Kênh Kaar 24
24
Phao-lô di mat yau tông Phê-lit
1Pram nar kươi, Yau thwaai ttơơm A-na-nia han jur Sê-sa-rê pôl n'hai bơl raanh ttơơm u mbu yau gưt ch'bap chôôl Tet-tu-lu jah pnđing Phao-lô di mat yau tông. 2Tơt Phao-lô ja kươt khuôl mưt, Tet-tu-lu ptơơm pnđing bei au:
3“Ơi ay yau tông Phê-lit! Chkhưm 'bun yau tông baah n'au 'bau bơl hei kươt dơơn broh sroong; chkhôm baak jhai rpech ay ri baah ơk baak tơh mhei ja kươt lơh tênh aan raih bal au. A êch n'hai khal êch, bơl hei kot wơơt pơih pal ntil nei u chưt tak or njru. 4Dôh jah khơơm lơh tơmbool ông tông dơq hôm, hei dan ay pơih chưt ơt ơl baah iat baak tơmbơh gleh lnhơnh bơl hei ri: 5Ngan bei nei, bơl hei ja a mơp bnih au bei laa griêng praach r'bal, ja rook pơrsup knông kluung bnih Jo-thai lơ jôm play teh u laa noor bôôk thap Na-sa-ret ri. 6Bu kot ja lơh jrơơk jrơơm nhi r'bưn mơ bơl hei ja nhôp bu, [u bơl hei êch pơrkat bu tênh ch'bap bơl hei. 7Dôh nơơm kan lênh Li-si-a lôh, nhôp bu rlach ti bơl hei ndroong đơơk đaak u maanh aan bơl pnđing ơơm phrui lôh a mơp ông tông.]#24:6-7 [u bơl hei... lôh a mơp ông tông.]: Knông m'baak plơơp 'bian ti 'bưn geh pal sêr au. 8Dan nơơm ay phrui ôp rngach bu jah awap gưt jôm ntil baah bơl hei pnđing.” 9Bơl bnih Jo-thai kot pôl chưt n'hai baak pnđing kơt u jap ngan dip bei nei.
10Tơt yau tông wak ti maanh Phao-lô mor, bu ơh: “Hei gưt ay lơh nơơm pơrkat knông nggoor au u jook snam mơ hei broh s'bai koh roong êêng a bôôk mat ay. 11Bei ay ja gưt, hei hao Jê-ru-sa-lem jah chuh th'bưn ndah kươt jmơt baar nar. 12Bu nday 'bưn sau hei ta tau n'hai 'bơơn paich nôôl phung raih tameh tawal khal êch, paich knông nhi r'bưn, paich ktôk nhi pơrgum, paich knông poh. 13Bei au, bu kot 'bưn kươt ndơơp sot ndraanh ơơn teq u ntil bu pnđing hei di mat ay. 14Hei sook di mat ay laah hei tênh baak jơ baah bu khuôl laa di pơrlang khach nei. Hei tư wơơl Brah Ưn yau yi hei ri, jơ jôm ntil 'bian knông sm'bưt ch'bap u pal sm'bưt grnưt noor. 15Hei geh pôl di kơndưng ktôk Brah Ưn bei nơơm bu kot geh bei nei, nei laa a kươi geh baak rêh kươi leq bnih sêch song dang bnih 'bưn song. 16Kot đươm u nei, hei pơrkhom nggan jah geh chưt nuih 'bưn dol pnđing sngaanh di mat Brah Ưn u di mat koon bnih. 17A kươi pal snam kơơi ngngai, bei au hei mơ plơq siq teh daak jah liêu griêng mlơ joq jraih u piyơ thwaai. 18Bu a mơp hei plah lơh ryơơng jhut rao knông nhi r'bưn, đươm 'bưn geh ta pơrgum phung ơk paich rook pơrsup ơơn leq.#Kênh 21:17-28. 19Dôh geh mbu baar du Jo-thai a A-si-a geh mat a nei; mơq bu geh ntil ơơn pnđing hei nei phrui lôh a mơp di mat ay jah pnđing ơơi. 20Paich bơl bnih a au phrui aan gưt hei ja geh dôih ơơn plah hei ta yoong a bôôk Phung kliêu Jưm mlưm; 21geh dơơn laa di ndroong hei mor tơt ta yoong lwah bu: ‘Đươm baak rêh kươi bah chhưt ri baah nar au hei dol pơrkat di mat bơl ay.’”#Kênh 23:6.
22Phê-lit kot gưt srlah teq u baak jơ baah Phao-lô mor nei mơ aan ndrei ta jưm mlưm u tơmbơh: “Khal êch nơơm kan lênh Li-si-a jur, hei a kươi rwach kaar au.” 23Yau tông maanh aan kan bôôk kray Phao-lô, dôh phrui aan bu kươt snôk sroong huôih, u mơq geh nơơm nhi bu lôh som ei nei khơơm pơrkhang.
24Pal nar kươi, Phê-lit n'hai sai ur nơơm laa Đơ-ru-si, bnih Jo-thai, lôh u maanh khuôl Phao-lô jah iat bu mor teq u chưt jơrnơ knông Yaang Krist Jê-sus. 25Dôh tơt Phao-lô mor teq u baak sêch song, baak prơng n'hai baak pơrkat nar a kươi, nei Phê-lit n'hông n'hing u mor: “Bei au ay phrui rônh sot; khal êch geh jơl rhơi hei a kươi khuôl kươi!” 26U nei, Phê-lit kot kơndưng Phao-lô chool prak sa lôp aan nơơm, mơ rnđơơih drơnan bu lôh u mor chhuôr n'hai bu. 27Baar snam kươi, Pôt-tiu Phê-tu lôh tơh Phê-lit. Đươm êch kươt chưt raih Jo-thai, Phê-lit khang groon Phao-lô knông khaam.
Právě zvoleno:
Kênh Kaar 24: SBL2024
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.
Kênh Kaar 24
24
Phao-lô di mat yau tông Phê-lit
1Pram nar kươi, Yau thwaai ttơơm A-na-nia han jur Sê-sa-rê pôl n'hai bơl raanh ttơơm u mbu yau gưt ch'bap chôôl Tet-tu-lu jah pnđing Phao-lô di mat yau tông. 2Tơt Phao-lô ja kươt khuôl mưt, Tet-tu-lu ptơơm pnđing bei au:
3“Ơi ay yau tông Phê-lit! Chkhưm 'bun yau tông baah n'au 'bau bơl hei kươt dơơn broh sroong; chkhôm baak jhai rpech ay ri baah ơk baak tơh mhei ja kươt lơh tênh aan raih bal au. A êch n'hai khal êch, bơl hei kot wơơt pơih pal ntil nei u chưt tak or njru. 4Dôh jah khơơm lơh tơmbool ông tông dơq hôm, hei dan ay pơih chưt ơt ơl baah iat baak tơmbơh gleh lnhơnh bơl hei ri: 5Ngan bei nei, bơl hei ja a mơp bnih au bei laa griêng praach r'bal, ja rook pơrsup knông kluung bnih Jo-thai lơ jôm play teh u laa noor bôôk thap Na-sa-ret ri. 6Bu kot ja lơh jrơơk jrơơm nhi r'bưn mơ bơl hei ja nhôp bu, [u bơl hei êch pơrkat bu tênh ch'bap bơl hei. 7Dôh nơơm kan lênh Li-si-a lôh, nhôp bu rlach ti bơl hei ndroong đơơk đaak u maanh aan bơl pnđing ơơm phrui lôh a mơp ông tông.]#24:6-7 [u bơl hei... lôh a mơp ông tông.]: Knông m'baak plơơp 'bian ti 'bưn geh pal sêr au. 8Dan nơơm ay phrui ôp rngach bu jah awap gưt jôm ntil baah bơl hei pnđing.” 9Bơl bnih Jo-thai kot pôl chưt n'hai baak pnđing kơt u jap ngan dip bei nei.
10Tơt yau tông wak ti maanh Phao-lô mor, bu ơh: “Hei gưt ay lơh nơơm pơrkat knông nggoor au u jook snam mơ hei broh s'bai koh roong êêng a bôôk mat ay. 11Bei ay ja gưt, hei hao Jê-ru-sa-lem jah chuh th'bưn ndah kươt jmơt baar nar. 12Bu nday 'bưn sau hei ta tau n'hai 'bơơn paich nôôl phung raih tameh tawal khal êch, paich knông nhi r'bưn, paich ktôk nhi pơrgum, paich knông poh. 13Bei au, bu kot 'bưn kươt ndơơp sot ndraanh ơơn teq u ntil bu pnđing hei di mat ay. 14Hei sook di mat ay laah hei tênh baak jơ baah bu khuôl laa di pơrlang khach nei. Hei tư wơơl Brah Ưn yau yi hei ri, jơ jôm ntil 'bian knông sm'bưt ch'bap u pal sm'bưt grnưt noor. 15Hei geh pôl di kơndưng ktôk Brah Ưn bei nơơm bu kot geh bei nei, nei laa a kươi geh baak rêh kươi leq bnih sêch song dang bnih 'bưn song. 16Kot đươm u nei, hei pơrkhom nggan jah geh chưt nuih 'bưn dol pnđing sngaanh di mat Brah Ưn u di mat koon bnih. 17A kươi pal snam kơơi ngngai, bei au hei mơ plơq siq teh daak jah liêu griêng mlơ joq jraih u piyơ thwaai. 18Bu a mơp hei plah lơh ryơơng jhut rao knông nhi r'bưn, đươm 'bưn geh ta pơrgum phung ơk paich rook pơrsup ơơn leq.#Kênh 21:17-28. 19Dôh geh mbu baar du Jo-thai a A-si-a geh mat a nei; mơq bu geh ntil ơơn pnđing hei nei phrui lôh a mơp di mat ay jah pnđing ơơi. 20Paich bơl bnih a au phrui aan gưt hei ja geh dôih ơơn plah hei ta yoong a bôôk Phung kliêu Jưm mlưm; 21geh dơơn laa di ndroong hei mor tơt ta yoong lwah bu: ‘Đươm baak rêh kươi bah chhưt ri baah nar au hei dol pơrkat di mat bơl ay.’”#Kênh 23:6.
22Phê-lit kot gưt srlah teq u baak jơ baah Phao-lô mor nei mơ aan ndrei ta jưm mlưm u tơmbơh: “Khal êch nơơm kan lênh Li-si-a jur, hei a kươi rwach kaar au.” 23Yau tông maanh aan kan bôôk kray Phao-lô, dôh phrui aan bu kươt snôk sroong huôih, u mơq geh nơơm nhi bu lôh som ei nei khơơm pơrkhang.
24Pal nar kươi, Phê-lit n'hai sai ur nơơm laa Đơ-ru-si, bnih Jo-thai, lôh u maanh khuôl Phao-lô jah iat bu mor teq u chưt jơrnơ knông Yaang Krist Jê-sus. 25Dôh tơt Phao-lô mor teq u baak sêch song, baak prơng n'hai baak pơrkat nar a kươi, nei Phê-lit n'hông n'hing u mor: “Bei au ay phrui rônh sot; khal êch geh jơl rhơi hei a kươi khuôl kươi!” 26U nei, Phê-lit kot kơndưng Phao-lô chool prak sa lôp aan nơơm, mơ rnđơơih drơnan bu lôh u mor chhuôr n'hai bu. 27Baar snam kươi, Pôt-tiu Phê-tu lôh tơh Phê-lit. Đươm êch kươt chưt raih Jo-thai, Phê-lit khang groon Phao-lô knông khaam.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.