Kênh Kaar 22
22
Phao-lô chhuôr aan bnih Jo-thai
1“Ơi bơl bi, bơl bươp, dan phrui iat hei koh roong au!” 2Tơt ttang bu mor dơng baak Hê-bơ-rơ, bu ơt rngơt huôih. Bu mor: 3“Hei laa bnih Jo-thai, lgơơch tu Tat-sơ, kwaal Si-li-si, dôh kươt ttih raap knông poh au, riên a teh jơng Ga-ma-li-ên. Hei kươt nti kne di ndroong klanh kluônh teq u ch'bap yau yi ri, bêêng chưt sang rmeh n'hai Brah Ưn kot bei leq sêch bơl g'bei nar au.#Kênh 5:34-39. 4Hei u ja nhôp kơt bơl bnih tênh baak jơ au aan tơt chhưt; nhôp kơt u teq khaam leq dang klau paich dơur#Kênh 8:3; 26:9-11.. 5Teq u ntil nei, yau thwaai ttơơm n'hai leq phung kliêu kot lơh ndraanh aan hei; hei ja pơih a ti bu pal khaak piyơ aan oh bi a Đa-mach, n'hai hei ja han tơt nei jah nhôp kơt bơl bnih a nei liêu siq Jê-ru-sa-lem jah phaat riat.
6Plah han troong êch dơơh Đa-mach, lap tơmlai nar tam, a drot geh rơn aang a tong lơ trôôk yơr kơndơp hei. 7Hei a kơq u teh u ttang geh baak lah n'hai hei: ‘Ơi Sau-lơ, Sau-lơ, a hay 'bei nhôp kơt Hei?’ 8Hei ơh: ‘Brah ơi, Brah laa 'bơơn?’ Pang lah: ‘Hei laa Jê-sus bnih Na-sa-ret pa 'bei plah nhôp kơt.’ 9Bơl bnih han n'hai hei sau rơn aang nei, dôh 'bưn ttang baak Yaang ri lah n'hai hei. 10Hei ơh: ‘Brah ơi, koon phrui lơh ơơn?’ Brah ơh: ‘Phrui dơk ơi, han tơt Đa-mach, a nei bu nday a kươi mor aan koon gưt jôm ntil Hei ja chong chôôl aan koon phrui lơh.’ 11Bơl gnasaal pôl dơp ti têêk hei tơt Đa-mach đươm rơn aang a tong ja lơh aan hei 'bưn sau troong.
12Knông poh nei geh A-na-nia laa bnih sang rmeh prap ơn ch'bap, kươt leq sêch bnih Jo-thai rêh a nei lơh ndraanh klanh. 13Bu lôh wơng hei, ta yoong mak gêêng u mor: ‘Ơi bi Sau-lơ, phrui aang mat kươi!’ Kơndaal tu bêl nei, hei kươt aang mat u mơq sau A-na-nia. 14Ja nei bu mor: ‘Brah Ưn yau yi bơl bơn ri ja sach bi jah gưt rnđêch Pang, sau Yaang Sêch Song u ttang baak mor a wiêm Pang. 15Đươm bi a kươi lơh ndraanh aan Pang di mat jôm bnih teq u pal ntil bi ja sau u ttang. 16Bei au, bi nha kơp ndưng pi ơơn dơq? Phrui kah kơơt, khuôl r'bon saak Brah baah pơih bap-tem u rao jrơh dôih 'baap nơơm haanh.’
17Hei plơq siq Jê-ru-sa-lem; plah r'bon dan knông nhi r'bưn nei hei sau tơrsau noor. 18Hei sau Brah Jê-sus plah lah n'hai hei laah: ‘Phrui gway ơơi, gway sot rlach Jê-ru-sa-lem, đươm bu a kươi 'bưn sook baak lơh ndraanh koon ri teq u Hei laang!’ 19Hei ơh: ‘Brah ơi, nơơm bu gưt koon u ja teq khaam u pơm sơmboong bơl bnih jơ Brah knông pal nhi pơrgum hih. 20Leet khal Ê-tiên laa bnih lơh ndraanh aan Brah dol a chai mhaam nei nơơm koon kot ta yoong mak gêêng, pôl chưt n'hai bu u prap ao rhap aan bơl bah lưm bu nei.#Kênh 7:58.’ 21Brah lah n'hai hei: ‘Phrui han, đươm Hei a kươi maanh koon lôh u bơl bnih nggoor agaih gôq ktôk ngngai.’”
22Bu dol iat chmlam Phao-lô mor, dôh tơt ndroong au nei kn'hao rôw tih: “Phrui lưm bơl bnih nei rlach mat teh! Bu 'bưn dip jah rêh hôm!” 23Bu troh rôw, chơ lhơh ao rhap, rteh pưn druih steh lơ trôôk. 24Nơơm kan lênh maanh liêu Phao-lô mưt knông đôn, nhôq kong rbat ôp trach bu jah gưt a hay phung raih troh rôw kmang n'hai bu bei nei. 25Tơt bơl bu lwat bu sot jah pơm sơmboong nei Phao-lô mor n'hai kan bôôk raanh plah ta yoong dơơh nei: “Bơl ay kươt ch'bap pơm sơmboong di mbu raih Rô-ma jơl ndah kaap dôih laang?” 26Ttang bei nei, kan bôôk han ơh n'hai nơơm kan lênh laah: “Bu êch lơh ơơn au? Đươm bnih au laa raih Rô-ma.” 27Bei nei, nơơm kan lênh lôh a mơp Phao-lô u ôp: “Phrui mor aan hei gưt, ay geh dip laa raih Rô-ma 'bưn?” Bu ơh: “Hơq.” 28Nơơm kan lênh mor: “Hei ja pook kmheng raih nei n'hai prak prêh đat.” Phao-lô mor: “Nha hei nei mhei lgơơch ja geh kmheng raih nei hơơi.” 29Kơndaal, bơl bah riap ôp trach bu kot rônh kươi u nơơm kan lênh n'hông n'hing tơt gưt bnih nơơm na ja kơt nei laa mbu koon raih Rô-ma.
Phao-lô noor Phung kliêu Jưm mlưm
30A ôi, nơơm kan lênh êch gưt srlah rơ kheet Phao-lô dol bnih Jo-thai pnđing mơ maanh doh kơt aan Phao-lô, u maanh aan bơl yau thwaai ndap ttơơm u sơp leq phung kliêu pơrgum kươi, ja nei liêu Phao-lô sot ta yoong di mat bu.
Právě zvoleno:
Kênh Kaar 22: SBL2024
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.
Kênh Kaar 22
22
Phao-lô chhuôr aan bnih Jo-thai
1“Ơi bơl bi, bơl bươp, dan phrui iat hei koh roong au!” 2Tơt ttang bu mor dơng baak Hê-bơ-rơ, bu ơt rngơt huôih. Bu mor: 3“Hei laa bnih Jo-thai, lgơơch tu Tat-sơ, kwaal Si-li-si, dôh kươt ttih raap knông poh au, riên a teh jơng Ga-ma-li-ên. Hei kươt nti kne di ndroong klanh kluônh teq u ch'bap yau yi ri, bêêng chưt sang rmeh n'hai Brah Ưn kot bei leq sêch bơl g'bei nar au.#Kênh 5:34-39. 4Hei u ja nhôp kơt bơl bnih tênh baak jơ au aan tơt chhưt; nhôp kơt u teq khaam leq dang klau paich dơur#Kênh 8:3; 26:9-11.. 5Teq u ntil nei, yau thwaai ttơơm n'hai leq phung kliêu kot lơh ndraanh aan hei; hei ja pơih a ti bu pal khaak piyơ aan oh bi a Đa-mach, n'hai hei ja han tơt nei jah nhôp kơt bơl bnih a nei liêu siq Jê-ru-sa-lem jah phaat riat.
6Plah han troong êch dơơh Đa-mach, lap tơmlai nar tam, a drot geh rơn aang a tong lơ trôôk yơr kơndơp hei. 7Hei a kơq u teh u ttang geh baak lah n'hai hei: ‘Ơi Sau-lơ, Sau-lơ, a hay 'bei nhôp kơt Hei?’ 8Hei ơh: ‘Brah ơi, Brah laa 'bơơn?’ Pang lah: ‘Hei laa Jê-sus bnih Na-sa-ret pa 'bei plah nhôp kơt.’ 9Bơl bnih han n'hai hei sau rơn aang nei, dôh 'bưn ttang baak Yaang ri lah n'hai hei. 10Hei ơh: ‘Brah ơi, koon phrui lơh ơơn?’ Brah ơh: ‘Phrui dơk ơi, han tơt Đa-mach, a nei bu nday a kươi mor aan koon gưt jôm ntil Hei ja chong chôôl aan koon phrui lơh.’ 11Bơl gnasaal pôl dơp ti têêk hei tơt Đa-mach đươm rơn aang a tong ja lơh aan hei 'bưn sau troong.
12Knông poh nei geh A-na-nia laa bnih sang rmeh prap ơn ch'bap, kươt leq sêch bnih Jo-thai rêh a nei lơh ndraanh klanh. 13Bu lôh wơng hei, ta yoong mak gêêng u mor: ‘Ơi bi Sau-lơ, phrui aang mat kươi!’ Kơndaal tu bêl nei, hei kươt aang mat u mơq sau A-na-nia. 14Ja nei bu mor: ‘Brah Ưn yau yi bơl bơn ri ja sach bi jah gưt rnđêch Pang, sau Yaang Sêch Song u ttang baak mor a wiêm Pang. 15Đươm bi a kươi lơh ndraanh aan Pang di mat jôm bnih teq u pal ntil bi ja sau u ttang. 16Bei au, bi nha kơp ndưng pi ơơn dơq? Phrui kah kơơt, khuôl r'bon saak Brah baah pơih bap-tem u rao jrơh dôih 'baap nơơm haanh.’
17Hei plơq siq Jê-ru-sa-lem; plah r'bon dan knông nhi r'bưn nei hei sau tơrsau noor. 18Hei sau Brah Jê-sus plah lah n'hai hei laah: ‘Phrui gway ơơi, gway sot rlach Jê-ru-sa-lem, đươm bu a kươi 'bưn sook baak lơh ndraanh koon ri teq u Hei laang!’ 19Hei ơh: ‘Brah ơi, nơơm bu gưt koon u ja teq khaam u pơm sơmboong bơl bnih jơ Brah knông pal nhi pơrgum hih. 20Leet khal Ê-tiên laa bnih lơh ndraanh aan Brah dol a chai mhaam nei nơơm koon kot ta yoong mak gêêng, pôl chưt n'hai bu u prap ao rhap aan bơl bah lưm bu nei.#Kênh 7:58.’ 21Brah lah n'hai hei: ‘Phrui han, đươm Hei a kươi maanh koon lôh u bơl bnih nggoor agaih gôq ktôk ngngai.’”
22Bu dol iat chmlam Phao-lô mor, dôh tơt ndroong au nei kn'hao rôw tih: “Phrui lưm bơl bnih nei rlach mat teh! Bu 'bưn dip jah rêh hôm!” 23Bu troh rôw, chơ lhơh ao rhap, rteh pưn druih steh lơ trôôk. 24Nơơm kan lênh maanh liêu Phao-lô mưt knông đôn, nhôq kong rbat ôp trach bu jah gưt a hay phung raih troh rôw kmang n'hai bu bei nei. 25Tơt bơl bu lwat bu sot jah pơm sơmboong nei Phao-lô mor n'hai kan bôôk raanh plah ta yoong dơơh nei: “Bơl ay kươt ch'bap pơm sơmboong di mbu raih Rô-ma jơl ndah kaap dôih laang?” 26Ttang bei nei, kan bôôk han ơh n'hai nơơm kan lênh laah: “Bu êch lơh ơơn au? Đươm bnih au laa raih Rô-ma.” 27Bei nei, nơơm kan lênh lôh a mơp Phao-lô u ôp: “Phrui mor aan hei gưt, ay geh dip laa raih Rô-ma 'bưn?” Bu ơh: “Hơq.” 28Nơơm kan lênh mor: “Hei ja pook kmheng raih nei n'hai prak prêh đat.” Phao-lô mor: “Nha hei nei mhei lgơơch ja geh kmheng raih nei hơơi.” 29Kơndaal, bơl bah riap ôp trach bu kot rônh kươi u nơơm kan lênh n'hông n'hing tơt gưt bnih nơơm na ja kơt nei laa mbu koon raih Rô-ma.
Phao-lô noor Phung kliêu Jưm mlưm
30A ôi, nơơm kan lênh êch gưt srlah rơ kheet Phao-lô dol bnih Jo-thai pnđing mơ maanh doh kơt aan Phao-lô, u maanh aan bơl yau thwaai ndap ttơơm u sơp leq phung kliêu pơrgum kươi, ja nei liêu Phao-lô sot ta yoong di mat bu.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.