San Marcos 3
3
Shuk kari chakirishka makiyu
(Mt 12.9-14; Lc 6.6-11)
1Jesuska kutikashka yaykurka chay tantarina wasipi. Chaypi tinkunakurka shuk kari chakirishka makiyuwa. 2Shukkuna kuyrapayanahun, rikunankunapa anpinkachu chay karita manachu chay samana puncha chasna atipanankunapa rimakrinankunapa.
3Jesuska rimarka chay kari chakirishka makiyuta: “Atari, chawpipi shayariy”.
4Chay shukkunata tapurka: “¿Imataya kan rurananchipa kay samana punchapika? ¿Ali kashkatachu, mana kashpaka millaypatachu? ¿Kishpichinapachu shuk kawsayta, mana kashpaka wañuchinapachu?” Paykunaka kiparirkakuna chunlla. 5Jesuska paykunata rikushpan piñaywa, llakirirka shunkunkunaka sinchiyarishka kahuskanrayku. Chaypiña rimarka chay karita: “Chutachi makikita”. Chay karika chutachirka, chasna makinka kiparirka anpirishka. 6Chay ratulla fariseokunaka llukshishpankuna kallarirkakuna kwintanata herodianukunawa Jesusta wañuchinankunapa.
Achka runakuna tantarirkakuna kucha mayanpi
7Jesuska anchurirka disipulunkunawa pakta kucha mayanpi. Chaypi achka runakuna Galileamanta chaymanta Judeamantapas payta katirkakuna 8yachashpankuna tukuy rurahushkanmanta. Tantarirkakuna payma achka runakuna Jerusalenmanta Idumeamanta Jordan chinpamantapas, chasna tukuy uchilla llakta Tiromantapas, Sidonmantapas.
9Achka runakuna ranti, mana munashpan nitinakunankunapa, Jesuska tapurka disipulunkunata wakaychanankunapa shuk botita suma alicharishkata. 10Anpishkan ranti achka runakunata, tukuy maykankunami kahurkakuna chikan unkuyukunawa munapayanahun llankanata, chaymanta paypa awanpi saltarkakuna. 11Payta rikushpankuna chay mana ali espiritukunaka puntanpi kunkurirkakuna. Chaypi kaparishpa rimarkakuna: “¡Kanmi kanki Diospa Wawan!” 12Chasna kaparishpankuna Jesuska kamachishpan rimarka nima pita rimanankunapa pimi pay kashkanta.
Jesuska chunka ishkay apostulninkunata akllarka
(Mt 10.1-4; Lc 6.12-16)
13Chay washa Jesuska lumama sikashpan kayarka maykankunatami pay munarka. Chaypi paykunaka paywa tantarirkakuna. 14Chay chunka ishkay paykunamanta akllarka paywa kanankunapa, chasna paykunata kachananpa yachachikrinankunapa. 15Chaymanta paykunata kurka poderta supaykunata wichunankunapa. 16Chay chunka ishkaykunaka karkakuna: Simón, paytami Jesuska shutiyachirka “Pedro”; 17shukka Jacobo, wawkin Juan, Zebedeopa wawankuna. Maykankunatami shutiyachirka “Boanerges” nishpa, chayka ninayan: “Rayupa wawankuna”; 18shukkunaka Andrés, Felipe, Bartolomé, Mateo, Alfeopa wawan Jacobo, Tadeo, Simón “kananista” nishka, 19chaymanta Judas Iskariote, maykanmi Jesusta apichichirka.
Millaypata rimana Espíritu Santuta
(Mt 12.22-32; Lc 11.14-23; 12.10)
20Chaymanta Jesuska yaykurka shuk wasipi, kutikashka mushumanta tantarirkakuna achka runakuna. Chayrayku nima mikunata atiparkakunachu pay, chaymanta disipulunkunapas. 21Yachashpankuna Jesuspa ayllunkunaka, rirkakuna payta apakrinankunapa. Paykunapura yuyarirkakuna “muspachari tukushka” nishpa.
22Chaymantapas Moisespa killkashkanta yachachikkunaka shamushpankuna Jerusalenmanta rimarkakuna: “Kaytaka kamachihun Beelsebú. Chayrayku llukshichihun supaykunata chay supaykunapa apunpa poderninwa”.
23Chaypiña Jesuska paykunata kayarka. Mana asirtaypa yachachinakunawa rimarka: “¿Imashnata Satanaska llukshichima Satanas masintaka? 24Shuk llakta shikwarinakushpankunaka paykuna pura, chasnaka manami atipanahumachu kawsanata. 25Chasnallatata shuk wasipas shikwanakushpanka paykuna pura, chasnaka mana atipanchu kushilla kawsanata. 26Chasnallatatami Satanaspas piñanakushpankuna paykunapura shikwanakunahuma, chasnaka mana atipanahumachu kawsanata. Chaypi tukurinanña paktarima.
27Rikuychi, nima pi atipanchu yaykunata shuk sinchi karipa wasinpi shuwananpa imankunata, manarapas puntiru watashpanka. Chasna sumakta watashpanrami atipama shuwanata.
28Kankunata shutipata rimani, Yaya Dioska llakichinkami kankunata tukuy uchankunamanta chaymantapas tukuy mana ali rimashkaykichimantapas Yaya Diosmanta. 29Maykanchari riman millaypa shimita Espiritu Santumanta chaytaka manami llakichinkachu, ashwan payka kiparinka uchayu wiñayparayku”.
30Kayta rimarka Jesuska paykunata yachashpan “mana ali espirituyu” nishpa rimahuskankunarayku.
Jesuspa maman, wawkinkunapas
(Mt 12.46-50; Lc 8.19-21)
31Chasnallapi, paktamurkakuna Jesuspa maman wawkinkunapas. Chasna paktamushpankunapas kiparirkakuna kanchallapi, chaypi kacharkakuna shuk runata kayakrinankunapa. 32Jesuspa kuchunpi tiyahukkunaka payta rimarkakuna: “Mamayki, wawkikikuna, panikikunapas kahunkuna kanchapi kanta maskahunkuna”.
33Chaypi Jesuska aynirka: “¿Pikunataya kanahun mamaynika wawkinikunapas?”
34Rikushpan maykankunami tiyahurkakuna muyukta paypa kuchunpi, paykunata rimarka: “Mamayni wawkinikunapas kaypimi kahunkuna. 35Tukuy maykankunami ruranahun Yaya Diospa munashkanta, paykunami kanahun wawkinikuna, paninikuna, chaymanta mamayni”.
Právě zvoleno:
San Marcos 3: QUP_B
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 AIDIA
© 2025 Seed Company
San Marcos 3
3
Shuk kari chakirishka makiyu
(Mt 12.9-14; Lc 6.6-11)
1Jesuska kutikashka yaykurka chay tantarina wasipi. Chaypi tinkunakurka shuk kari chakirishka makiyuwa. 2Shukkuna kuyrapayanahun, rikunankunapa anpinkachu chay karita manachu chay samana puncha chasna atipanankunapa rimakrinankunapa.
3Jesuska rimarka chay kari chakirishka makiyuta: “Atari, chawpipi shayariy”.
4Chay shukkunata tapurka: “¿Imataya kan rurananchipa kay samana punchapika? ¿Ali kashkatachu, mana kashpaka millaypatachu? ¿Kishpichinapachu shuk kawsayta, mana kashpaka wañuchinapachu?” Paykunaka kiparirkakuna chunlla. 5Jesuska paykunata rikushpan piñaywa, llakirirka shunkunkunaka sinchiyarishka kahuskanrayku. Chaypiña rimarka chay karita: “Chutachi makikita”. Chay karika chutachirka, chasna makinka kiparirka anpirishka. 6Chay ratulla fariseokunaka llukshishpankuna kallarirkakuna kwintanata herodianukunawa Jesusta wañuchinankunapa.
Achka runakuna tantarirkakuna kucha mayanpi
7Jesuska anchurirka disipulunkunawa pakta kucha mayanpi. Chaypi achka runakuna Galileamanta chaymanta Judeamantapas payta katirkakuna 8yachashpankuna tukuy rurahushkanmanta. Tantarirkakuna payma achka runakuna Jerusalenmanta Idumeamanta Jordan chinpamantapas, chasna tukuy uchilla llakta Tiromantapas, Sidonmantapas.
9Achka runakuna ranti, mana munashpan nitinakunankunapa, Jesuska tapurka disipulunkunata wakaychanankunapa shuk botita suma alicharishkata. 10Anpishkan ranti achka runakunata, tukuy maykankunami kahurkakuna chikan unkuyukunawa munapayanahun llankanata, chaymanta paypa awanpi saltarkakuna. 11Payta rikushpankuna chay mana ali espiritukunaka puntanpi kunkurirkakuna. Chaypi kaparishpa rimarkakuna: “¡Kanmi kanki Diospa Wawan!” 12Chasna kaparishpankuna Jesuska kamachishpan rimarka nima pita rimanankunapa pimi pay kashkanta.
Jesuska chunka ishkay apostulninkunata akllarka
(Mt 10.1-4; Lc 6.12-16)
13Chay washa Jesuska lumama sikashpan kayarka maykankunatami pay munarka. Chaypi paykunaka paywa tantarirkakuna. 14Chay chunka ishkay paykunamanta akllarka paywa kanankunapa, chasna paykunata kachananpa yachachikrinankunapa. 15Chaymanta paykunata kurka poderta supaykunata wichunankunapa. 16Chay chunka ishkaykunaka karkakuna: Simón, paytami Jesuska shutiyachirka “Pedro”; 17shukka Jacobo, wawkin Juan, Zebedeopa wawankuna. Maykankunatami shutiyachirka “Boanerges” nishpa, chayka ninayan: “Rayupa wawankuna”; 18shukkunaka Andrés, Felipe, Bartolomé, Mateo, Alfeopa wawan Jacobo, Tadeo, Simón “kananista” nishka, 19chaymanta Judas Iskariote, maykanmi Jesusta apichichirka.
Millaypata rimana Espíritu Santuta
(Mt 12.22-32; Lc 11.14-23; 12.10)
20Chaymanta Jesuska yaykurka shuk wasipi, kutikashka mushumanta tantarirkakuna achka runakuna. Chayrayku nima mikunata atiparkakunachu pay, chaymanta disipulunkunapas. 21Yachashpankuna Jesuspa ayllunkunaka, rirkakuna payta apakrinankunapa. Paykunapura yuyarirkakuna “muspachari tukushka” nishpa.
22Chaymantapas Moisespa killkashkanta yachachikkunaka shamushpankuna Jerusalenmanta rimarkakuna: “Kaytaka kamachihun Beelsebú. Chayrayku llukshichihun supaykunata chay supaykunapa apunpa poderninwa”.
23Chaypiña Jesuska paykunata kayarka. Mana asirtaypa yachachinakunawa rimarka: “¿Imashnata Satanaska llukshichima Satanas masintaka? 24Shuk llakta shikwarinakushpankunaka paykuna pura, chasnaka manami atipanahumachu kawsanata. 25Chasnallatata shuk wasipas shikwanakushpanka paykuna pura, chasnaka mana atipanchu kushilla kawsanata. 26Chasnallatatami Satanaspas piñanakushpankuna paykunapura shikwanakunahuma, chasnaka mana atipanahumachu kawsanata. Chaypi tukurinanña paktarima.
27Rikuychi, nima pi atipanchu yaykunata shuk sinchi karipa wasinpi shuwananpa imankunata, manarapas puntiru watashpanka. Chasna sumakta watashpanrami atipama shuwanata.
28Kankunata shutipata rimani, Yaya Dioska llakichinkami kankunata tukuy uchankunamanta chaymantapas tukuy mana ali rimashkaykichimantapas Yaya Diosmanta. 29Maykanchari riman millaypa shimita Espiritu Santumanta chaytaka manami llakichinkachu, ashwan payka kiparinka uchayu wiñayparayku”.
30Kayta rimarka Jesuska paykunata yachashpan “mana ali espirituyu” nishpa rimahuskankunarayku.
Jesuspa maman, wawkinkunapas
(Mt 12.46-50; Lc 8.19-21)
31Chasnallapi, paktamurkakuna Jesuspa maman wawkinkunapas. Chasna paktamushpankunapas kiparirkakuna kanchallapi, chaypi kacharkakuna shuk runata kayakrinankunapa. 32Jesuspa kuchunpi tiyahukkunaka payta rimarkakuna: “Mamayki, wawkikikuna, panikikunapas kahunkuna kanchapi kanta maskahunkuna”.
33Chaypi Jesuska aynirka: “¿Pikunataya kanahun mamaynika wawkinikunapas?”
34Rikushpan maykankunami tiyahurkakuna muyukta paypa kuchunpi, paykunata rimarka: “Mamayni wawkinikunapas kaypimi kahunkuna. 35Tukuy maykankunami ruranahun Yaya Diospa munashkanta, paykunami kanahun wawkinikuna, paninikuna, chaymanta mamayni”.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 AIDIA
© 2025 Seed Company