Kênh Kaar 21
21
Phao-lô tu Ti-rơ
1Bơl hei lơơi bu, sot daak rmưt u han song tơt Kôt. Nar a ôi, bơl hei tơt Rô-đơ, u a nei tơt Pa-ta-ra. 2A nei, bơl hei mơp di mlơm sbau han rlach Phê-ni-si mơ jưr sbau u lơơi krpal. 3Tơt mơq sau gguônh Sip, bơl hei han rlach mak ma nar nhơp gguônh au ri, han song tơt Si-ri u tơt bơr a Ti-rơ, đươm sbau phrui tuôn griêng grau tu nei. 4Di kươi wơng kươt bơl jơrnơ, bơl hei gôq a kươi n'hai bu poh nar. Bơl jơrnơ kươt Brah Wêêng rthưt nuih, buôi Phao-lô khơơm hao Jê-ru-sa-lem. 5Dôh tơt pal nar rlu ktôk ja rlach, bơl hei ndih rơn han. Leq sêch jơrnơ pôl n'hai koon sai bu jưn bơl hei tơt agaih poh, ja nei jôm bnih kot kơltut kôq tang lơ kơh daak rmưt baah r'bon dan. 6Di kươi ta lơơi, bơl hei jưr u sbau nha bơl jơrnơ siq u nhi.
Phao-lô tu Pê-tô-lê-mai n'hai Sê-sa-rê
7A Ti-rơ, bơl hei han leq troong rpal nei tơt Pê-tô-lê-mai, chah nhjook oh bi u gôq a kươi n'hai bu di nar. 8A ôi, bơl hei han troong tơt Sê-sa-rê, mưt u nhi Phi-lip, bnih tơmbơh chhuôr Baak Sroong Klanh u laa di mbu knông poh du jraih kaar, ja nei gôq a kươi nei.#Kênh 6:5; 8:5. 9Bu geh puôn du koon ur rnuônh, geh 'bun mor grnưt noor. 10Knông plah bơl hei gôq a kươi nei pal nar, geh di mbu grnưt noor chhak lah A-ga-but a Ju-đê jưr.#Kênh 11:28. 11Bu lôh nhjook bơl hei, pơih chhei wơnh buq Phao-lô ri kơt jơng ti nơơm u mor: “Au laa baak Brah Wêêng lah: ‘Tu Jê-ru-sa-lem, bnih Jo-thai a kươi kơt bnih geh chhei wơnh buq au bei nei u ndơơp teq u ti bnih nggoor agaih.’” 12Tơt ttang pal baak nei, bơl jơrnơ ktôk nei u bơl hei kot dan Phao-lô khơơm hao Jê-ru-sa-lem. 13Dôh Phao-lô ơh: “Oh bi nhim ngliêng lơh ơơn aan ji nuih hei? Đươm hei snap 'bưn dơơn dol kơt, baah leq dơng dol chhưt đươm saak Brah laa Brah Jê-sus tu Jê-ru-sa-lem hih.” 14Tơt sau 'bưn geh ndit bu kươt hôm, bơl hei chhơi srung kươi u mor: “Dan rnđêch Brah kươt but!”
Phao-lô tu Jê-ru-sa-lem
15Kơi pal nar gôq a nei, bơl hei riap srap jah hao Jê-ru-sa-lem. 16Geh bơl jơrnơ a Sê-sa-rê han pôl, liêu bơl hei mưt u nhi Ma-na-sôn poh a gguônh Sip, laa di mbu jơrnơ knông bơl jơrnơ, n'hai bơl hei drơm a nei. 17Tơt Jê-ru-sa-lem, bơl hei kươt oh bi wơơt broh s'bai.
18Nar ndih, Phao-lô han n'hai bơl hei lôh nhjook Ja-kơ. Leq sêch bơl raanh ttơơm kot geh mat a nei. 19Di kươi chah nhjook, Phao-lô chhuôr kươi ơp sơnơ jôm ntil Brah Ưn ja lơh tênh klung bơl bnih nggoor agaih rlach kênh kaar nơơm. 20Tơt ttang luôih, bu pơt wơơl Brah Ưn, ja nei mor n'hai Phao-lô: “Bi ơi, bi sau nei, geh rhiêng rban bnih Jo-thai ja jơ; leq sêch kot sôt sang teq u ch'bap. 21Bu ja ttang lư teq u bi laah bi kne bơl bnih Jo-thai rêh u bơl bnih nggoor agaih phrui teq ch'bap Môi-se, khơơm kat pêêk aan koon sau u khơơm ơơn prap pal baak ch'bap koon bnih ri hôm. 22Bei nei, phrui rơơp bei êch? Đươm jap ngan bu gưt baak bi ja lôh hơơi. 23Đươm nei, dan bi phrui lơh tênh ntil bơl hei pn'ak bi: Bơl hei geh puôn du plah a yơơt baak r'bon dan. 24Phrui liêu n'hai puôn du au lơh ryơơng jhut rao pôl n'hai bu, u dol prak aan bu grach chhok.#21:24 grach chhok: Mơq baak rơih gôq 18:18. Bei au, jôm bnih a kươi gưt pal baak lư teq u bi laa 'bưn dip, n'hai gưt nơơm bi kot ơơn prap ch'bap. 25Nha teq u thap bnih nggoor agaih ja jơ, bơl hei ja 'bian khaak aan bu gưt teq u rwach bơl hei ri, nei laa: 'bưn sa griêng kwaai pơsun ri, mhaam, pai griêng chhưt a sêt u khơơm jrôq jrơm.#Kênh 15:29.” 26Phao-lô liêu puôn du han pôl, u nar a ôi, lơh pôl ryơơng jhut rao n'hai bu; ja nei bu mưt nhi r'bưn, aan bu gưt khal êch jơl jhut rao a kươi lơh sơp u griêng thwaai baah jôm bnih knông bu phrui piyơ.
Phao-lô dol nhôp knông nhi r'bưn
27Tơt poh nar êch dơơh leq, bơl bnih Jo-thai poh a A-si-a sau Phao-lô knông nhi r'bưn mơ nôôl phung raih nhôp bu. 28Bu troh tih: “Raih bal I-sra-ên ơi, phrui lôh jraih bơl hei rê! Nơơm bah au chhuôr kne jôm ktôk, ta wal kươi raih bal, ch'bap u leq ktôk au; huôih nha, bu nha liêu bnih Hi-lap mưt nhi r'bưn, lơh jrơơk jrơơm ktôk jrah au.#Kênh 20:4.” 29Rơ kheet laa noor nei bu ja sau Trô-phim, bnih Ê-phê-sô, gôq n'hai Phao-lô knông poh mơ kơn ơơn laah Phao-lô ja liêu bu nei mưt nhi r'bưn. 30Leq di poh kot wưu wao, phung raih tuôt nhôp Phao-lô têêk sot rlach nhi r'bưn, u kơndaal tang pal lpôông kươi. 31Jơl knông bu plah wơng ndroong lưm bu nei nơơm kan lênh phung lênh Rô-ma ttang baak laah leq poh Jê-ru-sa-lem plah tameh tawal. 32Kơndaal, bu liêu bơl lênh u kơrnan lênh raan tơt ktôk phung ơk. Mhei sau nơơm kan lênh u lênh traang nei bu rlu ti, 'bưn pơm sơmboong Phao-lô hôm. 33Nơơm kan lênh lôh dơơh, nhôp Phao-lô u maanh kơt bu kươi dơng baar chhei chrwak, ja nei ôp bu laa 'bơơn u ja lơh pal kaar ơơn. 34Knông phung raih, bnih khuôl bei au, bnih troh bei tôw; nơơm kan lênh 'bưn geh gưt kươt lah 'bưn lôh bei êch đươm lhit lhaat ir mơ maanh jưn teq u đôn. 35Plah Phao-lô chwaat hao 'boong, bơl lênh phrui krôông krêêng bu han đươm phung ơk đơơk đaak ir. 36Phung raih têêk tênh a kươi rôw hao: “Phrui lưm bu ơơi!”
37Tơt êch dơơh kươt liêu mưt u đôn, Phao-lô mor n'hai nơơm kan lênh: “Hei awap mor n'hai ay pal baak kươt 'bưn?” Nơơm kan lênh ôp: “'Bei gưt mor baak Hi-lap neh? 38Bei nei 'bei 'bưn dip laa bah Ai-kap tôw, noor n'au di rbôông ja tameh tawal, têêk puôn ban lênh ta lưm teq u ktôk trenh sngat laang?” 39Phao-lô ơh: “Hei laa bnih Jo-thai, poh a Tat-sơ, kwaal Si-li-si, raih di poh peh thlay ri. Dan phrui aan ch'bap hei mor n'hai phung raih.” 40Kươt ch'bap hơơi, Phao-lô ta yoong lơ waan 'boong, lơơk ti wak aan phung raih. Tơt jôm bnih iat rngơt, bu mor drơơl baak Hê-bơ-rơ laah:
Právě zvoleno:
Kênh Kaar 21: SBL2024
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.
Kênh Kaar 21
21
Phao-lô tu Ti-rơ
1Bơl hei lơơi bu, sot daak rmưt u han song tơt Kôt. Nar a ôi, bơl hei tơt Rô-đơ, u a nei tơt Pa-ta-ra. 2A nei, bơl hei mơp di mlơm sbau han rlach Phê-ni-si mơ jưr sbau u lơơi krpal. 3Tơt mơq sau gguônh Sip, bơl hei han rlach mak ma nar nhơp gguônh au ri, han song tơt Si-ri u tơt bơr a Ti-rơ, đươm sbau phrui tuôn griêng grau tu nei. 4Di kươi wơng kươt bơl jơrnơ, bơl hei gôq a kươi n'hai bu poh nar. Bơl jơrnơ kươt Brah Wêêng rthưt nuih, buôi Phao-lô khơơm hao Jê-ru-sa-lem. 5Dôh tơt pal nar rlu ktôk ja rlach, bơl hei ndih rơn han. Leq sêch jơrnơ pôl n'hai koon sai bu jưn bơl hei tơt agaih poh, ja nei jôm bnih kot kơltut kôq tang lơ kơh daak rmưt baah r'bon dan. 6Di kươi ta lơơi, bơl hei jưr u sbau nha bơl jơrnơ siq u nhi.
Phao-lô tu Pê-tô-lê-mai n'hai Sê-sa-rê
7A Ti-rơ, bơl hei han leq troong rpal nei tơt Pê-tô-lê-mai, chah nhjook oh bi u gôq a kươi n'hai bu di nar. 8A ôi, bơl hei han troong tơt Sê-sa-rê, mưt u nhi Phi-lip, bnih tơmbơh chhuôr Baak Sroong Klanh u laa di mbu knông poh du jraih kaar, ja nei gôq a kươi nei.#Kênh 6:5; 8:5. 9Bu geh puôn du koon ur rnuônh, geh 'bun mor grnưt noor. 10Knông plah bơl hei gôq a kươi nei pal nar, geh di mbu grnưt noor chhak lah A-ga-but a Ju-đê jưr.#Kênh 11:28. 11Bu lôh nhjook bơl hei, pơih chhei wơnh buq Phao-lô ri kơt jơng ti nơơm u mor: “Au laa baak Brah Wêêng lah: ‘Tu Jê-ru-sa-lem, bnih Jo-thai a kươi kơt bnih geh chhei wơnh buq au bei nei u ndơơp teq u ti bnih nggoor agaih.’” 12Tơt ttang pal baak nei, bơl jơrnơ ktôk nei u bơl hei kot dan Phao-lô khơơm hao Jê-ru-sa-lem. 13Dôh Phao-lô ơh: “Oh bi nhim ngliêng lơh ơơn aan ji nuih hei? Đươm hei snap 'bưn dơơn dol kơt, baah leq dơng dol chhưt đươm saak Brah laa Brah Jê-sus tu Jê-ru-sa-lem hih.” 14Tơt sau 'bưn geh ndit bu kươt hôm, bơl hei chhơi srung kươi u mor: “Dan rnđêch Brah kươt but!”
Phao-lô tu Jê-ru-sa-lem
15Kơi pal nar gôq a nei, bơl hei riap srap jah hao Jê-ru-sa-lem. 16Geh bơl jơrnơ a Sê-sa-rê han pôl, liêu bơl hei mưt u nhi Ma-na-sôn poh a gguônh Sip, laa di mbu jơrnơ knông bơl jơrnơ, n'hai bơl hei drơm a nei. 17Tơt Jê-ru-sa-lem, bơl hei kươt oh bi wơơt broh s'bai.
18Nar ndih, Phao-lô han n'hai bơl hei lôh nhjook Ja-kơ. Leq sêch bơl raanh ttơơm kot geh mat a nei. 19Di kươi chah nhjook, Phao-lô chhuôr kươi ơp sơnơ jôm ntil Brah Ưn ja lơh tênh klung bơl bnih nggoor agaih rlach kênh kaar nơơm. 20Tơt ttang luôih, bu pơt wơơl Brah Ưn, ja nei mor n'hai Phao-lô: “Bi ơi, bi sau nei, geh rhiêng rban bnih Jo-thai ja jơ; leq sêch kot sôt sang teq u ch'bap. 21Bu ja ttang lư teq u bi laah bi kne bơl bnih Jo-thai rêh u bơl bnih nggoor agaih phrui teq ch'bap Môi-se, khơơm kat pêêk aan koon sau u khơơm ơơn prap pal baak ch'bap koon bnih ri hôm. 22Bei nei, phrui rơơp bei êch? Đươm jap ngan bu gưt baak bi ja lôh hơơi. 23Đươm nei, dan bi phrui lơh tênh ntil bơl hei pn'ak bi: Bơl hei geh puôn du plah a yơơt baak r'bon dan. 24Phrui liêu n'hai puôn du au lơh ryơơng jhut rao pôl n'hai bu, u dol prak aan bu grach chhok.#21:24 grach chhok: Mơq baak rơih gôq 18:18. Bei au, jôm bnih a kươi gưt pal baak lư teq u bi laa 'bưn dip, n'hai gưt nơơm bi kot ơơn prap ch'bap. 25Nha teq u thap bnih nggoor agaih ja jơ, bơl hei ja 'bian khaak aan bu gưt teq u rwach bơl hei ri, nei laa: 'bưn sa griêng kwaai pơsun ri, mhaam, pai griêng chhưt a sêt u khơơm jrôq jrơm.#Kênh 15:29.” 26Phao-lô liêu puôn du han pôl, u nar a ôi, lơh pôl ryơơng jhut rao n'hai bu; ja nei bu mưt nhi r'bưn, aan bu gưt khal êch jơl jhut rao a kươi lơh sơp u griêng thwaai baah jôm bnih knông bu phrui piyơ.
Phao-lô dol nhôp knông nhi r'bưn
27Tơt poh nar êch dơơh leq, bơl bnih Jo-thai poh a A-si-a sau Phao-lô knông nhi r'bưn mơ nôôl phung raih nhôp bu. 28Bu troh tih: “Raih bal I-sra-ên ơi, phrui lôh jraih bơl hei rê! Nơơm bah au chhuôr kne jôm ktôk, ta wal kươi raih bal, ch'bap u leq ktôk au; huôih nha, bu nha liêu bnih Hi-lap mưt nhi r'bưn, lơh jrơơk jrơơm ktôk jrah au.#Kênh 20:4.” 29Rơ kheet laa noor nei bu ja sau Trô-phim, bnih Ê-phê-sô, gôq n'hai Phao-lô knông poh mơ kơn ơơn laah Phao-lô ja liêu bu nei mưt nhi r'bưn. 30Leq di poh kot wưu wao, phung raih tuôt nhôp Phao-lô têêk sot rlach nhi r'bưn, u kơndaal tang pal lpôông kươi. 31Jơl knông bu plah wơng ndroong lưm bu nei nơơm kan lênh phung lênh Rô-ma ttang baak laah leq poh Jê-ru-sa-lem plah tameh tawal. 32Kơndaal, bu liêu bơl lênh u kơrnan lênh raan tơt ktôk phung ơk. Mhei sau nơơm kan lênh u lênh traang nei bu rlu ti, 'bưn pơm sơmboong Phao-lô hôm. 33Nơơm kan lênh lôh dơơh, nhôp Phao-lô u maanh kơt bu kươi dơng baar chhei chrwak, ja nei ôp bu laa 'bơơn u ja lơh pal kaar ơơn. 34Knông phung raih, bnih khuôl bei au, bnih troh bei tôw; nơơm kan lênh 'bưn geh gưt kươt lah 'bưn lôh bei êch đươm lhit lhaat ir mơ maanh jưn teq u đôn. 35Plah Phao-lô chwaat hao 'boong, bơl lênh phrui krôông krêêng bu han đươm phung ơk đơơk đaak ir. 36Phung raih têêk tênh a kươi rôw hao: “Phrui lưm bu ơơi!”
37Tơt êch dơơh kươt liêu mưt u đôn, Phao-lô mor n'hai nơơm kan lênh: “Hei awap mor n'hai ay pal baak kươt 'bưn?” Nơơm kan lênh ôp: “'Bei gưt mor baak Hi-lap neh? 38Bei nei 'bei 'bưn dip laa bah Ai-kap tôw, noor n'au di rbôông ja tameh tawal, têêk puôn ban lênh ta lưm teq u ktôk trenh sngat laang?” 39Phao-lô ơh: “Hei laa bnih Jo-thai, poh a Tat-sơ, kwaal Si-li-si, raih di poh peh thlay ri. Dan phrui aan ch'bap hei mor n'hai phung raih.” 40Kươt ch'bap hơơi, Phao-lô ta yoong lơ waan 'boong, lơơk ti wak aan phung raih. Tơt jôm bnih iat rngơt, bu mor drơơl baak Hê-bơ-rơ laah:
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.