܺܝ ܗ̄ܘܰܘ̱ ܬܰܡܳܐ ܐܰܒܪܳܗܳܡ ܘܺܐܝܣܚܳܩ. 28ܘܗܰܘ݄ܢ ܗ̄ܰܝّܰܘܡ̈ܶܐ ܕܺܐܝܣܚܳܩ ܡܳܐܐ ܘ݄ܬܡܳܢܺܝ ܐ݄ܫܢ̈ܶܐ. 29ܘܟܰܝܽܒ̥ ܠܶܗ ܐܺܝܣܚܳܩ ܘܡܰܝ݄ܬ̥. ܘܡܰܛܺܝ (ܠܰܬ݄ܡ) ܓܰܒ ܗ̄ܽܘ ܥܰܡܰܝܕ̥ܶܗ. ܡܰܣܽܒ̥ ܠܶܗ ܘܣܰܒ̥݄ܥ ܡܰܢ̱ ܝّܰܘܡ̈ܳܬ̥ܰܝܕ̥ܶܗ. ܘ݄ܩܒ̥݄ܪّܶܗ ܥܺܝܣܽܘ ܘܝܰܥܩܽܘܒ ܗ̄ܰܢ ܐܰܒܢ̈ܰܝܕ̥ܶܗ ܒܽܗ̄ܘ ܩܰܒ̥ܪܳܐ ܕ݄ܙܒ̥݄ܢ ܠܶܗ ܐܰܒܪܳܗܳܡ ܗ̄ܽܘ ܒܰܒܳܐ.
Právě zvoleno:
ܣܶܦܪܳܐ ܕ݄ܒܪܺܝܬ̥ܳܐ 35: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܣܶܦܪܳܐ ܕ݄ܒܪܺܝܬ̥ܳܐ 35
35
1ܘܐܡ݄ܪ ܠܶܗ ܐܰܠܳܗܳܐ ܠܝܰܥܩܽܘܒ: ”ܩܘ̇ܡ ܣܠܰܩ ܠܒܶܝܬ̥ ܐܺܝܠ ܘܺܝܬܰܒ̥ ܬܰܡܳܐ ܘܣܘ̇ܡ ܬܰܡܳܐ ܡܰܕ̥݄ܒܚܳܐ ܠܐܺܝܠ ܕ݄ܓܠܶܐ ܐܰܥܠܳܟ̥ ܗ̄ܺܝ ܢܰܩܠܐ ܕܥܰܪܺܝܩܰܬ ܡܶܢ̱ ܩܽܘܕ̱ܡܶܗ ܕܥܺܝܣܽܘ ܐܰܚܽܘܢܳܟ̥.“ 2ܘܐܡ݄ܪ ܠܶܗ ܝܰܥܩܽܘܒ ܠܰܗ̄ܢ ܐܰܒܢ̈ܶܐ ܕܽܗ̄ܘ ܒܰܝܬܰܝܕ̥ܶܗ ܘ݄ܠܟܽܘܠّܶܗ ܕܰܐܥܡܶܗ: ”ܡܰܪܚܶܩܽܘ ܗ̄ܰܢ ܐܰܠܳܗ̈ܶܐ ܢܽܘܟ̥ܪ̈ܳܝܶܐ ܡܶܢ̱ ܒܰܝܢܳܬ̥ܰܝܟ̥ܽܘ، ܘܡܺܝܕܰܟܶܝܽܘ (ܗܘܰܝܽܘ ܕܰܟ̥ܝ̈ܶܐ) ܘ݄ܡܚܰܠܶܦܽܘ ܗ̄ܰܠܒܽܘܫ̈ܰܬ̥ܟ̥ܽܘ. 3ܘܩܽܘܡܽܘ ܕܣܳܠܩܺܝܢܰܐ ܠܒܶܝܬ̥ ܐܺܝܠ، ܘܬܰܡܳܐ ܓܣܳܝܰܡ ܐ̱ܢܳܐ ܡܰܕ̥݄ܒܚܳܐ ܠܰܐܠܳܗܳܐ ܕܡܰܕܥܰܪ ܠܶܗ ܐܰܥܠܺܝ ܒܽܗ̄ܘ ܝܰܘܡܳܐ ܕܺܗ̄ܝ ܥܺܝܩܽܘܬ̥ܰܝܕ̥ܺܝ، ܘܗܰܘܺܝ ܐܰܥܡܺܝ ܒܽܗ̄ܘ ܕܰܪܒܳܐ ܕܰܐܙّܺܝ ܐ̱ܢܳܐ.“ 4ܘܗܽܒّ̥ܶܗ ܠܝܰܥܩܽܘܒ ܟܽܘܠّܶܗ ܗ̄ܰܢ ܐܰܠܳܗ̈ܶܐ ܢܽܘܟ̥ܪ̈ܳܝܶܐ ܕܒܺܐܝܕ̥̈ܳܬ̥ܰܝّܶܗ ܘܰܡّܰܪ̈ܘܳܕ̥ܶܐ ܕܒܰܐܕ̥̈ܢܰܝّܶܗ. ܘ݄ܛܡܺܝܪܺܝ ܠܶܗ ܝܰܥܩܽܘܒ ܬܰܚܬ ܗ̄ܺܝ ܒܰܛܡܳܐ ܕܟ݄ܬ ܝܳܐ ܓܰܒ ܫܟܺܝܡ.
5ܘܡܰܛܥܰܢّܶܗ ܘܰܐܙّ݄ܢ. ܘܗܰܘܝܳܐ ܗ̄ܺܝ ܙܽܘܥܬ̥ܳܐ ܕܰܐܠܳܗܳܐ ܥܰܠ ܡܕ̥̈ܺܝܢܳܬ̥ܳܐ ܕܚܶܕ̥ܳܪܰܝّܶܗ، ܘܠܳܐ ܫܕܰܠّܶܗ ܒ݄ܬ̥ܪܶܗ ܕܝܰܥܩܽܘܒ ܘܒ݄ܬ̥ܪܶܗ ܗ̄ܰܢ ܐܰܒܢ̈ܰܝܕ̥ܶܗ. 6ܘܰܐܬ̥ܺܝ ܝܰܥܩܽܘܒ ܠܠܽܘܙ ܕܟ݄ܬ ܝܳܐ ܒܺܗ̄ܝ ܐܰܪܥܳܐ ܕ݄ܟܢܰܥܢ ܕܗܺܝّܰܗ ܝܳܐ ܒܶܝܬ̥ ܐܺܝܠ، ܗܺܝّܶܗ ܘܟܽܘܠܶܗ ܗ̄ܽܘ ܥܰܡܳܐ ܕܰܐܥܡܶܗ. 7ܘ݄ܒܢܶܐ ܠܶܗ ܬܰܡܳܐ ܡܰܕ̥݄ܒܚܳܐ ܘ݄ܩܪܶܐ ܠܶܗ ܐ݄ܫܡܶܗ ܕܽܗ̄ܘ ܐܰܬ̥ܪܰܘܳܐ ܒܶܝܬ̥ ܐܺܝܠ ܥܰܠ ܕܬܰܡܳܐ ܓܠܶܐ ܐܰܥܠܶܗ ܐܰܠܳܗܳܐ ܗ̄ܺܝ ܢܰܩܠܐ ܕܥܳܪܰܩ ܗ̄ܘܰܐ ܡܶܢ̱ ܩܽܘܕ̱ܡܶܗ ܕܥܺܝܣܽܘ ܗ̄ܽܘ ܐܰܚܽܘܢܳܐ. 8ܘܡܰܝܺܝܬ̥ܳܐ ܕܶܒܽܘܪܳܐ ܗ̄ܺܝ ܡܰܘܢܩܳܢܺܝܬ̥ܳܐ ܕܪܰܦܩܳܐ ܘ݄ܩܒ̥ܺܝܪܳܐ ܠܰܠܬܰܚ ܕܒܶܝܬ̥ ܐܺܝܠ ܬܰܚܬ ܗ̄ܺܝ ܒܰܛܡܳܐ. ܘ݄ܩܪܶܐ ܠܶܗ ܐ݄ܫܡܰܗ ܒܰܛܡܳܐ ܕܒܰܟ̥ܝܳܐ.
9ܘܢܰܩܠܐ ܚܪܶܬܳܐ ܓܠܶܐ ܐܰܠܳܗܳܐ ܥܰܠ ܝܰܥܩܽܘܒ ܒ݄ܬ̥݄ܪ ܕܰܐܬ̥ܺܝ ܡܶܢ̱ ܦܳܕܳܢ ܕܳܐܪܳܡ ܘ݄ܡܒܰܪܰܟ̥ ܠܶܗ. 10ܘܐܡ݄ܪ ܠܶܗ ܠܶܗ ܐܰܠܳܗܳܐ: ”ܠ݄ܐ ܓܡ݄ܩܪܶܐ ܐ݄ܫܡܳܟ̥ ܝܰܥܩܽܘܒ ܢܰܩܠܐ ܚܪܶܬܳܐ ܐܶܠܳܐ ܓܕܳܗ̄ܘܶܐ ܐ݄ܫܡܳܟ̥ ܐܺܝܣܪܳܐܶܝܠ. ܘ݄ܩܪܶܐ ܠܶܗ ܐ݄ܫܡܶܗ ܐܺܝܣܪܳܐܶܝܠ.“ 11ܘܐܡ݄ܪ ܠܶܗ ܠܶܗ ܐܰܠܳܗܳܐ: ”ܐܳܢܳܐ ܐ̱ܢܳܐ ܐܰܠܳܗܳܐ ܐܺܝܠܫܰܕܰܝ، ܝܺܪܰܒ̥ ܘܙܘ̇ܕ. ܥܰܡܳܐ ܘܥܰܡ̈ܶܐ ܓ̥ܰܠܰܒܶܐ ܡܶܢܳܟ̥ ܓܕܳܗ̄ܘ݄ܢ. ܘܡܰܠܟ̈ܶܐ ܡܶܢ̱ ܚܰܨܳܟ̥ ܓܢܳܦܩܺܝ. 12ܘܺܗ̄ܝ ܐܰܪܥܳܐ ܕܺܝܡܶܐ ܠܺܝ ܠܰܐܒܪܳܗܳܡ ܘܠܺܐܝܣܚܳܩ ܐܶܠܳܟ̥ ܓܕܳܗ̄ܒܶܢܰܗ، ܘܒ݄ܬ̥݄ܪ ܡܶܢܳܟ̥ ܠܽܗ̄ܘ ܙܰܪܥܰܝܕ̥ܳܟ̥ ܓܕܳܗ̄ܒܶܐ ܐ̱ܢܳܐ ܗ̄ܺܝ ܐܰܪܥܳܐ.“ 13ܘܥܰܠܺܝ ܡܶܢܶܗ ܐܰܠܳܗܳܐ ܒܽܗ̄ܘ ܐܰܬ̥ܪܳܐ ܕ݄ܫܓ̥ܺܝܠ ܐܰܥܡܶܗ. 14ܘܡܰܩ݄ܡ ܠܶܗ ܝܰܥܩܽܘܒ ܩܳܝܶܡܬܳܐ ܒܽܗ̄ܘ ܐܰܬ̥ܪܳܐ ܕ݄ܫܓ̥ܺܝܠ ܐܰܥܡܶܗ، ܩܳܝܶܡܬܳܐ ܕܟܶܐܦ̈ܶܐ، ܘܪ݄ܣ ܠܶܗ ܐܰܥܠܰܗ ܬܶܪܺܝܣܳܐ (ܕܚܰܡܪܳܐ)، ܘܒ݄ܙ ܠܶܗ ܐܰܥܠܰܗ ܙܰܝܬܳܐ. 15ܘ݄ܩܪܶܐ ܠܶܗ ܝܰܥܩܽܘܒ ܐ݄ܫܡܶܗ ܕܽܗ̄ܘ ܐܰܬ̥ܪܰܘܳܐ ܕ݄ܫܓ̥ܺܝܠ ܐܰܥܡܶܗ ܐܰܠܳܗܳܐ ܬܰܡܳܐ ܒܶܝܬ̥ ܐܺܝܠ.
16ܘܡܰܛܥܰܢ ܠܶܗ ܡܶܢ̱ ܒܶܝܬ̥ ܐܺܝܠ، ܘ݄ܡܗܰܠܰܟ̥ ܠܶܗ ܠܰܐܦܪܰܬ̥، ܘܡܶܩ݄ܕ̱ܡ ܕܡܳܛܶܐ ܒܗܰܠܟ̥ܳܐ ܕܫܳܥܬܳܐ، ܡܰܘܠܰܕ ܠܰܗ ܪܳܚܶܝܠ، ܘܡܰܥܺܝܩܳܐ ܗ̄ܺܝ ܢܰܩܠܐ ܕܡܰܘܠܕܳܐ ܗ̄ܘܰܐ. 17ܘܗܰܘܺܝ ܗ̄ܺܝ ܢܰܩܠܐ ܕܡܰܥܺܝܩܳܐ، ܐܡ݄ܪ ܠܰܗ ܠܰܗ ܗ̄ܺܝ ܩܰܫܬ݄ܢܬܳܐ: ”ܠܳܐ ܙܰܝܥܰܬ ܥܰܠ ܕܗܰܢܳܐ ܣܬܶܝ ܐܰܒܪܳܐ ܝܳܐ ܐܶܠܰܟ̥.“ 18ܘܗܰܘܺܝ ܘܗܺܝّܰܗ ܥܰܠ ܗ̄ܽܘ ܡܰܘܬܳܐ ܘܢܰܦܫܰܗ ܟܢܳܦܩܳܐ، ܩܪܶܐ ܠܰܗ ܐ݄ܫܡܶܗ ”ܗ̄ܽܘ ܐܰܒܪܳܐ ܕܰܟّܶܐܒ̥ܰܝܕ̥ܺܝ.“ ܘܽܗ̄ܘ ܒܰܒܳܐ ܩܪܶܐ ܠܶܗ ”ܒܶܢܝܳܡܶܝܢ.“ 19ܘܡܰܝܺܝܬ̥ܳܐ ܪܳܚܶܝܠ ܘ݄ܩܒ̥ܺܝܪܳܐ ܒܽܗ̄ܘ ܕܰܪܒܳܐ ܕܳܐܦܪܰܬ̥ ܕܟ݄ܬ ܝܳܐ ܒܶܝܬ̥ ܠܚܶܡ 20ܘܡܰܩ݄ܡ ܠܶܗ ܝܰܥܩܽܘܒ ܩܳܝܶܡܬܳܐ ܥܰܠ ܗ̄ܽܘ ܩܰܒ̥ܪܳܐ ܕܪܳܚܶܝܠ، ܘܗܺܝّܰܗ ܝܳܐ ܗ̄ܺܝ ܩܳܝܶܡܬܳܐ ܕܪܳܚܶܝܠ ܗ݄ܠ ܠܰܐܕܝܰܘܡܰܐ.
21ܘܡܰܛܥܰܢ ܠܶܗ ܐܺܝܣܪܳܐܶܝܠ ܘܰܐܙّܶܗ ܡܶܢ̱ ܬܰܡܳܐ ܘ݄ܢܨܽܒ̥ ܠܶܗ ܗ̄ܽܘ ܡܰܫܟܢܰܝܕ̥ܶܗ ܒܽܗ̄ܘ ܡܰܓ̥݄ܕܠܳܐ ܕܓܳܕܳܪ. 22ܘܗܰܘܺܝ ܗ̄ܺܝ ܢܰܩܠܐ ܕܡܰܚ݄ܬ ܠܶܗ ܐܺܝܣܪܳܐܶܝܠ ܒܺܗ̄ܝ ܐܰܪܥܰܝܳܐ، ܐܰܙّܶܗ ܪܽܘܒܶܝܠ ܘܕܰܡ݄ܟ̥ ܥܰܡ ܒܰܠܗܳܐ ܗ̄ܺܝ ܓܪܰܥܬܳܐ ܕܽܗ̄ܘ ܒܰܒܳܐ. ܘܫܰܡ݄ܥ ܐܺܝܣܪܳܐܶܝܠ. ܘܗܰܘ݄ܢ ܐܰܒܢ̈ܶܐ ܕܝܰܥܩܽܘܒ ܬܪܰܥܣܰܪ ܗ̄ܘܰܝܢܶܝ. 23ܗ̄ܰܢ ܐܰܒܢ̈ܶܐ ܕܠܶܝܳܐ: ܗ̄ܽܘ ܒܽܘܟ̥ܪܳܐ ܕܝܰܥܩܽܘܒ ܪܽܘܒܶܝܠ ܘܫܶܡܥܽܘܢ ܘܠܶܘܺܝ ܘܺܝܗܽܘܕ̥ܳܐ ܘܺܐܝܣܳܟܳܪ ܘ݄ܙܒܳܘܠܽܘܢ. 24ܘܰܗ̄ܢ ܐܰܒܢ̈ܶܐ ܕܪܳܚܶܝܠ: ܝܰܘܣܶܦ ܘܒܶܢܝܳܡܶܝܢ. 25ܘܰܗ̄ܢ ܐܰܒܢ̈ܶܐ ܕܒܰܠܗܳܐ ܗ̄ܺܝ ܓܪܰܥܬܳܐ ܕܪܳܚܶܝܠ: ܕܳܢ ܘܢܰܦܬܳܠܺܝ. 26ܘܰܗ̄ܢ ܐܰܒܢ̈ܶܐ ܕܙܶܠܦܳܐ ܗ̄ܺܝ ܓܪܰܥܬܳܐ ܕܠܶܝܳܐ ܓܳܕ ܘܳܐܫܺܝܪ. ܗܰܢܺܝ ܢܶܝ ܗ̄ܰܢ ܐܰܒܢ̈ܶܐ ܕܝܰܥܩܽܘܒ ܕܗܰܘ݄ܢ ܠܶܗ ܒܦܳܕܳܢ ܕܳܐܪܳܡ.
27ܘܰܐܬ̥ܺܝ ܝܰܥܩܽܘܒ ܠܓܰܒ ܐܺܝܣܚܳܩ ܗ̄ܽܘ ܒܰܒܳܐ ܠܡܰܡܪܶܐ ܗ̄ܺܝ ܩܪܺܝܬ̥ܳܐ ܕܰܓّܰܒܳܪ̈ܶܐ ܕܟ݄ܬ ܝܳܐ ܚܶܒܪܽܘܢ ܕܒܺܗ̄ܝ ܐܰܪܥܳܐ ܕ݄ܟܢܰܥܢ ܕܥܰܡܺܝܪܺܝ ܗ̄ܘܰܘ̱ ܬܰܡܳܐ ܐܰܒܪܳܗܳܡ ܘܺܐܝܣܚܳܩ. 28ܘܗܰܘ݄ܢ ܗ̄ܰܝّܰܘܡ̈ܶܐ ܕܺܐܝܣܚܳܩ ܡܳܐܐ ܘ݄ܬܡܳܢܺܝ ܐ݄ܫܢ̈ܶܐ. 29ܘܟܰܝܽܒ̥ ܠܶܗ ܐܺܝܣܚܳܩ ܘܡܰܝ݄ܬ̥. ܘܡܰܛܺܝ (ܠܰܬ݄ܡ) ܓܰܒ ܗ̄ܽܘ ܥܰܡܰܝܕ̥ܶܗ. ܡܰܣܽܒ̥ ܠܶܗ ܘܣܰܒ̥݄ܥ ܡܰܢ̱ ܝّܰܘܡ̈ܳܬ̥ܰܝܕ̥ܶܗ. ܘ݄ܩܒ̥݄ܪّܶܗ ܥܺܝܣܽܘ ܘܝܰܥܩܽܘܒ ܗ̄ܰܢ ܐܰܒܢ̈ܰܝܕ̥ܶܗ ܒܽܗ̄ܘ ܩܰܒ̥ܪܳܐ ܕ݄ܙܒ̥݄ܢ ܠܶܗ ܐܰܒܪܳܗܳܡ ܗ̄ܽܘ ܒܰܒܳܐ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation