Kênh Kaar 23
23
1Phao-lô mơq song lơ Phung kliêu Jưm mlưm u mor: “Ơi oh bi, di mat Brah Ưn, hei ja rêh n'hai leq chưt nuih book aang aan tơt nar au.” 2Plah nei, yau thwaai ttơơm A-na-nia maanh pal du ta yoong dơơh Phao-lô taap wiêm bu. 3Phao-lô mor: “Ơi pinir blaal piklôw tôw, Brah Ưn a kươi pơm bu. Bu gôq jah pơrkat hei tênh ch'bap baah leet lơh tih ch'bap, maanh bu pơm hei!#Mat 23:27-28.” 4Bơl bnih ta yoong dơơh nei mor: “'Bei pơđaai sa leq Yau thwaai ttơơm Brah Ưn ri neh!” 5Phao-lô ơh: “Ơi oh bi, hei 'bưn gưt bu nei laa Yau thwaai ttơơm; đươm geh 'bian laah: ‘Khơm đam điêl bnih kan bôôk raih nơơm.’”
6Phao-lô gưt geh m'baak knông rlum bu laa bnih Sa-đu-sê, m'baak nday lah bnih Pha-ri-si, mơ mor ttih di mat Phung kliêu Jưm mlưm: “Ơi bơl oh bi, hei laa bnih Pha-ri-si, koon bnih Pha-ri-si ri. Đươm baak kơndưng teq u baak rêh kươi a ktôk chhưt baah hei dol ndơơp pơrkat.#Kênh 26:5; Phil 3:5.” 7Bu mhei lơơi mor, bnih Pha-ri-si u bnih Sa-đu-sê ptơơm ta tau tơrnang nơơm u Phung kliêu dol pơrlang khach. 8Đươm bnih Sa-đu-sê mor laah 'bưn geh baak rêh kươi, kot 'bưn geh lênh brah paich wêêng ơơn laang; nha bnih Pha-ri-si nei leet sook leq sêch.#Mat 22:23; Mak 12:18; Lu 20:27. 9Bei nei baak ta rmhaan mơh kn'hao. Pal yau gưt jhai teq u mbaang Pha-ri-si ta yoong taang laah moh dang: “Bơl hei 'bưn wơng sau bnih au geh dôih đơơk ơơn laang. Gưt ơơn wêêng paich lênh brah ja mor n'hai bu nei ntil ơơn?” 10Đươm baak ta tau dươn but đat đuôt, nơơm kan lênh n'hông Phao-lô dol phung raih yah chhêêk, mơ maanh aan bơl lênh jưr têêk bu sot rlach bơl nei u liêu mưt knông đôn. 11Rlach mang a kươi, Brah lôh tơt n'hai Phao-lô u lah: “Phrui baanh khwaan! Koon ja lơh ndraanh aan Hei tal Jê-ru-sa-lem bei êch nei koon kot lơh ndraanh aan Hei tu Rô-ma bei nei.”
Bnih Jo-thai mon jmlôm lưm Phao-lô
12Tơt aang, bnih Jo-thai mon jmlôm u daai tơrnang nơơm laah bu 'bưn sa 'bưn ôn aan tơt jơl lưm kươt Phao-lô. 13Geh puôn jơt ndu huôih ja joq mưt pơrgênh jmlôm nei. 14Bu lôh u bơl yau thwaai ndap ttơơm u bơl raanh ttơơm, mor laah: “Bơl hei ja daai ta u 'bưn sa ơơn leq aan tơt jơl lưm kươt Phao-lô. 15Nei bei au, dan bơl g'bei u Phung kliêu Jưm mlưm rơ maanh nơơm kan lênh jưn bu u teh, tak lơh bei bơl g'bei êch ôp trach teq u ndroong au bu ri aan dip klêp huôih; nha bơl hei riap snap ơơm jah lưm bu di mat bu lôh u đau.” 16Dôh, koon klau ruh Phao-lô ri gưt kươt pơrgênh jmlôm nei, mơ han mưt knông đôn tơmbơh noor aan Phao-lô. 17Phao-lô khuôl di mbu kan bôôk raanh u mor: “Phrui liêu dơlu au lôh u yau kan bôôk đươm bu nei geh kaar êch tơmbơh.” 18Bei nei, kan bôôk raanh liêu bu han, liêu tơt nơơm kan lênh u ơh: “Bah khaam Phao-lô geh dan hei liêu dơlu au lôh n'hai ông tông đươm bu nei geh ntil ơơn êch mbơh.” 19Nơơm kan lênh dơp ti bi dơlu, liêu êêng sot gaaih u ôp: “Ay geh kaar ơơn chkhôm tơmbơh aan hei?” 20Bu ơh: “Bnih Jo-thai ja jmlôm pôl dan ông tông jưn Phao-lô jưr Phung kliêu Jưm mlưm lap nar a ôi, tak lơh bei bu êch ôp trach kaar au aan srlah huôih dơq. 21Dôh dan ông tông khơơm jơ bu, đươm geh huôih puôn jơt ndu knông bơl bu pơrgênh jmlôm lơh ap Phao-lô. Bu ja daai ta n'hai 'bưn sôông sa ơơn leq aan tơt jơl lưm kươt bu nei; bei au, bu plah riap srap, dơơn kơp ông tông aan ch'bap ei.” 22Nơơm kan lênh aan bnih dơlu nei siq u pn'ak: “Khơơm aan 'bơơn gưt oh ja mbơh ntil nei aan hei!”
Phao-lô dol jưn tơt yau tông Phê-lit
23Yau kan bôôk tơơm khuôl baar du kan bôôk u pn'ak: “Laap bêl sưn mang au, phrui riap snap baar riêng bơl lênh, poh jơt lênh traang u baar riêng lênh kan taak jah han tơt Sê-sa-rê. 24Kot phrui riap pi seh jah ndơơp Phao-lô tơt yau tông Phê-lit di ndroong sroong.” 25Bu kot 'bian aan yau tông di plơơp khaak bei au: 26“Kơ-lôt Li-si-a dan piyơ ay yau tông Phê-lit. Dan chak ay yau tông! 27Bnih Jo-thai ja nhôp bnih au, êch lưm teq nei hei baan liêu lênh lôh đoh rôih, đươm gưt laah bnih nei kot laa koon raih Rô-ma. 28Hei êch gưt srlah a hay bu pnđing mơ jưn bnih nei han tơt Phung kliêu Jưm mlưm. 29Hei gưt sau bnih nei dol pnđing teq u pal baak kaar a troop tơt knap ch'bap bu ri, dôh 'bưn tih di dôih ơơn dip jah chhưt paich laa dip jah dol teq khaam. 30Dôh hei geh ttang bu nday pơrgênh jmlôm lơh ap bnih nei mơ kơndaal jưn bnih nei lôh di mat ông tông, u hei kot maanh aan bơl pnđing ơơm phrui lôh di mat ông tông jah tơmbơh pnđing pơrjat.”
31Bei nei, bơl lênh lơh tênh, liêu Phao-lô han knông mang u jưn tơt An-ti-pa-tri. 32Nar a ôi, lênh traang han ndih n'hai bu, nha pal mbaan nday plơq siq đôn. 33Tơt lôh Sê-sa-rê, bu ndơơp khaak u tơrsau Phao-lô di mat yau tông. 34Di kươi chôôl plơơp khaak, yau tông ôp Phao-lô gôq khêêt êch; tơt gưt bu poh a Si-li-si 35nei mor: “Khal êch bơl pnđing ơơm lôh u đau, hei a kươi pơrkat kaar 'bei ri.” Ja nei yau tông maanh groon Phao-lô knông nhi Hê-rôt.
Právě zvoleno:
Kênh Kaar 23: SBL2024
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.
Kênh Kaar 23
23
1Phao-lô mơq song lơ Phung kliêu Jưm mlưm u mor: “Ơi oh bi, di mat Brah Ưn, hei ja rêh n'hai leq chưt nuih book aang aan tơt nar au.” 2Plah nei, yau thwaai ttơơm A-na-nia maanh pal du ta yoong dơơh Phao-lô taap wiêm bu. 3Phao-lô mor: “Ơi pinir blaal piklôw tôw, Brah Ưn a kươi pơm bu. Bu gôq jah pơrkat hei tênh ch'bap baah leet lơh tih ch'bap, maanh bu pơm hei!#Mat 23:27-28.” 4Bơl bnih ta yoong dơơh nei mor: “'Bei pơđaai sa leq Yau thwaai ttơơm Brah Ưn ri neh!” 5Phao-lô ơh: “Ơi oh bi, hei 'bưn gưt bu nei laa Yau thwaai ttơơm; đươm geh 'bian laah: ‘Khơm đam điêl bnih kan bôôk raih nơơm.’”
6Phao-lô gưt geh m'baak knông rlum bu laa bnih Sa-đu-sê, m'baak nday lah bnih Pha-ri-si, mơ mor ttih di mat Phung kliêu Jưm mlưm: “Ơi bơl oh bi, hei laa bnih Pha-ri-si, koon bnih Pha-ri-si ri. Đươm baak kơndưng teq u baak rêh kươi a ktôk chhưt baah hei dol ndơơp pơrkat.#Kênh 26:5; Phil 3:5.” 7Bu mhei lơơi mor, bnih Pha-ri-si u bnih Sa-đu-sê ptơơm ta tau tơrnang nơơm u Phung kliêu dol pơrlang khach. 8Đươm bnih Sa-đu-sê mor laah 'bưn geh baak rêh kươi, kot 'bưn geh lênh brah paich wêêng ơơn laang; nha bnih Pha-ri-si nei leet sook leq sêch.#Mat 22:23; Mak 12:18; Lu 20:27. 9Bei nei baak ta rmhaan mơh kn'hao. Pal yau gưt jhai teq u mbaang Pha-ri-si ta yoong taang laah moh dang: “Bơl hei 'bưn wơng sau bnih au geh dôih đơơk ơơn laang. Gưt ơơn wêêng paich lênh brah ja mor n'hai bu nei ntil ơơn?” 10Đươm baak ta tau dươn but đat đuôt, nơơm kan lênh n'hông Phao-lô dol phung raih yah chhêêk, mơ maanh aan bơl lênh jưr têêk bu sot rlach bơl nei u liêu mưt knông đôn. 11Rlach mang a kươi, Brah lôh tơt n'hai Phao-lô u lah: “Phrui baanh khwaan! Koon ja lơh ndraanh aan Hei tal Jê-ru-sa-lem bei êch nei koon kot lơh ndraanh aan Hei tu Rô-ma bei nei.”
Bnih Jo-thai mon jmlôm lưm Phao-lô
12Tơt aang, bnih Jo-thai mon jmlôm u daai tơrnang nơơm laah bu 'bưn sa 'bưn ôn aan tơt jơl lưm kươt Phao-lô. 13Geh puôn jơt ndu huôih ja joq mưt pơrgênh jmlôm nei. 14Bu lôh u bơl yau thwaai ndap ttơơm u bơl raanh ttơơm, mor laah: “Bơl hei ja daai ta u 'bưn sa ơơn leq aan tơt jơl lưm kươt Phao-lô. 15Nei bei au, dan bơl g'bei u Phung kliêu Jưm mlưm rơ maanh nơơm kan lênh jưn bu u teh, tak lơh bei bơl g'bei êch ôp trach teq u ndroong au bu ri aan dip klêp huôih; nha bơl hei riap snap ơơm jah lưm bu di mat bu lôh u đau.” 16Dôh, koon klau ruh Phao-lô ri gưt kươt pơrgênh jmlôm nei, mơ han mưt knông đôn tơmbơh noor aan Phao-lô. 17Phao-lô khuôl di mbu kan bôôk raanh u mor: “Phrui liêu dơlu au lôh u yau kan bôôk đươm bu nei geh kaar êch tơmbơh.” 18Bei nei, kan bôôk raanh liêu bu han, liêu tơt nơơm kan lênh u ơh: “Bah khaam Phao-lô geh dan hei liêu dơlu au lôh n'hai ông tông đươm bu nei geh ntil ơơn êch mbơh.” 19Nơơm kan lênh dơp ti bi dơlu, liêu êêng sot gaaih u ôp: “Ay geh kaar ơơn chkhôm tơmbơh aan hei?” 20Bu ơh: “Bnih Jo-thai ja jmlôm pôl dan ông tông jưn Phao-lô jưr Phung kliêu Jưm mlưm lap nar a ôi, tak lơh bei bu êch ôp trach kaar au aan srlah huôih dơq. 21Dôh dan ông tông khơơm jơ bu, đươm geh huôih puôn jơt ndu knông bơl bu pơrgênh jmlôm lơh ap Phao-lô. Bu ja daai ta n'hai 'bưn sôông sa ơơn leq aan tơt jơl lưm kươt bu nei; bei au, bu plah riap srap, dơơn kơp ông tông aan ch'bap ei.” 22Nơơm kan lênh aan bnih dơlu nei siq u pn'ak: “Khơơm aan 'bơơn gưt oh ja mbơh ntil nei aan hei!”
Phao-lô dol jưn tơt yau tông Phê-lit
23Yau kan bôôk tơơm khuôl baar du kan bôôk u pn'ak: “Laap bêl sưn mang au, phrui riap snap baar riêng bơl lênh, poh jơt lênh traang u baar riêng lênh kan taak jah han tơt Sê-sa-rê. 24Kot phrui riap pi seh jah ndơơp Phao-lô tơt yau tông Phê-lit di ndroong sroong.” 25Bu kot 'bian aan yau tông di plơơp khaak bei au: 26“Kơ-lôt Li-si-a dan piyơ ay yau tông Phê-lit. Dan chak ay yau tông! 27Bnih Jo-thai ja nhôp bnih au, êch lưm teq nei hei baan liêu lênh lôh đoh rôih, đươm gưt laah bnih nei kot laa koon raih Rô-ma. 28Hei êch gưt srlah a hay bu pnđing mơ jưn bnih nei han tơt Phung kliêu Jưm mlưm. 29Hei gưt sau bnih nei dol pnđing teq u pal baak kaar a troop tơt knap ch'bap bu ri, dôh 'bưn tih di dôih ơơn dip jah chhưt paich laa dip jah dol teq khaam. 30Dôh hei geh ttang bu nday pơrgênh jmlôm lơh ap bnih nei mơ kơndaal jưn bnih nei lôh di mat ông tông, u hei kot maanh aan bơl pnđing ơơm phrui lôh di mat ông tông jah tơmbơh pnđing pơrjat.”
31Bei nei, bơl lênh lơh tênh, liêu Phao-lô han knông mang u jưn tơt An-ti-pa-tri. 32Nar a ôi, lênh traang han ndih n'hai bu, nha pal mbaan nday plơq siq đôn. 33Tơt lôh Sê-sa-rê, bu ndơơp khaak u tơrsau Phao-lô di mat yau tông. 34Di kươi chôôl plơơp khaak, yau tông ôp Phao-lô gôq khêêt êch; tơt gưt bu poh a Si-li-si 35nei mor: “Khal êch bơl pnđing ơơm lôh u đau, hei a kươi pơrkat kaar 'bei ri.” Ja nei yau tông maanh groon Phao-lô knông nhi Hê-rôt.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.