Kênh Kaar 25
25
Phao-lô di mat Phê-tu
1Pei nar di kươi kươt maanh top tơt khêêt nggoor, Phê-tu a Sê-sa-rê han hao Jê-ru-sa-lem. 2Tu nei, bơl yau thwaai ndap ttơơm u nhi liêu troong Jo-thai pnđing Phao-lô di mat bu, 3dan ay lơh 'bun aan jưn Phao-lô plơq siq Jê-ru-sa-lem; đươm bu êch ta miat lưm Phao-lô rgoq troong. 4Dôh Phê-tu ơh laah Phao-lô plah dol groon tu Sê-sa-rê u nơơm bu a kươi gway plơq siq a nei. 5Phê-tu mor ndih: “Bei nei, bơl bnih liêu troong bơl 'bei ri phrui jưr n'hai hei; mơq bnih nei geh dôih ơơn nei khang pnđing.”
6Phê-tu gôq a kươi n'hai bu tơmlai phaam paich jmơt nar ja nei han jur Sê-sa-rê; nar a ôi, bu gôq tu ktôk pơrkat dôih u maanh liêu Phao-lô mưt. 7Phao-lô mhei lôh nei bơl bnih Jo-thai a Jê-ru-sa-lem jưr, kum rlum bu u nhôq ơk baak pnđing jjơk mơt jah kơt dôih bu, dôh 'bưn ndơơp sot kươt ndraanh ơơn leq. 8Phao-lô koh roong êêng: “Hei 'bưn lơh ntil ơơn ta wal kươi ch'bap bnih Jo-thai, paich ta wal kươi nhi r'bưn, paich ta wal Sê-sa ơơm.” 9Dôh Phê-tu êch kươt chưt bơl raih Jo-thai mơ ôp Phao-lô: “Bi geh êch hao Jê-ru-sa-lem jah hei pơrkat teq u pal pnđing kơt au 'bưn?” 10Phao-lô ơh: “Hei plah ta yoong a bôôk ktôk pơrkat Sê-sa ri laa ktôk hei phrui dol pơrkat; đươm hei 'bưn geh dôih ơơn n'hai bnih Jo-thai laang, bei ay ja gưt srlah. 11Mơq ngan hei geh dôih paich tih ntil ơơn dip jah chhưt, hei 'bưn dan krôih chhưt laang; mat baah kươi, mơq bu 'bưn geh ndraanh ơơn jah kơt dôih hei nei 'bưn 'bơơn kươt ndơơp hei aan bu. Hei jjuh leh tơt Sê-sa.” 12Di kươi pơrgênh n'hai bơl mbơh chau, Phê-tu ơh: “Ay ja pnđing teq u Sê-sa, nei ay jap a kươi lôh a mơp Sê-sa.”
Phao-lô di mat Ak-rip-pa
13Pal nar kươi, snđach Ak-rip-pa u yau ur Bê-rê-nit lôh Sê-sa-rê jah chah Phê-tu. 14Đươm bu gôq a kươi nei ơk nar, mơ Phê-tu pơih baak phao-lô tơmbơh n'hai snđach, mor laah: “A au geh di mbu bah khaam pa yau tông Phê-lit ja lpơi. 15Plah hei lôh Jê-ru-sa-lem, bơl yau thwaai ndap ttơơm u bơl raanh ttơơm raih Jo-thai kơt dôih bu nei u rơ maanh hei pơrkat. 16Hei ơh bu laah bnih Rô-ma 'bưn geh rnđơơih jưn ndơơp mbu bnih pnđing di mat bnih nei geh rhơi ta glơm mat n'hai pal pnđing ơơm jah koh roong teq u baak kơt dôih ta wal kươi nơơm. 17Nei mơ, tơt bu lôh u đau, jah khơơm saap nar khay, hei klôônh ta jưm mlưm nar a ôi u maanh liêu bnih nei lôh. 18Bơl pnđing ơơm kot ta yoong a bôôk yau pơrkat, dôh 'bưn geh pnđing kơt kươt di dôih ơơn bei hei kơn ơơn. 19Bu dơơn ta tau teq u pal ntil knông baak jơ êêng bu ri u teq u di mbu Jê-sus ơơn nei ja chhưt, dôh bah Phao-lô au jap juôn laa nha rêh. 20Đươm ndah gưt phrui rwach bei êch teq u pal baak kaar nei, mơ hei ôp Phao-lô geh êch han tơt Jê-ru-sa-lem jah kươt pơrkat teq u kaar au tu nei 'bưn. 21Dôh tơt Phao-lô pnđing, dan kươt kaar au aan snđach pơrkat nei hei maanh groon bu nei aan tơt jơl jưn ndơơp aan Sê-sa.” 22Ak-rip-pa mor n'hai Phê-tu: “Nơơm hei kot êch iat bnih nei.” Phê-tu ơh: “Ôi m'ơơn snđach a kươi ttang.”
23Bei nei, nar a ôi, snđach Ak-rip-pa n'hai Bê-rê-nit lôh di ndroong mhưn mhưn, mưt u lwing pơrkat pôl n'hai bơl nơơm kan lênh u bơl bnih liêu troong knông poh. Phê-tu maanh liêu Phao-lô lôh. 24Phê-tu mor: “Mbơh snđach Ak-rip-pa u leq sêch bơl gơay geh mat tu au: Bơl gơay kot sau bnih au laa bnih pa leq phung raih Jo-thai tu Jê-ru-sa-lem kot bei a au jjuh leh hei u hao troh laah 'bưn kươt teq aan bu rêh hôm. 25Dôh hei sau bu nei 'bưn lơh ntil ơơn dip jah dôih chhưt; đươm nơơm bu nei kot ja pnđing kaar au teq u Sê-sa mơ hei ja rwach jưn ndơơp bnih nei lôh u nei. 26Dôh đươm hei 'bưn geh ntil ơơn ngan kaar jah mbơh teq u snđach mơ liêu bnih nei lôh di mat bơl gơay, huôih leq laa di mat snđach Ak-rip-pa, jah di kươi luôih ôp trach, hei geh nak bal baah 'bian plơơp mbơh. 27Đươm hei tak gênh jưn di mbu bnih gôq khaam baah 'bưn mor srlah dôih nei ngan laa 'bưn ntil.”
Právě zvoleno:
Kênh Kaar 25: SBL2024
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.
Kênh Kaar 25
25
Phao-lô di mat Phê-tu
1Pei nar di kươi kươt maanh top tơt khêêt nggoor, Phê-tu a Sê-sa-rê han hao Jê-ru-sa-lem. 2Tu nei, bơl yau thwaai ndap ttơơm u nhi liêu troong Jo-thai pnđing Phao-lô di mat bu, 3dan ay lơh 'bun aan jưn Phao-lô plơq siq Jê-ru-sa-lem; đươm bu êch ta miat lưm Phao-lô rgoq troong. 4Dôh Phê-tu ơh laah Phao-lô plah dol groon tu Sê-sa-rê u nơơm bu a kươi gway plơq siq a nei. 5Phê-tu mor ndih: “Bei nei, bơl bnih liêu troong bơl 'bei ri phrui jưr n'hai hei; mơq bnih nei geh dôih ơơn nei khang pnđing.”
6Phê-tu gôq a kươi n'hai bu tơmlai phaam paich jmơt nar ja nei han jur Sê-sa-rê; nar a ôi, bu gôq tu ktôk pơrkat dôih u maanh liêu Phao-lô mưt. 7Phao-lô mhei lôh nei bơl bnih Jo-thai a Jê-ru-sa-lem jưr, kum rlum bu u nhôq ơk baak pnđing jjơk mơt jah kơt dôih bu, dôh 'bưn ndơơp sot kươt ndraanh ơơn leq. 8Phao-lô koh roong êêng: “Hei 'bưn lơh ntil ơơn ta wal kươi ch'bap bnih Jo-thai, paich ta wal kươi nhi r'bưn, paich ta wal Sê-sa ơơm.” 9Dôh Phê-tu êch kươt chưt bơl raih Jo-thai mơ ôp Phao-lô: “Bi geh êch hao Jê-ru-sa-lem jah hei pơrkat teq u pal pnđing kơt au 'bưn?” 10Phao-lô ơh: “Hei plah ta yoong a bôôk ktôk pơrkat Sê-sa ri laa ktôk hei phrui dol pơrkat; đươm hei 'bưn geh dôih ơơn n'hai bnih Jo-thai laang, bei ay ja gưt srlah. 11Mơq ngan hei geh dôih paich tih ntil ơơn dip jah chhưt, hei 'bưn dan krôih chhưt laang; mat baah kươi, mơq bu 'bưn geh ndraanh ơơn jah kơt dôih hei nei 'bưn 'bơơn kươt ndơơp hei aan bu. Hei jjuh leh tơt Sê-sa.” 12Di kươi pơrgênh n'hai bơl mbơh chau, Phê-tu ơh: “Ay ja pnđing teq u Sê-sa, nei ay jap a kươi lôh a mơp Sê-sa.”
Phao-lô di mat Ak-rip-pa
13Pal nar kươi, snđach Ak-rip-pa u yau ur Bê-rê-nit lôh Sê-sa-rê jah chah Phê-tu. 14Đươm bu gôq a kươi nei ơk nar, mơ Phê-tu pơih baak phao-lô tơmbơh n'hai snđach, mor laah: “A au geh di mbu bah khaam pa yau tông Phê-lit ja lpơi. 15Plah hei lôh Jê-ru-sa-lem, bơl yau thwaai ndap ttơơm u bơl raanh ttơơm raih Jo-thai kơt dôih bu nei u rơ maanh hei pơrkat. 16Hei ơh bu laah bnih Rô-ma 'bưn geh rnđơơih jưn ndơơp mbu bnih pnđing di mat bnih nei geh rhơi ta glơm mat n'hai pal pnđing ơơm jah koh roong teq u baak kơt dôih ta wal kươi nơơm. 17Nei mơ, tơt bu lôh u đau, jah khơơm saap nar khay, hei klôônh ta jưm mlưm nar a ôi u maanh liêu bnih nei lôh. 18Bơl pnđing ơơm kot ta yoong a bôôk yau pơrkat, dôh 'bưn geh pnđing kơt kươt di dôih ơơn bei hei kơn ơơn. 19Bu dơơn ta tau teq u pal ntil knông baak jơ êêng bu ri u teq u di mbu Jê-sus ơơn nei ja chhưt, dôh bah Phao-lô au jap juôn laa nha rêh. 20Đươm ndah gưt phrui rwach bei êch teq u pal baak kaar nei, mơ hei ôp Phao-lô geh êch han tơt Jê-ru-sa-lem jah kươt pơrkat teq u kaar au tu nei 'bưn. 21Dôh tơt Phao-lô pnđing, dan kươt kaar au aan snđach pơrkat nei hei maanh groon bu nei aan tơt jơl jưn ndơơp aan Sê-sa.” 22Ak-rip-pa mor n'hai Phê-tu: “Nơơm hei kot êch iat bnih nei.” Phê-tu ơh: “Ôi m'ơơn snđach a kươi ttang.”
23Bei nei, nar a ôi, snđach Ak-rip-pa n'hai Bê-rê-nit lôh di ndroong mhưn mhưn, mưt u lwing pơrkat pôl n'hai bơl nơơm kan lênh u bơl bnih liêu troong knông poh. Phê-tu maanh liêu Phao-lô lôh. 24Phê-tu mor: “Mbơh snđach Ak-rip-pa u leq sêch bơl gơay geh mat tu au: Bơl gơay kot sau bnih au laa bnih pa leq phung raih Jo-thai tu Jê-ru-sa-lem kot bei a au jjuh leh hei u hao troh laah 'bưn kươt teq aan bu rêh hôm. 25Dôh hei sau bu nei 'bưn lơh ntil ơơn dip jah dôih chhưt; đươm nơơm bu nei kot ja pnđing kaar au teq u Sê-sa mơ hei ja rwach jưn ndơơp bnih nei lôh u nei. 26Dôh đươm hei 'bưn geh ntil ơơn ngan kaar jah mbơh teq u snđach mơ liêu bnih nei lôh di mat bơl gơay, huôih leq laa di mat snđach Ak-rip-pa, jah di kươi luôih ôp trach, hei geh nak bal baah 'bian plơơp mbơh. 27Đươm hei tak gênh jưn di mbu bnih gôq khaam baah 'bưn mor srlah dôih nei ngan laa 'bưn ntil.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.